ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): პანკრეატინი, დიმეთიკონი/pancreatine, dimethicone

კლინიკურ–ფარმაკოლოგიური ჯგუფი: საჭმლის მომნელებელი ფერმენტების შემცველი პრეპარატები
შემადგენლობა
1 ტაბლეტი შეიცავს: აქტიური ნივთიერება
პანკრეატინი 170 მგ (ლიპაზა 6500სე, ამილაზა 5500სე, პროტეაზა 400სე).
დიმეთიკონი – 80 მგ.
დამხმარე ნივთიერებები: სილიციუმის დიოქსიდი, მეთილპარაჰიდროქსიბენზოატი, რკინის ოქსიდი, პროპილპარაჰიდროქსიბენზოატი, ჰიპრომელოზა, ტიტანის დიოქსიდი, ჟელატინი, საღებავი.

ფარმაკოლოგიური თვისებები
ფერმენტული პრეპარატი. აკომპენსირებს კუჭქვეშა ჯირკვლის შიდასეკრეტორული ფუნქციის უკმარისობას, აუმჯობესებს საჭმლის მონელების პროცესს და ხელს უშლის მეტეორიზმის განვითარებას.
პანკრეატინი –საკლავი პირუტყვის კუჭქვეშა ჯირკვლის ფხვნილი, რომელიც შეიცავს ისეთ ფერმენტებს, როგორიცაა ლიპაზა, ალფა-ამილაზა, პროტეაზა, ტრიფსინი, ქიმოტრიფსინი და სხვ. პანკრეატინის შემადგენლობაში შემავალი ფერმენტები ამილაზა, ლიპაზა, პროტეაზა აუმჯობესებს ნახშირწყლების, ცხიმების, ცილების მონელების პროცესს და ხელს უწყობს მათ სრულ შეწოვას წვრილ ნაწლავში.
ლიპაზა შლის ცხიმოვან მჟავებს ტრიგლიცერიდების 1 და 3 პოზიციებზე. თავისუფალი ცხიმოვანი მჟავები, რომლებიც წარმოიქმნება ამგვარი დაყოფისას, შეიწოვება ძირითადად წვრილი ნაწლავის ზედა ნაწილიდან ნაღვლის მჟავების მონაწილეობით. ტრიფსინი წარმოიქმნება ტრიფსინოგენიდან ენტეროკინაზას მოქმედებით წვრილ ნაწლავში. არღვევს პეპტიდებს შორის კავშირებს, რომლებშიც მონაწილეობს ლიზინი ან არგინინი. კლინიკური გამოკვლევების შედეგებით ტრიფსინი აინჰიბირებს კუჭქვეშა ჯირკვლის სეკრეციას უკუკავშირის მექანიზმით. არსებობს ვარაუდი, რომ ზოგიერთ გამოკვლევაში აღწერილი პანკრეატინის ტკივილგამაყუჩებელი ეფექტი სწორედ ამასთან არის დაკავშირებული. ალფა-ამილაზა, ისევე როგორც ენდოამილაზა, ყოფს გლუკოზის შემცველ პოლისაქარიდებს.
დიმეთიკონი ამცირებს წვრილ ნაწლავში გაზების წარმოქმნას და ხელს უშლის მათ მომატებულ დაგროვებას. დიმეთიკონი ზედაპირულად აქტიური ნივთიერებაა, ამცირებს საჭმლის მომნელებელ ტრაქტში აირის ბუშტუკების ზედაპირულ დაჭიმულობას და იწვევს მათ გახეთქვას.
პანკრეატინი და დიმეთიკონი არ შეიწოვება კუჭ-ნაწლავის ტრაქტიდან.

ჩვენებები
• კუჭქვეშა ჯირკვლის ფუნქციის დარღვევა (შიდასეკრეტორული ფუნქციის უკმარისობა), მაგალითად, ქრონიკული პანკრეატიტები და კუჭის აქილია;
• საჭმლის მონელების დარღვევები ღვიძლისა და სანაღვლე გზების დაავადებებისას;
• საჭმლის მონელების დარღვევები კუჭზე და წვრილ ნაწლავზე ოპერაციის შემდეგ, განსაკუთრებით, თუ ეს დაავადებები დაკავშირებულია აირების მომატებულ წარმოქმნასთან და გაზების დაგროვებასთან ნაწლავებში (მეტეორიზმი).

მიღების წესები და დოზები
მოზრდილებში ინიშნება 1-2 ტაბლეტი ყოველი საკვების მიღებაზე.
12 წლის ასაკიდან ბავშვებში დოზირების რეჟიმი განისაზღვრება ინდივიდუალურად.
მკურნალობის კურსის ხანგრძლივობა დგინდება ექიმის მიერ.
პრეპარატი მიიღება პერორალურად, დაუღეჭავად, წყლის მიყოლებით, ჭამის დროს ან ჭამის შემდეგ.

გვერდითი მოვლენები
დერმატოლოგიური რეაქციები: შესაძლებელია ალერგიული რეაქციები (პრეპარატის რომელიმე კომპონენტის აუტანლობისას).
საჭმლის მომნელებელი სისტემის მხრივ: ტკივილი მუცლის არეში, დისკომფორტი კუჭის არეში, ყაბზობა, დიარეა, გულისრევა, პირღებინება, ჰიპერურიკოზურია, შარდმჟავას დონის მომატება სისხლის პლაზმაში.

უკუჩვენება
12 წლამდე ბავშვთა ასაკი.
მომატებული მგრძნობელობა პრეპარატის კომპონენტებისადმი.
პრეპარატი სიფრთხილით ინიშნება მწვავე პანკრეატიტის ადრეულ სტადიებზე და ქრონიკული პანკრეატიტის გამწვავებისას, აგრეთვე გალაქტოზას აუტანლობის, ლაქტოზური უკმარისობის დროს და გლუკოზა-გალაქტოზას შეწოვის დარღვევებისას.

ორსულობა და ლაქტაცია
მონაცემები რეპროდუქციულ ფუნქციაზე და ნაყოფის განვითარებაზე ტოქსიკური მოქმედების შესახებ არ არსებობს. თუმცა, ვინაიდან ორსულობისა და ლაქტაციის პერიოდში პრეპარატის გამოყენების უსაფრთხოება საკმარისად შესწავლილი არ არის, აუცილებელია სიფრთხილის გამოჩენა მისი დანიშვნისას.

განსაკუთრებული მითითებები
ღვიძლის ფუნქციების დარღვევებისას შეიძლება გამოყენება ჩვენებების შესაბამისად.

ჭარბი დოზირება
მონაცემები პრეპარატის დოზის გადაჭარბების შემთხვევების შესახებ არ არსებობს.

სხვა წამლებთან ურთიერთქმედება
მაგნიუმის კარბონატის და/ან ალუმინის ჰიდროქსიდის შემცველი ანტაციდური პრეპარატების იმავდროულად მიღებამ შეიძლება გამოიწვიოს დიმეთიკონის ეფექტურობის შემცირება.
პანკრეატინის კლინიკურად მნიშვნელოვანი ურთიერთქმედება სხვა სამკურნალო საშუალებებთან გამოვლენილი არ არის.

შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას, არა უმეტეს 20ºC-ზე.
ვარგისიანობის ვადა: 2 წელი. არ გამოიყენება ვარგისიანობის ვადის გასვლის შემდეგ.

მწარმოებელი: ევრომედიკალი, საქართველო

გამოშვების ფორმა: ტაბლეტი №24

გაცემის რეჟიმი: III ჯგუფი (ურეცეპტოდ)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): ნატრიუმის ქლორიდი /Sodium chloride

კლინიკურ–ფარმაკოლოგიური ჯგუფი
ფიზიოლოგიური ხსნარი თვალების და ცხვირის ჰიგიენისთვის

შემადგენლობა და გამოშვების ფორმა
ხსნარი: ერთჯერად ამპულაში 5 მლ, შეფუთვაში 12 ც.
შემადგენლობა: ნატრიუმის ქლორიდი – 0.9 გ, გამოხდილი წყალი – 100 მლ.

ფარმაკოლოგიური თვისებები
უნიმერ ბეიბი არის სტერილური, არასაინექციო ფიზიოლოგიური  ხსნარი, არ შეიცავს კონსერვანტებს. წარმოდგენილია ერთჯერადი გამოყენების ამპულებში, უნიმერ ბეიბი არის უსაფრთხო, ჰიგიენური და მარტივად გამოსაყენებელი საშუალება.

ჩვენებები
უნიმერ ბეიბი  ხსნარი რეკომენდირებულია ბავშვებისთვის, მოზარდებისა და მოზრდილებისთვის:
– ცხვირის ჰიგიენისთვის: მშრალი ან გაჭედილი ცხვირის გამოსარეცხად ან გასასუთავებლად;
– თვალის ჰიგიენისთვის: თვალების გაწმენდისა და თვალის აბაზანისთვის;
– ჭრილობების გასაწმენდად.

დოზირების რეჟიმი
ნუ გამოიყენებთ ერთსა და იმავე ამპულას სხვადასხვა მიზნისთვის. ერთი ამპულა განკუთვნილია ინდივიდუალური გამოყენებსისათვის. გახსენით ამპულა თავის დატრიალებით.
ნაზალური და ოკულარული ჰიგიენისთვის: უნიმერ ბეიბი  ხსნარი ნაზალური და ოკულარული ჰიგიენის დაცვისათვის შეიძლება გამოყენებულ იქნას 1-დან 6-ჯერ დღეში, საჭიროების მიხედვით.
ნაზალური ჰიგიენისთვის: გაჭედილი ან მშრალი ცხვირის გამოსარეცხად ან გასაწმენდად.

გამოყენების ინსტრუქცია
მოხსენით თავსახური. ნაზად მოათავსეთ წვერი ცხვირის ნესტოში და  მოუჭირეთ ხელი ამპულას. გაიმეორეთ მეორე ნესტოში იგივე. აწიეთ თავი მაღლა, რათა ხსნარი არ გადმოვიდეს, შემდეგ მოიწმინდეთ ნარჩენი. ნუ მოიწმენდთ ცხვირს ძლიერად უნიმერ ბეიბის გამოყენებიდან 10 წუთის განმავლობაში.

განსაკუთრებული მითითებები

გაფრთხილება: ბავშვებში გამოყენებისის, გამოადინეთ წვეთები მინიმალური ძალით, რათა თავიდან აიცილოთ შუა ყურის ინფიცირება.
ოკულარული ჰიგიენისთვის: თვალების გაწმენდისა და თვალის აბაზანისთვის
გამოყენების ინსტრუქცია: ორივე თვალში ჩაიწვეთეთ რამდენიმე წვეთი, ნუ შეახებთ ამპულას თვალს, მოიწმინდეთ ნარჩენი სითხე სტერილური დოლბანდით.

გაფრთხილება: ნუ გამოიყენებთ თვალის მოვლის სხვა საშუალებებს, უნიმერ ბეიბის გამოყენებიდან 15 წუთის განმადვლობაში.
ჭრილობების გასაწმენდად
გამოყენების ინსტრუქცია: ამორეცხეთ ჭრილობა ამპულაში არსებული ხსნარის ბოლომდე გამოყენებით. ნუ შეახებთ ამპულის ზედაპირს ჭრილობას.

გაფრთხილება: მოიწმინდეთ ნარჩენი სითხე მხოლოდ დაუზიანებელი ადგილიდან.

შენახვის პირობები და ვადა
პრეპარატი ინახება არა უმეტეს 25ºC ტემპერატურაზე, ბავშვებისათვის მიუწვდომელ ადგილას.

გამოშვების ფორმა: 5 მლ ამპულა #12ც

გაცემის რეჟიმი: III ჯგუფი (ურეცეპტოდ)

მწარმოებელი: LDPSA, საფრანგეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): კომბინირებული/comb. drug

კლინიკურ–ფარმაკოლოგიური ჯგუფი: ანქსიოლიზური და საძილე საშუალებები
უნიფარ ბეიბი არის დამამშვიდებელი, საძილე საშუალება ბავშვებისთვის, რომელის კომპლექსური მოქმედება განპირობებულია მასში შემავალი კომპონენტებით:

შემადგენლობა:
• სვიის ექსტრაქტი 30მგ
• ვალერიანის მშრალი ექსტაქტი 35 მგ
• პასიფლორას ექსტრაქტი 20მგ
• პიტნის ექსტრაქტი 20მგ
• მუზარადა 10 მგ

სვია უძველესი ხალხური სამკურნალო საშუალებაა. სვიის გირჩების ექსტრაქტი   შეიცავს: ლუპულინს, ქოლინს, ეთერზეთებს, ფლავონოიდებს,  ლეიკოციანიდინს, კუმარინებს, B1, B3, B6, PP ვიტამინებს, მიკრო და მაკროელემენტებს.
სვიას ახასიათებს ნეიროტროპული მოქმედება.
კატაბალახას ფესვის მშრალი ექსტრაქტს  ახასიათებს გამოხატული დამამშვიდებელი, სედაციური, ვეგეტომასტიმულირებელი ეფექტი. ამცირებს დაძაბულობას და გაღიზიანებას. ახასიათებს სპაზმოლიზური მოქმედება, ვალერიანის მჟავა მოქმედებს გამა ამინომჟავას რეცეპტორზე, რითაც უზრუნველყოფს ჯანმრთელ და მშვიდ ძილს. აბალანსებს სწრაფი და ნელი ძილის ფაზას.
პასიფლორა ეფექტურია შფოთვისა და ყურადღების დეიციტის დროს.
პიტნა – გააჩნია დამამშვიდებელი და სპაზმოლიზური მოქმედება, კერძოდ ხსნის გლუვი კუნთების სპაზმს.

ჩვენება:
ძილის დარღვევა
ყურადღების და კონცენტრაციის ნაკლებობა
გადაჭარბებული აქტივობა
მოუსვენრობა
ნერვული აგზნებადობა, შფოთვა, შიში

მიღების წესი და დოზირება
3 თვიდან 3 წლამდე -2,5 მლ 2 ჯერრ დღეში
3 წლიდან 12 წლამდე-5 მლ 2 ჯერ დღეში
12 წლის ზევით -10 მლ 2 ჯერ დღეში

უკუჩვენება:
მომატებული მგრძნობელობა რომელიმე კომპონენტის მიმართ

განსაკუთრებული მითითებები:
არ უნდა მოხდეს რეკომენდებული დოზის გადაჭარბება.
ორსულობისა და ლაქტაციის პერიოდში საკვების ამ ბიოლოგიურად აქტიური დანამატის გამოყენების საკითხის განხილვა უნდა მოხდეს თქვენ ექიმთან.
პროდუქტი შესაძლოა შეიცავდეს ნალექს.

ვარგისიანობის  ვადა და შენახვა:
ინახება ოთახის ტემპერატურაზე, ბავშვებისათვის მიუწვდომელ ადგილას.

გამოშვების ფორმა: სიროფი 100 მლ შუშის ფლაკონში

გაცემის რეჟიმი: III ჯგუფი (ურეცეპტოდ)

მწარმოებელი: Solepharm Pharmaceuticals, ლატვია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): ფენილბუტაზონი, დექსამეტაზონი, ციანკობალამინი/ phenylbutazone, dexamethasone, cyanocobalamin

კლინიკურ–ფარმაკოლოგიური ჯგუფი: ანთების საწინააღმდეგო არასტეროიდული და გლუკოკორტიკოიდული კომბინირებული საშუალებები ინექციებისათვის

შემადგენლობა:
ამპულა „A”  შეიცავს:
დექსამეტაზონი – 3,32 მგ,
ფენილბუტაზონი – 375,0 მგ,
ლიდოკაინის ჰიდროქლორიდი – 4,00 მგ,
ნატრიუმის ჰიდროქსიდი – 49,08 მგ,
ნატრიუმის ძმარმჟავა სალიცილამიდი – 150,0 მგ,
საინიექციო წყალი – 1675,92 მგ.
ამპულა  „ B”   შეიცავს:
ციანოკობალამინი (ვიტამინი B12) – 2,50 მგ,
ლიდოკაინის ჰიდროქლორიდი – 2,0 მგ,
საინიექციო წყალი – 996,5 მგ.

ფარმაკოლოგიური თვისებები:
კომბინირებული პრეპარატია. ახასიათებს ანთების საწინააღმდეგო, სიცხის დამწევი, ანალგეზური და რევმატიზმის საწინააღმდეგო მოქმედება.
დექსამეტაზონი – გლუკოკორტიკოსტეროიდი, ახასიათებს გამოხატული ანთების საწინააღმდეგო მოქმედება.
ფენილბუტაზონი – არასტეროიდული ანთების საწინააღმდეგო საშუალება, ახასიათებს ანთების საწინააღმდეგო, ანალგეზური და სიცხის დამწევი მოქმედება, იწვევს ურიკოზულ ეფექტს.
ციანოკობალამინი (ვიტამინი B12) –ააქტიურებს ნუკლეინის მჟავების სინთეზს.
ნატრიუმის ძმარმჟავა სალიცილამიდი ახდენს ანალგეზურ მოქმედებას, ზრდის პრეპარატის ხსნადობის ეფექტს.
ლიდოკაინის ჰიდროქლორიდი – საშუალებას იძლევა ინიექცია გაკეთდეს უმტკივნეულოდ.

ფარმაკოკინეტიკა:
პრეპარატის კუნთებში შეყვანის შემდეგ დექსამეტაზონი სწრაფად აბსორბირდება. ფენილბუტაზონს აქვს პლაზმის ცილებთან დაკავშირების მაღალი ხარისხი, მეტაბოლური დაშლა ხდება ნელა, რაც უზრუნველყოფს ნახევრადგამოყოფის ხანგრძლივ პერიოდს.
დექსამეტაზონი და ფენილბუტაზონი აღწევენ პლაცენტაში და გამოიყოფიან დედის რძესთან ერთად.

ჩვენებები:
მწვავე დაავადებების ხანმოკლე მკურნალობა:
• სახსრების სინდრომი რევმატიული ართრიტის, ოსტეოართროზის, პოდაგრის დროს.
• ნევრიტი, ნევრალგია, რადიკულიტი (მათ შორის ხერხემლის რეგენერაციული დაავადების დროს) და სხვა.

მიღების წესი და დოზირება:
პრეპარატი ინიშნება 1 ინიექცია დღე-ღამეში ყოველ დღეს ან ყოველ მეორე დღეს, არა უმეტეს კვირაში 3 ინიექციისა. მკურნალობის განმეორებითი კურსების ჩატარების დროს ინტერვალი მათ შორის უნდა იყოს არა ნაკლებ 2 კვირისა. ინიექციას აკეთებენ ღრმად კუნთებში, ნელა. პაციენტი უნდა იყოს ჰორიზონტალურ მდგომარეობაში. შპრიცით იღებენ ჯერ „A” ხსნარს, ხოლო შემდეგ „ B”    ხსნარს. ხსნარის ტემპერატურა ახლოს უნდა იყოს სხეულის ტემპერატურასთან.

გვერდითი მოვლენები:
თავბრუხვევა, თავის ტკივილი, ძილის დარღვევა, იშვიათად – ფსიქოზი, მხედველობის, სმენისა და მადის დაქვეითება, ტკივილი მუცლის არეში, ღებინება, დიარეა, ღვიძლისა და თირკმელების ფუნქციის დარღვევა, ბრადიკარდია, არტერიული ჰიპოტონია, ორთოსტატიკური კოლაპსი, ლეიკოპენია, თრომბოემბოლია, სასუნთქი გზების შევიწროება, ანურია, იშვიათად – ლოკალური ტკივილი ინიექციის არეში, მიკოზი, ციებ-ცხელება.

უკუჩვენება:
მწვავე გასტრიტი, კუჭისა და თორმეტგოჯა ნაწლავის წყლული; გულის უკმარისობა, მიოკარდიუმის მწვავე ინფარქტი; ფარისებრი ჯირკვლის, თირკმელებისა და ღვიძლის ფუნქციის დარღვევა; გლაუკომა; შეგრენის სინდრომი; წითელი მგლურა; პანკრეატიტი; ქრონიკული ართრიტი; ბაქტერიული ინფექციები; თრომბოემბოლია. ორსულობა და ლაქტაცია. ბავშვები 14 წლამდე, ხანდაზმული ასაკი.

განსაკუთრებული მითითებები:
პრეპარატი სიფრთხილით ენიშნებათ ავადმყოფებს თირკმელების ფუნქციის დარღვევით, შაქრიანი დიაბეტით, ტუბერკულოზით, ეპილეფსიით, ფსიქიური დაავადებებით, ბრონქიალური ასთმით, ქრონიკული ბაქტერიული ინფექციებით, არტერიული ჰიპერტენზიით ან ჰიპოტენზიით, თრომბოემბოლიით.
მკურნალობის კურსის დაწყების წინ საჭიროა პაციენტის საგულდაგულოდ შემოწმება კუჭის და თორმეტგოჯა ნაწლავის წყლულის, თირკმელებისა და ღვიძლის დაავადებების გამორიცხვის მიზნით.
აუცილებელია ინიექციები გაკეთდეს ღრმად, სხვადასხვა ადგილზე და სტერილურ პირობებში.

ჭარბი დოზირება:
სიმპტომები: გულისრევა, ღებინება, ტკივილი მუცლის არეში, სისხლდენა კუჭ-ნაწლავიდან, თავბრუსხვევა, თავის ტკივილი, არტერიული ჰიპოტენზია, ღვიძლის და თირკმელების უკმარისობა, ბრადიკარდია, თავის ტვინისა და ფილტვების შეშუპება, ლეიკოპენია, აპლასტიური ანემია, გულის უკმარისობა, კრუნჩხვები, კომა.
მკურნალობა: ფილტვების ხელოვნური ვენტილაცია და სხვა სარეანიმაციო ღონისძიებები; ჩვენების მიხედვით კრუნჩხვების საწინააღმდეგო საშუალებები (მაგ: ვენაში დიაზეპამის შეყვანა); ჰემოდიალიზი.

სხვა წამლებთან ურთიერთქმედება:
ანოდინ-დუალის ერთდროულად მიღებისას:
სხვა ანთების საწინააღმდეგო პრეპარატებთან, ეთანოლის შემცველ პრეპარატებთან, არაპირდაპირი მოქმედების კოაგულანტებთან და ჰეპარინთან, სულფინპირაზონთან იზრდება კუჭ-ნაწლავის ტრაქტიდან სისხლდენის რისკი.
ჰიპოგლიკემიურ საშუალებებთან ან ინსულინთან შესაძლოა ჰიპერ- ან ჰიპოგლიკემია.
ფენითიონთან შესაძლოა გაიზარდოს უკანასკნელის ტოქსიკურობა.
გულის გლიკოზიდებთან შესაძლოა დეგიტალიზაციის შენელება ან აჩქარება.
ჰიპოტენზურ საშუალებებთან ქვეითდება უკანასკნელების მოქმედება.
დიურეტიკებთან შესაძლოა დიურეზის შემცირება, ჰიპო- ან ჰიპერკალიემიის განვითარება.
ანაბოლური სტეროიდები აძლიერებენ ანოდინ-დუალის მოქმედებას. ანოდინ–დუალი აძლიერებს ბარბიტურატების საძილე მოქმედებას.

გამოშვების ფორმა: ამპულა „A” 2 მლ №3 და ამპულა „ B” 1 მლ №3

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: ევრომედიკალი, საქართველო

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

კლინიკურ–ფარმაკოლოგიური ჯგუფი: ჰომეოპათიური საშუალებები
Uncastim – კომპლექსური ჰომეოპათიური პრეპარატი, მცენარეული და მინერალური ჰომეოპათიური კომპონენტების რაციონალური და ზუსტი კომბინაცია. სუის-ორგანულ, შუალედურ კატალიზატორებთან, ოლიგოელემენტებთან და ნოზოდებთან ერთად განაპირობებს პრეპარატის ეფექტურობას მორეციდივე ბაქტერიული და ვირუსული ინფექციების პროფილაქტიკის და მკურნალობის დროს. განსაკუთრებით ეფექტურია ლიმფური სისტემის პათოლოგიის მქონე პაციენტებში.
Uncastim აღწევს კომპლექსურ თერაპიულ მოქმედებას – იმუნური სტიმულაციის (დაკავშირებულია ისეთ მცენარეულ კომპონენტებთან, როგორიცაა Uncaria tormentosa, Echinacea angustifolia და  purpurea, Vincetoxicum, და ისეთ ორგანულ კომპონენტებთან,
როგორიცაა Splen suis, Lymphatic ganglia suis, Thymus suis, Medulla ossis suis), დაავადებების სეპტიკური გართულებების კონტოლის (Hepar sulphuris, Pyrogenium), მეზენქიმის დრენაჟის (Galium aparine, Pulsatilla, Silicea, Phytolacca, Sulphur), ფერმენტული აქტივობის აღდგენის (Ac. succinicum, Ac. fumaricum, Ac. malicum, Natrium pyruvicum, Chinhydron) და კატალიზური სტიმულაციის (Manganese და Cuprum) გზით.
მოცემული ჰომეოფარმაკოლოგიური სტრუქტურის გათვალისწინებით, პრეპარატი უკუნაჩვენებია აქტიურ ფაზაში მყოფი აუტოიმუნური პათოლოგიების და მწვავე ცხელების შემთხვევაში.

შემადგენლობა
Uncaria tormentosa D4, Echinacea angustifolia D4, Echinacea purpurea D4, Phytolacca D6, Silicea D6, Hepar sulphuris D6, Pyrogenium D6, Galium aparine D4, Pulsatilla D6, Vincetoxicum D4, Sulphur met. D6, Colon suis D6, Thymus suis D6, Lymphatic ganglia suis D6, Splen suis D6, Hepar suis D6, Medulla ossis suis D6, Hypothalamus suis D12, Corpus pinealis suis D12, Ac. succinicum D4, Ac. Fumaricum D4, Ac. malicum D6, Natrium Pyruvicum D6, Chinhydron D12, Manganese D4, Cuprum D4. Seicavs spirts (30%).

ჩვენებები
სხვადასხვა წარმოშობის იმუნოდეფიციტი. ქრონიკული მორეციდივე ვირუსული დაავადებები. სასუნთქი გზების მორეციდივე ინფექციები ლიმფური სისტემის პათოლოგიის მქონე პაციენტებში. დაბალი ხარისხის უცნობი ეტიოლოგიის ცხელება.

შეფუთვა, დოზირება
ფლაკონი 30 მლ მოცულობის, დოზატორით. წვეთები პერორალური მიღებისათვის. 30-50 წვეთი სამჯერ დღეში, ორი თვის განმავლობაში. მიღების დაწყება უმჯობესია დღეში 150 წვეთიდან მკურნალობის პირველი 20 დღის განმავლობაში, შემდეგ კი დღეში 90 წვეთი.
3 წლამდე ბავშვები: მოზრდილთა დოზის 1/3
3-დან 6 წლამდე ბავშვები: მოზრდილთა დოზის 1/2
ნაწლავების დისბაქტერიოზის ან სოკოვან ინვაზიებთან ასოცირებული იმუნოდეფიციტების დროს რეკომენდებულია Eubioflor-თან
და Micox-თან ერთდროული მიღება.

გამოშვების ფორმა: ფლაკონი 30 მლ დოზატორით

გაცემის რეჟიმი: III ჯგუფი (ურეცეპტოდ)

მწარმოებელი: GUNA,  იტალია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება: ცეფტრიაქსონი/CEFTIAXONE

კლინიკურ–ფარმაკოლოგიური ჯგუფი: ბეტა ლაქტამური ანტიბიოტიკები (პენიცილინები და ცეფალოსპორინები); მესამე თაობის ცეფალოსპორინები.

შემადგენლობა და გამოშვების ფორმა:
1გ ფხვნილი საინექციო ხსნარის მოსამზადებლად ფლაკონი #1
უნოცეფი 1 გრ, სტერილური ფხვნილის სახით, კუნთში შესაყვანი და ინტრავენური საინექციო ხსნარისათვის.

ჩვენებები:
არის სტერილური, ნახევრად სინთეზური ფართო სპექტრის ცეფალოსპორინების ჯგუფის ანტიბიოტიკი. საინიექციო ცეფტრიაქსონ ნატრიუმი გამოიყენება შემდეგი მდგომარეობების დროს:
საავადმყოფოში გამოყენება: მგრძნობიარე მიკროორგანიზმებით გამოწვეული მძიმე ინფექციების, განსაკუთრებით მენინგიტების მკურნალობა, გარდა Listeris monºCytogenes- ით გამოწვეულის გარდა;
– დისემინირებული ლაიმის დაავადების დროს (სპიროხეტოზი);
– პროსტატის ტრანსურეთრალური რეზექციის შემთხვევაში პრე-ოპერაციული პროფილაქტიკისათვის;
– საავადმყოფოში დაწყებული მკურნალობის გაგრძელება;
– ქვედა სასუნთქი გზების მძიმე  ინფექციები, ძირითადად ხანდაზმულებში, ალკოჰოლიკებში, იმუნოდეპრესიულ პირებში, ნიკოტინ-დამოკიდებულ პაციენტებში ან პაციენტებში სუნთქვის უკმარისობით, უფრო ზუსტად კი:
– ბაქტერიული პნევმოპათიები (სავარაუდოდ გრამ-უარყოფითი პნევმოკოკებით გამოწვეული);
– ქრონიკული ბრონქიტის გამწვავება, ძირითადად წინა მკურნალობის უშედეგობის გამო.
– რეზისტენტული შტამებით გამოწვეული საშარდე გზების მძიმე  ინფექციები.
– დიაგნოზი აბსოლუტურად სარწმუნო უნდა იყოს და ქირურგიული ჩარევის აუცილებლობა გამოირიცხოს.
– ჰოსპიტალიზაციამდე გადაუდებელი ანტიბიოთერაპია, თუ purpura fulminans არის საეჭვო, ანუ პურპურასთან ასოცირებული ცხელების შემთხვევაში, სულ მცირე ერთი ნეკროზული ან ექკიმოზური ელემენტით, პაციენტის ნებისმიერი ჰემოდინამიკური მდგომარეობის დროს.
მხედველობაში მისაღებია ოფიციალური რეკომენდაციები ანტიბაქტერიული პროდუქტების გამოყენების შესახებ.

გამოყენების მეთოდები:
რეკომენდაციები: გახსენით ხსნარი შესაბამის გამხსნელში, როგორც ეს მოცემულია განზავების ცხრილში. კარგად შეანჯღრიეთ სრულ გახსნამდე, ხოლო შემდეგ ბოთლის შიგთავსი ამოიღეთ შპრიცით.
– პრეპარატი მზადდება უშუალოდ გამოყენების წინ;
– სასტიკად აკრძალულია ლიდოკაინის გამოყენება მის მიმართ ალერგიის არსებობისას;
– ნუ გამოიყენებთ ლიდოკაინს ინტრავენური ინიექციებისათვის
ინტრავენური ინექციები შეიყვანეთ ნელა 2-4 წუთის განმავლობაში ვენაში ან ინფუზიის სახით.
ინფუზია
ინფუზია დაახლოებით 30 წუთის განმავლობაში ხდება. ცეფტრიაქსონის 2 გრ იხსნება 40 მლ საინიექციო წყალში ან ინტრავენური ინფუზიებისათვის ხშირად გამოყენებულ შემდეგ სითხეებში:
– 0.9%-იანი ნატრიუმის ქლორიდის ხსნარი.
– 0.45%-იანი ნატრიუმის ქლორიდი + 2.5% დექსტროზის ხსნარი.
– 5%-იანი დექსტროზის ხსნარი.
– 10%-იანი დექსტროზის ხსნარი.
– 6%-იანი დექსტრანი 5%-იან დექსტროზის ხსნარში.
– 6-10% ჰიდროქსიეთილის სახამებელი.
ცეფტრიაქსონს ნუ შეურევთ სხვა ანტიბაქტერიული საშუალებების (ომიდაზოლის გარდა) შემცველ ხსნარებს ან საინფუზიოს ხსნარებს, რომლებიც არ არის ზემოთ აღნიშნული შეუთავსებლობის რისკის გამო. ცეფტრიაქსონ ნატრიუმის შერევა კალციუმის შემცველ ხსნარებთან დაუშვებელია.
კალციუმის შემცველი ხსნარების გამოყენებისას, ცეფტრიაქსონი შეჰყავთ სხვა გზით და დროის სხვადასხვა მონაკვეთში.
ცეფტრიაქსონი შეუთავსებელია ამსაკრინთან, ვანკომიცინთან, ფლუკონაზოლთან და ამინოზიდებთან. იხ. “განსაკუთრებული მითითებანი”, “შეუთავსებლობები”.
კუნთში ინიექციები
ინტრავენური ფორმა შეიძლება გამოყენებულ იქნეს კუნთში, თუმცა ლიდოკაინის ხსნარი სასტიკად უკუნაჩვენებია ინტრავენური გზით.
დოზირება მოზრდილები:
ჩვეული დოზა: 1- 2 გრ ერთხელ დღეში, ინფექციის სიმძიმის ან პაციენტის წონის მიხედვით.
ლაიმის დაავადება: 2 გრ დღეში ერთჯერადი ინიექციის სახით. ჩვეული თერაპია 14 დღეს შეადგენს და შეიძლება 21 დღემდე გაგრძელდეს დაავადების მძიმე ან დაყოვნებული ფორმების დროს.
პოსტქირურგიული ინფექციების პროფილაქტიკა: ანტიბიოტიკოპროფილაქტიკა ხანმოკლე უნდა იყოს და უნდა შემოიფარგლებოდეს პერი-ოპერაციული პერიოდით, ზოგჯერ 24 საათის ზემოთ, არ უნდა აღემატებოდეს 48 საათს.
1 გრ ერთჯერადი დოზის ინტრავენური ან კუნთში ინიექციები ანესთეზიის გამოსაწვევად.
purpura fulminans – ზე ეჭვის დროს: პირველი დოზა შეიყვანება ინტრავენური გზით. ან კუნთში: 50 – 100 მგ/კგ, არ უნდა აღემატებოდეს 1 გრ-ს.
ახალშობილებში:
500 მგ/კგ/დღეში ერთჯერადი ინიექციის სახით.
ხანდაზმულებში:
ხანდაზმულებისათვის რეკომენდებული დოზა, ისეთივე როგორც მოზრდილთათვის.

გვერდითი მოვლენები:
კანის მხრივ რეაქციები: კანზე ალერგიული გამონაყარი, ჭინჭრის ციება. სხვა ცეფალოსპორინების მსგავსად, არსებობს კანის და ლორწოვანის მძიმე რეაქციების რამდენიმე შემთხვევა (მრავალფორმული ერითემა, სტივენს-ჯონსონის სინდრომი, ლაიელის სინდრომი);
ზოგადი ჰიპერმგრძნობელობის რეაქციები: ცხელება, ანაფილაქსიური რეაქციები;
საჭმლის მომნელებელი სისტემის მხრივ რეაქციები: სტომატიტი, ფაღარათი, გულისრევა, ღებინება, ფსევდომემბრანული კოლიტი (იშვიათად);
ჰეპატო–ბილიარული დარღვევები: ვეზიკულური სედიმეტაციების ექოგრაფიკული სურათები (ცეფტრიაქსონის კალციუმის მარილების დალექვა ნაღვლის ბუშტში), განსაკუთრებით ბავშვებში, კლინიკური სიმპტომატოლოგიით ან მის გარეშე. ცეფრტრიაქსონით მკურნალობა უნდა შეწყდეს, ისე რომ ნიშნები შემცირდეს; იშვიათად აღინიშნება ღვიძლის ფერმენტების ზრდა.
პანკრეასის მხრივ დარღვევები: პანკრეატიტის გამონაკლისი შემთხვევები, მკურნალობის შეწყვეტისას ქრება.
ჰემატოლოგიური რეაქციები: ზომიერი ჰიპერეოზინოფილია, ლეიკო-ნეიტროპენია, თრომბოციტოპენია, ჰემოლიზური ანემია (იშვიათია), აგრანულოციტოზის ცალკეული შემთხვევები, კოაგულაციის დარღვევის ძალიან იშვიათი შემთხვევები;
თირკმლის მხრივ დარღვევები: თირკმლის ფუნქციის შეცვლა აღინიშნება ერთიდაიგივე ჯგუფის ანტიბიოტიკების გამოყენებით, განსაკუთრებით ამინოზიდებთან და შარდმდენებთან კომბინაციაში; ოლიგურიის და შრატის კრეატინინის იშვიათი შემთხვევები. თირკმლის პრეციპიტატების გამონაკლისმა შემთხვევებმა, რომლებიც აღდგება მკურნალობის შეწყვეტისას, შეიძლება გამოიწვიოს თირკმლის უკმარისობა, ძირითადად ბავშვებში 3 წლის ასაკის ზემოთ.
ცენტრალური ნერვული სისტემის დარღვევები: თავის ტკივილისა და თავბრუს ძალიან მცირე შემთხვევები. ბეტა-ლაქტამების მაღალი დოზების გამოყენებამ, განსაკუთრებით პაციენტებში თირკმლის დარღვევებით, შეიძლება გამოიწვიოს ენცეფალოპათიები (ცნობიერების დარღვევები, პათოლოგიური მოძრაობები, კონვულსიური კრიზები).
გამონაკლისი მძიმე უბედური შემთხვევები – ზოგიერთი სიცოცხლისათვის სახიფათო – აღინიშნება დღენაკლულებში ან ჩვილებში, რომლებიც ცეფტრიაქსონსა და კალციუმის მარილებს ერთდროულად ღებულობდნენ ინტრავენური გზით. (იხ. “შეუთავსებლობები”).
ადილობრივი რეაქციები: კუნთში ინიექციები ლიდოკაინის გარეშე მტკივნეულია. ინტრავენური ინიექციის შემდეგ ზოგჯერ აღინიშნება ლოკალური ფლებიტი.

უკუჩვენება
* წამალი უკუნაჩვენებია პაციენტებში ცეფალოსპორინების მიმართ ალერგიის არსებობისას.

ორსულობა და ლაქტაცია:
– ცხოველებზე ჩატარებულმა კვლევებმა ტერატოგენული ეფექტი არ გამოავლინეს, ამიტომ ადამიანებში განვითარების მანკები მოსალოდნელი არ არის;
– ორსულების შეზღუდულ რაოდენობაში ცეფტრიაქსონის გამოყენებამ, განვითარების მანკები ან ფეტოტოქსიური ეფექტები ჯერ კიდევ ვერ გამოავლინა.
– მიუხედავად ამისა, ორსულებში ცეფტრიაქსონის გამოყენების შედეგების შესაფასებლად აუცილებელია დამატებითი კვლევების ჩატარება. ამიტომ, ცეფტრიაქსონი ორსულობის დროს გამოიყენება მხოლოდ უკიდურესი აუცილებლობის შემთხვევაში.
ლაქტაცია
– ამ წამლით მკურნალობის დროს ძუძუთი კვება დასაშვებია. მიუხედავად ამისა, ფაღარათის, კანდიდოზის ან კანზე გამონაყარის განვითარების შემთხვევაში ძუძუთი კვება უნდა შეწყდეს

განსაკუთრებული მითითებები:
ალერგიის ნებისმიერი ნიშნის განვითარების შემთხვევაში მკურნალობა დაუყოვნებლივ უნდა შეწყდეს.
– პენიცილლინ-მგრძნობიარე პაციენტებში ცეფაოსპორინები გამოიყენება ექიმის მეთვალყურეობის ქვეშ;
– ცეფალოსპორინები უკუნაჩვენებია პაციენტებში ცეფალოსპორინების მიმართ დაუყოვნებლივი ალერგიის არსებობის დროს;
– ცეფალოსპორინებისა და პენიცილინების მიმართ ჰიპერმგრძნობელობის რეაქციები შეიძლება იყოს სერიოზული და სიცოცხლისათვის სახიფათო;
– მარჯვენამხრივი ნეკნთა რკალის ქვეშ ტკივილის შემთხვევაში, უნდა ჩატარდეს ექოგრაფია ბილიარული პრეციპიტატეს სანახავად (იხ. გვერდითი მოვლენები);
– კვლევები აღნიშნავენ, რომ ცეფტრიაქსონი, სხვა ცეფალოსპორინების მსგავსად, გამოყოფს ბილირუბინს შრატის ალბუმინისაგან. ამიტომ აუცილებელია ჰიპერბილირუბინემიით დაავადებული ახალშობილების მონიტორინგი. ცეფტრიაქსონი არ გამოიყენება ახალშობილებში და დრონაკლულ ბავშვებში, რომლებიც მიდრეკილნი არიან ენცეფალოპათიის განვითარებისაკენ.
– გახანგრძლივებული მკურნალობის დროს, აუცილებელია სისხლის ფორმულის რეგულარული კონტროლი.
– თირკმლის მძიმე უკმარისობის დროს, დოზირება რეგულიდრება კრეატინინის კლირენსის შესაბამისად; – კალციუმის შემცველ ხსნარებთან ცეფტრიაქსონის
შერევა არ შეიძლება. ცეფტრიაქსონის შერევა შეიძლება მხოლოდ პუნქტ “გამოყენებაში” აღნიშნულ ხსნარებთან და ნივთიერებებთან. – პაციენტებში მკაცრ უნატრიუმო დიეტაზე, გაითვალისწინეთ ნატრიუმის შემცველობა (ნატრიუმის 83 გრ 1გრ-იან ბოთლში);

ავტომობილის მართვის უნარზე ზეგავლენა:
ცეფტრიაქსონი ზეგავლენას არ ახდენს ავტომობილის მართვის ან მექანიზმებთან მუშაობის უნარზე.

ჭარბი დოზირება:
ცეფტრიაქსონის კონცენტრაცია ძნელად მცირდება დიალიზით. ჭარბი დოზირების შემთხვევაში, მკურნალობა სიმპტომატურია.

სხვა წამლებთან ურთიერთქმედება:
ცეფტრიაქსონის შერევა კალციუმის შემცველ ხსნარებთან დაუშვებელია. კალციუმის შემცველი ხსნარების გამოყენებისას, ცეფტრიაქსონი შეიყვანება სხვა გზით და დროის სხვადასხვა მონაკვეთში.
ფიზიკური ან ქიმიური შეუთავსებლობის თავიდან აცილების მიზნით, ცეფტრიაქსონის შერევა შეიძლება მხოლოდ ხსნარებთან და ნივთიერებებთან, რომლებიც აღნიშნულია “დოზირება და გამოყენების მეთოდებში” (ანუ “გვერდითი მოვლენები” და “შეუთავსებლობები”). შეუთავსებლობები
-კალციუმის შემცველ ხსნარებთან აღინიშნება პრეციპიტატები (იხ. “განსაკუთრებული მითითებანი” და “გვერდითი მოვლენები”).
ნუ შეურევთ ცეფტრიასონს კალციუმის შემცველ ხსნარებს, განსაკუთრებით ჰარტმანის ან რინგერის ხსნარებს.
ცეფტრიაქსონ ნატრიუმი შეუთავსებელია ამასკრინთან, ვანკომიცინთან, ფლუკონაზოლ და ამინოზიდებთან.

შენახვის პირობები:
– სინთლისა და ბავშვებისაგან დაცულ ადგილას, არა უმეტეს 25ºC ტემპერატურის პირობებში.
– განზავების შემდეგ, პრეპარატი დაუყოვნებლივ უნდა იქნეს გამოყენებული.

ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

შეფუთვა:
ცეფტრიაქსონის სტერილური ფხვნილი საინიექციო ხსნარების მოსამზადებლად, 1 გრ. მინის ფლაკონში, მოთავსებული მუყაოს კოლოფში გამოყენების ინსტრუქციასთან ერთად.

აფთიაქში გაცემის წესი: ფარმაცევტული პროდუქტის II ჯგუფი (გაიცემა რეცეპტით).

მწარმოებელი: სს ბიოფარმისაქართველო

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (მოქმედი ნივთიერება): ასკორბინის მჟავა/ASCORBIC ACID

კლინიკურ–ფარმაკოლოგიური ჯგუფი: ვიტამინები

შემადგენლობა და გამოშვების ფორმა:
შუშხუნა ტაბლეტები: ტუბში 10 ტაბ., შეფუთვაში 1 ტუბი.
1 ტაბ.
ასკორბინის მჟავა……………… 1 გ
დამხმარე ნივთიერება: ნატურალური ფორთოხლის არომატიზატორი.
საღეჭი ტაბლეტები: ტუბში 15 ტაბ. შეფუთვაში 1 ან 2 ტუბი.
1 ტაბ.
ასკორბინის მჟავა………………         500 მგ
დამხმარე ნივთიერებები:
რიბოფლავინის ფოსფატი, ფორთოხლის არომატიზატორი, შაქრის შემცვლელი – ასპარტამი.

ფარმაკოლოგიური თვისებები:
ვიტამინი C (ასკორბინის მჟავა) წარმოადგენს სიცოცხლისათივს აუცილებელ ელემენტს; ვიტამინ C-ზე ორგანიზმის მოთხოვნილების უზრუნველყოფა შესაძლებელია მხოლოდ გარე წყაროების ხარჯზე. გარკვეულ შემთხვევაში ვიტამინ C-ზე მოთხოვნილება იზრდება მაგალითად, აქტიური ზრდის პროცესში ან გამოჯანმრთელების პერიოდში, ფიზიკური ან გონებრივი დატვირთვის დროს, გრიპისა და სხვა ინფექციური დაავადებების დროს.

ჩვენებები:
უფსავიტი რეკომენდებულია სისუსტის, მომატებული დაღლილობის ინფექციური დაავადების, გრიპის მკურნალობისას, აგრეთვე გამოჯანმრთელების პერიოდში.

მიღების წესი და დოზირება:
შუშხუნა ტაბლეტები (1 გ): 1-2 ტაბლეტი დღეში, უმჯობესია დილით ან დღის I ნახევარში 5-7 დღის განმავლობაში. მიღების წინ ტაბლეტი იხსნება 1/2 ჭიქა წყალში.
გამოყენების შემდეგ ტუბი მჭიდროდ უნდა დაიხუროს.
საღეჭი ტაბლეტი (500 მგ): 2-3 ტაბლეტი დღეში, უმჯობესია დილით ან დღის I ნახევარში 5-7 დღის განმავლობაში. ტაბლეტი უნდა დაიღეჭოს.

გვერდითი მოვლენები:
მუცლის ტკივილი, ფაღარათი, შარდის გამოყოფის გაძნელება, შარდის მოყვითალო შეფერილობა.
უმარილო ან მარილის დაბალი შემცველობის დიეტაზე მყოფ ავადმყოფებში გასათვალისწინებელია, რომ პრეპარატის თითოეული ტაბლეტი შეიცავს 283 მგ ნატრიუმს.
ხანგრძლივად გამოყენების დროს შესაძლოა თირკმელზედა ჯირკვლის ინსულინარული აპარატის ფუნქციის დათრგუნვა.

უკუჩვენება:
* არ ინიშნება მაღალი დოზებით: შაქრიანი დიაბეტის, თრომბოფლებიტების, თრომბოზებისადმი მიდრეკილების სისხლის შედედების მომატებული უნარის დროს.

განსაკუთრებული მითითებები:
არ არის რეკომენდებული პრეპარატის მიღება დღის ბოლოს.
დიდი დოზებით მიღებისას კორტიკოსტეროიდების სინთეზის მასტიმულირებელი ეფექტის გამო, აუცილებელია არტერიული  წნევისა და თირკმლის ფუნქციის კონტროლი.

სხვა წამლებთან ურთიერთქმედება:
– ვიტამინი C აძლიერებს პენიცილინისა და რკინის შეთვისებას.
– თრგუნავს ჰეპარინისა და არაპირდაპირი ანტიკოაგულანტების მოქმედებას;
– აძლიერებს სალიცილატებით მკურნალობის დროს კრისტალოურიის რისკს;
– ორალური კონტრაცეპტივების მიღება ამცირებს ორგანიზმის მიერ ვიტამინ C-ს შეთვისების უნარს.

შენახვის პირობები:
პრეპარატი ინახება არა უმეტეს 300C ტემპერატურაზე, მშრალ, გრილ, ბავშვებისათვის მიუწვდომელ ადგილას.

ვარგისიანობის ვადა: მითითებულია შეფუთვაზე.

მწარმოებელი: UPSA Laboratories a division of BRISTOL-MYERS SQUIBB, საფრანგეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (მოქმედი ნივთიერება): აცეტისალიცილის მჟავა/ACETYLSALICYLIC ACID

კლინიკურ–ფარმაკოლოგიური ჯგუფი: არანარკოტიკული, არასტეროიდული ანთების საწინააღმდეგო საშუალება

შემადგენლობა და გამოშვების ფორმა:
შუშხუნა ტაბლეტები: შეფუთვაში 16 ან 100 ც.
1 ტაბ.
აცეტისალიცილის მჟავა……………  500 მგ

მწარმოებელი: UPSA Laboratories a division of BRISTOL-MYERS SQUIBB, საფრანგეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (მოქმედი ნივთიერება): კალიუმი–ნატრიუმი – ჰიდროგენ ციტრატი/ Potassium – sodium – hydrogen citrate

ფარმაკოლოგიური ჯგუფი: ნეფროლითიაზის სამკურნალო საშუალება

ფარმაკოლოგიური მოქმედება:
შარდთან ერთად გამოყოფილი ტუტე მეტალებისა და სუსტი მჟავების მარილები, შარდის pH გადახრის ტუტე მხარეს (6.2–7.5–მდე), რაც განაპირობებს დისოციაციის მაღალ ხარისხს და შარდმჟავას და ცისტინის ხსნადობას.

ჩვენებები:
ნეფროუროლითიაზი (შარდმჟავა მარილები, ურატურია, ცისტინური კენჭები, ცისტინურია) – პროფილაქტიკა და მკურნალობა;
შარდის გატუტიანების აუცილებლობა (გვიანი პორფირია, მკურნალობა ციტოსტატიკებით, პოდაგრა).

უკუჩვენებები:
* ჰიპერმგრძნობელობა;
* თირკმლის მწვავე უკმარისობა;
* გულის მწვავე უკმარისობა;
* დიეტა მარილის ძლიერი შეზღუდვით;
* მძიმე მეტაბოლური ალკალოზი;
* შარდგამომყოფი გზების ინფიცირება ბაქტერიებით, რომლებიც შლიან შარდოვანას;
* როცა შარდის pH 7–ზე მეტია.

გვერდითი მოქმედება:
დისპეფსია, ფოსფატური ნეფროუროლითიაზი.

მიღების წესი და დოზირება:
შიგნით, ჭამის შემდეგ. სადღეღამისო დოზა (10გ) – 4 საზომი კოვზი 3–ჯერ დღეში: დილით სადილის შემდეგ – 1 საზომი კოვზი, საღამოთი – 2 საზომი კოვზი.
მითითებულმა დოზამ უნდა უზრუნველყოს ახალი შარდის (რომელიც გამოიყოფა მორიგი დოზის მიღებისთანავე) pH–ის მომატება  შემდეგ მნიშვნელობამდე:
შარდმჟავა ქვების დროს – 7.5–8.5;
ციტოსტატიკური თერაპიისას – 7–ზე არანაკლები;
კანის გვიანი პორფირიისას – 7,2–7,5.
აუცილებლობისასა სადღეღამისო დოზას ზრდიან, საღამოს დოზას ემატება 0,5 კოვზი გრანულატი, ან ამცირებენ, საღამოს დოზა მცირდება. მკურნალობის ხანგრძლიობა – 1–6 თვე.

განსაკუთრებული მითითებები:
გასათვალისწინებელია, რომ პრეპარატის საშუალო სადღეღამისო დოზა შეიცავს 1.72გ (44მმოლ) K+, 1გ (44მმოლ) Na+. პრეპარატით მკურნალობისას ავადმყოფმა უნდა აწარმოოს ჟურნალი, სადაც აღნიშნული იქნება საზომი კოვზით გამოყენებული გრანულატების რაოდენობა, შარდის (შეგროვილი უშალოდ პრეპარატის მიღების წინ) pH მაჩვენებელი.

ურთიერთქმედება:
ციტრატისა და Al3+ შემცველი პრეპარატებთან ერთად გამოყენებისას  შეიძლება მოხდეს Al3+ მომატებული რეზორბცია. უკანასკნელის მიღება უნდა მოხდეს არანაკლები 2 სთ–იანი ინტერვალით.

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (მოქმედი ნივთიერება): ეთაკრინის მჟავა/ETACRYNIS ACID

კლინიკურ–ფარმაკოლოგიური ჯგუფი: დიურეზული საშუალება.

შემადგენლობა და გამოშვების ფორმა:
ტაბლეტები: ბლისტერზე 10 ტაბ., შეფუთვაში 2 ბლისტერი.
1 ტაბ.
ეთაკრინის მჟავა  …………  50 მგ
სხვა ინგრედიენტები:
ჟელატინი, ლაქტოზა, მაგნიუმის სტეარატი, სახამებელი, ტალკი.

ფარმაკოლოგიური თვისებები:
პრეპარატს გააჩნია გამოხატული სალურეზული ეფექტი, რომელიც რეალიზდება თირკმელების პროქსიმალურ და დისტალურ მილაკებში, ჰენლეს მარყუჟის აღმავალ ნაწილში ელექტროლიტების – ნატრიუმისა და ქლორის იონების, ნაკლებად კალიუმის იონების რეაბსორბციის ბლოკირებით, რის შედეგადაც ადგილი აქვს ორგანიზმიდან წყლის გაძლიერებულ გამოყოფას. პრეპარატი არ ზრდის ბიკარბონატების ექსკრეციას და თანაბრად ეფექტურია აციდოზის და ალკოლიზის დროს.
პრეპარატს არ გააჩნია დიაბეტოგენური აქტივობა. მისი მოქმედების ეფექტი ვლინდება 30-40 წთ-ში, აღწევს მაქსიმუმს 2 სთ-ის შემდეგად გრძელდება 6-9 სთ-ის განმავლობაში.

ჩვენებები:
შეშუპება, რომელიც გამოწვეულია გულის შეგუბებითი უკმარისობით, ღვიძლის ციროზით, თირკმელების დაავადებებით (ასევე ნეფროზული სინდრომით);
ასციტის ხანმოკლე მკურნალობის კურსი ავთვისებიანი წარმონაქმნების, იდიოპათიური შეშუპებების და ლიმფური შეშუპების დროს;
შეშუპება, რომელიც გამოწვეულია გულის მანკებით ან ნეფროზული სინდრომით 2 წელზე უფროსი ასაკის ბავშვებში;
სხვა დიურეზული საშუალებების არაეფექტურობის დროს.

მიღების წესი და დოზირება:
ურეგიტი ყოველთვის მიიღება მკაცრად ექიმის დანიშნულებით. ნებისმიერი საკითხის გასარკვევად საჭიროა ექიმის ან ფარმაცევტის კონსულტაცია.
მკურნალობის რეჟიმი უნდა იყოს ინდივიდუალური ყოველი პაციენტისათვის.
ჩვეულებრივი დოზები:
მოზრდილებისათვის: რეკომენდებულია უმცირესი დოზა, რომელსაც შეუძლია გამოიწვიოს სხეულის წონის თანდათანობითი დაკლება – 1 კგ-ით დღე-ღამეში.
ჩვეულებრივ საწყისი დოზა შეადგენს 50 მგ-ს (ერთი ტაბლეტი საუზმის შემდეგ; შეიძლება ამ დოზის თანდათანობით მომატება 25-50 მგ-ით საჭირო ეფექტის მიღწევამდე ან 200 მგ-მდე. ჩვეულებრივი შემანარჩუნებელი დოზაა 25-200 მგ დღეში.
იშვიათ შემთხვევებში, თერაპიის არაეფექტურობის დროს, შეიძლება საჭირო გახდეს უფრო დიდი დოზები (2X200 მგ), მაქსიმალური შემანარჩუნებელი დოზა 400 მგ. რეკომენდებულია მაღალი დოზები (50-მგ-ზე მეტი) გაყოფილი 2 მიღებაზე (დილით და საღამოს).
შემანარჩუნებელი თერაპიის განხორციელება შეიძლება ცალკეული დოზების გამოტოვებით პრეპარატის ეფექტურობის შესანარჩუნებლად. პრეპარატის მიღება შეიძლება დღეგამოშვებით ან 2 დღეში ერთხელ, ან 2-3 დღიანი ინტერვალებით.
ხანდაზმული პაციენტებისათვის ხანდახან საჭიროა უფრო მცირე დოზები.
ბავშვებისათვის: 2 წელზე უფროსი ასაკის ბავშვების ჩვეულებრივი დღიური დოზა შეადგენს 25 მგ-ს (1/2 ტაბლეტი) საუზმის შემდეგ, საჭიროებისამებრ შეიძლება დოზის მომატება 25 მგ-ით დღეგამოშვებით ან 2 დღეში ერთხელ საჭირო ეფექტის მიღწევამდე. მაქსიმალური დღიური დოზა არ უნდა აღემატებოდეს 2-3 მგ/კგ-ს სხეულის წონაზე. შემანარჩუნებელი თერაპიისათვის შეიძლება დღიური დოზის შეცვლა. რეკომენდებულია პრეპარატის მიღების პერიოდებს შორის 2-3 დღიანი შუალედების გაკეთება.
ურეგიტის გამოყენება შეიძლება სხვა დიურეზულ საშუალებებთან კომბინაციაში, რომელთა ეფექტი ჯამდება.
კალიუმის დამატებით შეყვანა არ სჭირდება ბევრ პაციენტს, რომელნიც იღებენ დიურეზულ საშუალებებს, მაგრამ რეკომენდებულია კალიუმის ქლორიდის დანიშვნა ან კალიუმი-შემნახველი დიურეზული საშუალებების გამოყენება პაციენტებში ღვიძლის ციროზით, ნეფროზული სინდრომით, ან რომლებიც იღებენ სათითურას პრეპარატებს.
პაციენტებისათვის თირკმელების ნორმალური ფუნქციით შეიძლება კალიუმის პრეპარატების მიღება (სისხლის შრატში კალიუმის რეგულარული კონტროლით), რადგან კალიუმის ზედმეტი რაოდენობა გამოიდევნება ორგანიზმიდან. თირკმელების უკმარისობის დროს კალიუმის დანიშვნა არ შეიძლება. ჩვენებები კალიუმის შეყვანისთვის ყოველთვის განისაზღვრება სისხლის შრატში მისი დონით.
თუ ურეგიტი ახდენს ძალიან სუსტ ან ძლიერ ეფექტს, საჭიროა ექიმის ან ფარმაცევტის კონსულტაცია.
ურეგიტის მიღების დავიწყებისას არ მიიღება ორმაგი დოზა გამოტოვებული დოზის ასანაზღაურებლად.
ექიმი განსაზღვრავს ურეგიტით მკურნალობის კურსის საჭირო ხანგრძლივობას.

გვერდითი მოვლენები:
ავადმყოფებს, რომელნიც იღებენ პრეპარატს, შეიძლება განუვითარდეთ არა ყველა ქვემოთ ჩამოთვლილი გვერდითი ეფექტი. ურეგიტის მიღების დროს შეიძლება აღინიშნოს ნებისმიერი ქვემოთ მოცემული მოვლენა:
ყველაზე ხშირი გვერდითი ეფექტები: ოტოტოქსიკური ეფექტი (დამოკიდებულია დოზაზე და ხშირად აღენიშნებათ იმ პაციენტებს, რომელთაც აქვთ თირკმლის უკმარისობა ან დანიშნული აქვთ პრეპარატის მაღალი დოზები პარენტერულად. ეს სიმპტომებია: შუილი ყურებში, სმენის დაკარგვა- ჩვეულებრივ გარდამავალი, რომელიც შეიძლება გახდეს მუდმივი, განსაკუთრებით სხვა ოტოტოქსიკურ საშუალებებთან კომბინაციის დროს), ელექტროლიტური ბალანსის დარღვევა:ჰიპონატრიემია, ჰიპოქლორემია, მეტაბოლური ალკალოზი, ჰიპოგლიკემია (პაციენტთა 10-15%-ში). სიმპტომები: სიმშრალე პირში, წყურვილი, არითმია, გუნება-განწყობილების ან ფსიქიკური სფეროს ცვლილება, კუნთების სპაზმი და ტკივილი, გულისრევა, ღებინება, დაღლილობა, სისუსტე), დიარეა (დამოკიდებულია დოზაზე, შეიძლება იყოს პროფუზული, თხვევადი; მძიმე დიარეის დროს პრეპარატ ურეგიტის მიღება უნდა შეწყდეს). მადის დაკარგვა (დამოკიდებულია დოზაზე), ორთოსტატული ჰიპოტენზია მასიური დიურეზის გამო, ნერვული აგზნებადობა, ტკივილი მუცელში, თავის ტკივილი, გაბრუება.
იშვიათად ალერგიული რეაქციები (გამონაყარი კანზე), სისხლში შარდმჟავას მომატება, პოდაგრა, მხედველობის დარღვევა, ღვიძლის ფუნქციების დარღვევა, სიყვითლე, პანკრეატიტი, ლეიკოპენია ან აგრანულოციტოზი (ცხელება, შემცივნება), თრომბოციტოპენია (უჩვეულო სისხლდენა, ჰემატურია, პურპურა).
პაციენტებს, რომელნიც იღებენ რამდენიმე სამკურნალო პრეპარატს ერთდროულად, შეიძლება განუვითარდეს ღვიძლისა და სისხლწარმომქმნელი ორგანოების ფუნქციების დარღვევა.
ნებისმიერი გვერდითი ეფექტის გამოვლენისას, რომელიც არ არის მოცემული გამოყენების ინსტრუქციაში, საჭიროა მიმართვა ექიმთან ან ფარმაცევტთან.

უკუჩვენებები:
* ალერგია პრეპარატში შემავალი ნებისმიერი კომპონენტის მიმართ;
* ანურია;
* პრეპარატი არ არის რეკომენდებული 2 წლამდე ასაკის ბავშვებისათვის;
* ორსულობის ან ბავშვის ძუძუთი კვების დროს.

ორსულობა და ლაქტაცია:
! ურეგიტის მიღება არ არის რეკომენდებული ორსული ქალებისათვის, რადგან მან, როგორც სხვა შარდმდენმა საშუალებამ, შეიძლება გამოიწვიოს ჰიპოვოლემია სისხლის სიბლანტის მომატებით, რაც ამცირებს პლაცენტარულ სისხლმიმოქცევას.
! ეთაკრინის მჟავა უკუნაჩვენებია მეძუძური დედებისათვის, თუ ამ პრეპარატის მიღება აუცილებელია, პაციენტმა უნდა შეწყვიტოს ძუძუთი კვება.

განსაკუთრებული მითითებები:
◄ მკურნალობის დაწყება საჭიროა მცირე დოზებით, რომელიც უნდა გაიზარდოს თანდათან დეჰიდრატაციის თავიდან ასაცილებლად. საჭიროა ავადმყოფთა სხეულის წონის კონტროლი.
◄ პაციენტებისათვის ასციტით, რომელიც გამოწვეულია ღვიძლის ციროზით, პრეპარატის მიღება საჭიროა დიდი სიფრთხილით, რადგან შარდმდენ საშუალებებს შეუძლიათ ღვიძლისმიერი კომის რისკის გაზრდა. ასეთ ავადმყოფებს უნდა დაენიშნოთ კალიუმის შემნახველი დიურეტიკები ჰიპოკალიემიის თავიდან ასაცილებლად.
◄ მარყუჟზე მოქმედი დიურეზულები (მათ შორის, ურეგიტი) სისხლში ამცირებენ მაგნიუმის დონეს. შარდის გამოყოფის გაძლიერებამ შეიძლება გამოიწვიოს მწვავე ჰიპოტენზია.
◄ ხანდაზმულ პაციენტებში გაძლიერებულმა დიურეზმა შეიძლება შეამციროს სისხლის პლაზმის მოცულობა, რაც ზრდის თრომბოემბოლური გართულებების რისკს.
◄ ურეგიტის დანიშვნა დიდი სიფრთხილითაა საჭირო პაციენტებში გულის დაავადებებით, რომლებიც იღებენ სათითურას პრეპარატებს, რადგან შეიძლება განვითარდეს მწვავე ჰიპოკალიემია ფატალური არითმიით.
◄ სიფრთხილის გამოჩენაა საჭირო პრეპარატის დანიშვნის დროს პაციენტებისათვის ჰიპოკალიემიისადმი მიდრეკილებით (დიარეის ზოგიერთი შემთხვევა, გულის შეგუბებითი უკმარისობა, პარკუჭოვანი არითმიები ანამნეზში, კალიუმის დაკარგვით მიმდინარე თირკმლის დაავადებები, ჰიპერალდოსტერონიზმი თირკმელების ნორმალური ფუნქციის დროს, ანამნეზში სისტემური წითელი  მგლურა).
◄ ლაბორატორიული მაჩვენებლის ცვლილებები: შეიძლება შემცირდეს სისხლის გლუკოზის, აზოტის, შარდმჟავა, კალიუმის, კალციუმის, ქლორიდების, მაგნიუმისა და ნატრიუმის დონე. ამიტომ საჭიროა ელექტროლიტების და  ნარჩენი აზოტის განსაზღვრა სისხლში პრეპარატის მიღებამდე და ამ პარამეტრების რეგულარული კონტროლი მკურნალობის კურსის განმავლობაში.
◄ თირკმლისმიერი შეშუპებების დროს ამ შარდმდენი საშუალებების ეფექტურობა შეიძლება შემცირდეს ჰიპოპროტეინემიის გამო.
◄ ყოველი ტაბლეტი შეიცავს 75 მგ ლაქტოზას. ეს უნდა იქნას გათვალისწინებული ლაქტოზის აუტანლობის შემთხვევაში.

ტრანსპორტისა და მექანიზმების მართვა: მკურნალობის კურსის საწყისი პერიოდი (რომლის ხანგრძლივობა განისაზღვრება ინდივიდუალურად) აკრძალულია  სატრანსპორტო საშუალებების მართვა და იმ სამუშაოების შესრულება, რომელიც დაკავშირებულია მაღალ რისკთან.

ჭარბი დოზირება:
ურეგიტის დანიშნულზე მეტი ტაბლეტის მიღებისას, განსაკუთრებით ბავშვებში ან ტაბლეტების ნებისმიერი რაოდენობის შემთხვევით მიღებისას, დაუყოვნებლივ საჭიროა ექიმთან კონსულტაცია ან მიმართვა უახლოესი საავადმყოფოს სასწრაფო დახმარების განყოფილებაში. პაციენტმა თან უნდა იქონიოს ეს ინსტრუქცია და დარჩენილი ტაბლეტები ექიმის ინფორმირებისათვის.
სიმპტომები: ჭარბმა დოზირებამ შეიძლება გამოიწვიოს ჭარბი დიურეზი, ელექტროლიტების დაკარგვა და დეჰიდრატაცია.
მკურნალობა სიმპტომური და შემანარჩუნებელია. მიზანშეწონილია ღებინების გამოწვევა და კუჭის ამორეცხვა. აუცილებლობის შემთხვევაში, საჭიროა დეჰიდრატაციის, ელექტროლიტური დარღვევების და ღვიძლისმიერი კომის საწინააღმდეგო მკურნალობა. სუნთქვის დარღვევის დროს საჭიროა ჟანგბადის ინჰალაცია და ფილტვების ხელოვნური ვენტილაცია.
მოცირკულირე სისხლიდან აქტიური ნივთიერება თითქმის არ გამოიდევნება ჰემოდიალიზით.

სხვა წამლებთან ურთიერთქმედება:
საჭიროა ექიმის ან ფარმაცევტის ინფორმირება ამჟამად ან მცირეოდენი ხნის წინ მიღებული ნებისმიერი სამკურნალო საშუალების შესახებ, რომლებიც გაიცემა რეცეპტით თუ ურეცეპტოდ.
აღნიშნული ეხება, ასევე იმ პრეპარატებს, რომლებიც იყო მიღებული წარსულში ან რომელთა მიღება იგეგმება მომავალში.
საჭიროა სიფრთხილის გამოჩენა შემდეგ პრეპარატებთან კომბინაციის დროს:
– ანტიჰიპერტენზიული პრეპარატები და ალკოჰოლი (შესაძლებელია ჰოტენზიური და/ან შარდმდენი ეფექტის გაძლიერება).
– აგფ-ინჰიბიტორებით თერაპიის საწყის პერიოდში საჭიროა დიურეზულების მიღების შეწყვეტა და აგფ- ინჰიბიტორის დოზის შემცირება გამოხატული ჰიპოტენზიის თავიდან ასაცილებლად.
– ანტიკოაგულანტები (ვარფარინი, კუმარინი): შესაძლებელია ანტიკოაგულანტური ეფექტის გაძლიერება. საჭიროა ანტიკოაგულანტის დოზის შერჩევა ან გადასვლა ფუროსემიდზე.
– არასტეროიდული ანთების საწინააღმდეგო პრეპარატები – მათ შეუძლიათ დიურეზული ან ანტიჰიპეტენზიული ეფექტის შემცირება.
– ანტიბიოტიკები (ეთაკრინის მჟავას შეუძლია გააძლიეროს ამინოგლიკოზიდების და ზოგიერთი ცეფალოსპორინის ოტოტოქსიკური მოქმედება). საჭიროა თავის შეკავება ამ პრეპარატების ერთდროული გამოყენებისგან.
– ლითიუმი (ლითიუმის მაღალმა დონემ შეიძლება გამოიწვიოს ინტოქსიკაციის სიმპტომები).
– კორტიკოსტეროიდები: შეიძლება მოიმატოს ჰიპოკალიემიისა და კუჭიდან სისხლდენის რისკმა.

შენახვის პირობები:
პრეპარატი ინახება 15-250C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: მითითებულია კოლოფზე.

აფთიაქიდან გაცემის პირობები: პრეპარატი გაიცემა ექიმის რეცეპტით.

მწარმოებელი: EGIS PHARMACEUTICALS PLC, უნგრეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): Cranbarry (Vaccinium macrºCarpon)

კლინიკურ–ფარმაკოლოგიური ჯგუფი: ბიოლოგიურად აქტიური დანამატები

ურინონი ® საკვები დანამატი
1 რბილი კაფსულის შემადგენლობა:
შტოშის ექსტრაქტი – Cranbarry (Vaccinium macrocarpon) – 200 მგ.

ურინონი-D
გამოყენების რეკომენდაცია®
ბიოლოგიურად აქტიური დანამატი

შემადგენლობა:
1 რბილი კაფსულა – კრანოზას დაპატენტებული ექსტრაქტით, შეიცავს

პაკრანი® (შტოშის ექსტრაქტი – Vaccinium macrocarpon) – 250 მგ. D-მანოზა – 200 მგ.
დამატებითი კომპონენტები: მცენარეული ზეთი, ფუტკრის ცვილი თეთრი, ჟელატინი, გლიცერინი, დეიონიზებული წყალი, რკინის ოქსიდი წითელი.

ფარმაკოლოგიური თვისებები: პაკრანი® შტოშის ექსტრაქტი შეიცავს ბიოფლავონოიდებს, ჩ და B ჯგუფის, ასევე, PP ვიტამინებს, ფენოლის ნაერთებს, ტრიტერპენოიდებს. ასევე, მიკროელემენტებს: ნატრიუმს, კალციუმს, კალიუმს, ფოსფორს, რკინას, მანგანუმს, კობალტს, სპილენძს. შტოში, ასევე, შეიცავს პროანტოციანიდინებს. ის ამცირებს  ბაქტერიების ადჰეზიის უნარს უროეპითელურ უჯრედებზე. შტოშის ექსტრაქტს აქვს ანტიოქსიდანტური მოქმედება. ის ხელს უშლის პათოგენური მიკროორგანიზმების გამრავლებას ურეთრასა და შარდის ბუშტში და მათ ადჰეზიას საშარდე გზების ეპითელიუმზე. შტოშის ანტიკანცეროგენული მოქმედება დაკავშირებულია მის მონაწილეობასთან სიმსივნური უჯრედების აპოპტოზის პროცესში. შტოშის ექსტრაქტი აინჰიბირებს ციკლოოქსიგენაზას, აქვს ანთებისსაწინააღმდეგო მოქმედება, აუმჯობესებს თირკმლის ფუნქციას და ზრდის დიურეზს. შტოშის შემადგენლობაში არსებულ პროანტოციანიდინის ოლიგომერებს, ფლავონოიდებსა და ტრიტერპენოიდებს აქვთ გამოხატული ანთებისსაწინააღმდეგო, ანტიბაქტერიული, მოქმედება. D-მანოზა ნახშირწყალია, რომელიც წარმატებით გამოიყენება უროგენიტალური ტრაქტის ინფექციების პრევენციისა და მკურნალობისთვის, განსაკუთრებით რეციდივული ინფექციების.  D-მანოზა შეიცავს პროტეინების ჯაჭვებს, რომლებიც უკავშირდება და  ბოჭავს უროპათოგენურ ბაქტერიებს და უზრუნველყოფს მათ ელიმინაციას. მრავლობითმა კვლევებმა, რომლებიც ჩატარებულია D-მანოზაზე, აჩვენა, რომ აღნიშნული სუბსტანცია ამცირებს ისეთი პათოგენური მიკრობების ადჰეზიას საშარდე გზების ეპითელიუმზე, როგორებიცაა:Escherichia coli, Pseudomona aeruginosa, Streptococcus zooepidermicus და უზრუნველყოფს აღნიშნული ბაქტერიებით გამოწვეული ინფექციების ელიმინაციას. D-მანოზა ხელს უწყობს საშარდე გზების ინფექციების (მაგ. ცისტიტის) რეციდივების პრევენციას.
D-მანოზა აძლიერებს ანტიბიოტიკების ეფექტს.
ფარმაკოლოგიური მოქმედება: ურინონი/ურინონი-D ხელს უშლის პათოგენური ბაქტერიების გამრავლებას ურეთრასა და შარდის ბუშტში და მის ადჰეზიას საშარდე გზების ეპითელიუმზე. აინჰიბირებს ციკლოოქსიგენაზას. მონაწილეობს აპოპტოზის პროცესში. ამცირებს მეტალოპროტეინების ექსპრესიას მატრიქსში. აბლოკირებს კანცეროგენეზის პროცესს. ურინონი/ურინონი-D ხელს უშლის მორეციდივე ანთებითი დაავადებების განვითარებას. აუმჯობესებს თირკმლის ფუნქციას და ზრდის დიურეზს. ეხმარება ნორმალური მიკროფლორის აღდგენას. აქვს სპაზმოლიზური და ანტისეპტიკური მოქმედება. ეფექტი დგება სწრაფად – მკურნალობის კურსის პირველივე დღეს. შესაძლებელია ურინონი/ურინონი-D-ს ხანგრძლივად გამოყენება.

ურინონი/ურინონი-D გამოიყენება კომპლექსურ თერაპიაში ისეთი მდგომარეობების დროს, როგორიცაა:

*საშარდე გზების ინფექციები, შარდის ბუშტისა და ურეთრის ინფიცირება (ურეთრიტი, პროსტატიტი, ცისტიტი, ვულვიტი, ვაგინიტი)

*საშარდე გზების ინფექცურ-ანთებითი დაავადებები ორსულობის პერიოდში
*ბაქტერიურია, პროტეინურია

*მწვავე და ქრონიკული პიელონეფრიტი (კომპლექსური მკურნალობა)
*საშარდე გზების ინფექციების რეციდივი

*საშარდე გზების გაურთულებელი ინფექციები
*ანტიბიოტიკოთერაპიასთან კომპლექსში
*უროლითიაზი (პროფილაქტიკა, კომპლექსური მკურნალობა) *დარტყმითტალღოვანი ლითოტრიფსიის შემდგომი პერიოდი
*დიაბეტური ნეფროპათია.

გვერდითი მოვლენები: ურინონი/ურინონი-D კარგად აიტანება ორგანიზმის მიერ. შესაძლოა გამოვლინდეს ინდივიდუალური ჰიპერმგრძნობელობა შემადგენელი კომპონენტების მიმართ.
უკუჩვენება: დადგენილი ჰიპერმგრძნობელობა ურინონი-D –ს შემადგენელი რომელიმე კომპონენტის მიმართ.
ურთიერთქმედება სხვა პრეპარატებთან: აძლიერებს ანტიბიოტიკების ეფექტს.
დოზირება: ურინონი – 1 კაფსულა 2-3_ჯერ დღეში. ურინონი-D  – 1 კაფსულა 1-2_ჯერ დღეში, ან ექიმის დანიშნულების მიხედვით.

შენახვის წესი: შეინახეთ ბავშვებისგან დაცულ ადგილას. შენახვის ოპტიმალური პირობებისთვის შეინახეთ გრილ, მშრალ ადგილას, არაუმეტეს 25°C ტემპერატურისა.

გამოშვების ფორმა: რბილი კაფსულა #30

გაცემის რეჟიმი: III ჯგუფი (ურეცეპტოდ)

მწარმოებელი: Vefa Ilaҫ,  თურქეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): კომბინირებული/comb. drug

კლინიკურ–ფარმაკოლოგიური ჯგუფი: ბიოლოგიურად აქტიური დანამატები

მწარმოებელი: PSP

გამოშვების ფორმა: რბილი კაფსულა ფლაკონი # 30

გაცემის რეჟიმი: III ჯგუფი (ურეცეპტოდ)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება:  დიატრიზოუმის მჟავის მეტგლუმინის მარილი,
დიატრიზოუმის მჟავის ნატრიუმის მარილი/SODIUM AMIDOTRIZOATE MEGLUMINE AND
SODIUM SALT

კლინიკურ–ფარმაკოლოგიური ჯგუფი: რენტგენოკონტრასტული საშუალება

შემადგენლობა და გამოშვების ფორმა:
საინექციო ხსნარი 60%: ამპულაში 20 მლ, შეფუთვაში 10 ც.
1 მლ 1 ამპ.
დიატრიზოუმის მჟავის მეტგლუმინის მარილი………….   520 მგ 10.5 გ
დიატრიზოუმის მჟავის ნატრიუმის მარილი………………   80 მგ 1.6 გ
საინექციო ხსნარი 76%: ამპულაში 10 მლ, შეფუთვაში 10 ც.
1 მლ 1 ამპ.
დიატრიზოუმის მჟავის მეტგლუმინის მარილი……     660 მგ 13.2 გ
დიატრიზოუმის მჟავის ნატრიუმის მარილი………..   100 მგ 2 გ

ფარმაკოლოგიური მოქმედება:
იოდისშემცველი რენტგენოკონტრასტული საშუალება. პრეპარატის შემადგენლობაში შემავალი იოდი რენტგენის სხივების შთანთქმის შედეგად გამოსახულების კონტრასტულობას ამაღლებს.

ჩვენებები:
ნატრიუმის ამიდოტრიზოატი 76% – ანგიოგრაფია, ციფრული სუბტრაქციული ანგიოგრაფია, კომპიუტერული ტომოგრაფია, ანგიოკარდიოგრაფია, აღმავალი პიელოგრაფია,ლიმფოგრაფია, ურეთროცისტოგრაფია, სპლანოპორტოგრაფია, ფისტულოგრაფია, ართროგრაფია, ჰისტეროსალპინგოგრაფია, წინასაოპერაციო ქოლანგიოგრაფია.
ნატრიუმის ამიდოტრიზოატი 60% – ანგიოგრაფია, ციფრული სუბტრაქციული ანგიოგრაფია, კომპიუტერული ტომოგრაფია, უროგრაფია, ჰისტეროსალპინგოგრაფია.
ნატრიუმის ამიდოტრიზოატი არ არის გამოსადეგი მიელოგრაფიისთვის. კუჭ–ნაწლავის ორგანოების რენტგენოკონტრასტული გამოკვლევა, თუ ბარიუმის სულფატის გამოყენება უკუნაჩვენებია; წარსულში რენტგენოლოგიური გამოკვლევისას არ დადგენილი პერფორაცია ან საყლაპავში და კუჭ–ნაწლავის ტრაქტში ანასტომოზის უკმარისობა, მეკონიური ნაწლავური გაუვალობა; მუცლის ღრუს კომპიუტერული ტომოგრაფია (ბარიუმის სულფატთან ერთად).

უკუჩვენებები:
ჰიპერმგრძნობელობა (მათ შორის, იოდშემცველი რენტგენოკონტრასტული სამკურნალო საშუალებების მიმართ), ღვიძლის უკმარისობა, თავის ტვინის სისხლძარღვების გამოხატული ათეროსკლეროზი, მწვავე კორონარული უკმარისობა, დეკომპენსირებული გულის ქრონიკული უკმარისობა, გამოხატული არტერიული ჰიპერტენზია, შოკი, კოლაფსი, ჰიპერკოაგულაცია, თირკმლის ქრონიკული უკმარისობა, თირეოტოქსიკოზი, კვანძოვანი ჩიყვი, პლაზმოციტომა, აქტიური ტუბერკულოზი; აღმავალი პიელოგრაფიისთვის – მწვავე უროინფექცია; ფლებოგრაფიისთვის – მწვავე ფლებიტი.
სიფრთხილით: ორსულობა, დეკომპენსირებული შაქრიანი დიაბეტი, საერთო მძიმე მდგომარეობა.

გვერდითი მოქმედება:
სიცხე, თავბრუსხვევა, თავის ტკივილი, გულისრევა, ღებინება, ტაქიკარდია, ციანოზი, ცრემლდენა, ერითემატოზული გამონაყარი, ჭინჭრის ციება, ანაფილაქტოიდური რეაქციები, ანაფილაქსიური შოკი, ფილტვების შეშუპება, ნევროტული დარღვევბი, დიარეა, ენტერიტის ან კოლიტის გამწვავება, თირკმლის მწვავე უკმარისობა.
ადგილობრივი: შეყვანის ადგილის ტკივილი, ფლებიტი, თრომბოზი.

მიღების წესი და დოზირება:
ექსკრეტორული უროგრაფია: 20–40მლ 60% ხსნარი, გამთბარი სხეულის ტემპერატურამდე, ნელა შეყავთ იდაყვის ვენაში; მოუმზადებლებისთვის (გამწმენდი ოყნის გარეშე) ან ავადმყოფებში სხეულის დიდი წონით უმჯობესია 76% ხსნარის გამოყენება იგივე რაოდენობით;
თირკმელების დაქვეითებული ფუნქციისას ვენაში შეყავთ წვეთოვნად, განზავებული 250–300მლ 5% დექსტროზაში, 5–10 წუთის განმავლობაში.
ბავშვებში 60% ხსნარი: ჩვილებში – 7–9მლ,1–6 წამდე ასაკის ბავშვებში 9–12 მლ, 6–12 წლის – 12–15 მლ, 12–15 წელი – 15–20მლ; თუ პრეპარატის შეყვანა არ შეიძლება ვენაში, მაშინ შეყავთ კუნთში – შესაბამისი დოზა იხსნება 2–ჯერ მეტ საინექციო წყალში და შეყავთ ორ ადგილზე ნახ–ნახევარი ღრმად კუნთში.
აღმავალი პიელოგრაფია: 5–10მლ 30% ხსნარი ნელა შეყავთ კათეტერის საშუალებით; მცირე ტკივილის გაჩენისას ან თირკმელების მიდამოში ზეწოლისას შეყვანა წყდება.
ფლებოგრაფია: ქვედა კიდურებისთვის – 20–40 მლ, ზედა კიდურებისთვის – 10–20მლ 60% ხსნარი; გადაღება ხდება პრეპარატის შეყვანის დროს;
გამოკვლევის შემდეგ საჭიროა საკონტრასტო სამკურნალო საშუალებების გამოყვანა კიდურებიდან: კიდურებს წევენ მაღლა და ვენას რეცხავენ 50–70მლ 0.9% NaCl-ის ხსნარით.
პერიფერიული არტერიოგრაფია: ქვედა კიდურებისათვის გამოიყენება 20–40მლ, ზედასთვის – 10–20მლ 60% ხსნარი; უკეთესი ამტანობისთვის რეკომენდებულია სისხლის ნაკადის საწინააღმდეგოდ შეყვანა.
ცერებრალური ანგიოგრაფია: საშუალოდ 7 მლ 60% ხსნარი შეყავთ საძილე არტერიაში ან 4 მლ შეყავთ ხერხემლის არტერიაში; ერთდროული სერიოგრაფიისათვის ორ სიბრტყეში საკმარისია 1 ინექცია, სხვა შემთხვევაში მეორე პროექციისათვის საჭიროა განმეორებითი ინექცია; ხსნარი შეყავთ სწრაფად (10მლ დაახლოებით 1.5 წმ).
აორტოგრაფია: 30–50მლ 76% ხსნარი ინტრააორტალურად მაქსიმალური სიჩქარით.
დიგიტალური (ციფრული) არტერიოგრაფია: 60% ხსნარი რაოდენობით, რომელიც შეესაბამება სისხლის ნაკადის სიდიდეს გამოსაკვლევ არტერიაში.
ანგიოკარდიოგრაფია: 76% ხსნარი 60მლ–მდე მაქსიმალური სიჩქარით, ბავშვებისთვის – 1.2მლ/კგ.
სპლენოპორტოგრაფია: 20–30 მლ 76% ხსნარი.
ქოლანგიოგრაფია: 5–20მლ 35% ხსნარი.
ცისტოგრაფია: საშუალოდ 60–80მლ 35% ხსნარი შარდგამომყოფი არხის გარეთა ხვრელში ან 20მლ შარდის ბუშტში კათეტერის საშაუალებით ჰაერთან ერთად(ლაკუნალური ცისტოგრაფია).
ართროგრაფია: 35% ხსნარი, სხეულის ტემპერატურამდე გამთბარი, ნელა შეიყვანება აუცილებელი რაოდენობით სახსრის ჩვეულებრივი დეზინფექციის შემდეგ; კონტრასტული საშუალება შეიყვანება ექსუდატის ამოღების შემდეგ ასეპტიკის პირობებში;
პროცედურა ტარდება ავადმყოფის წოლით მდგომარეობაში; გასაზავებლად გამოიყენება მხოლოდ საინექციო წყალი.

განსაკუთრებული მითითებები:
ქავილის, ჭინჭრის ციების, სურდოს, შეშუპებების, არტერიული წნევის მკვეთრი დაქვეითებისას, ტაქიკარდიის, სუნთქვის დარღვევისას და სხვა ჰიპერმგრძნობელობის გამოვლენისას პრეპარატის გამოყენება უკუნაჩვენებია. აუცილებელია დარღვეული წყალ–მარილოვანი ცვლის კომპენსაცია.
სიცივეში შენახვისას მოქმედი ნივთიერების ნაწილი შეიძლება გამოკრისტალდეს. კრისტალები დნება თუ ამპულას რამდენიმე წუთით ჩაუშვებთ ცხელ წყალში.

მწარმოებელი: SCHERING AG

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

კლინიკურ–ფარმაკოლოგიური ჯგუფი: იმუნოსტიმულატორი.

შემადგენლობა და გამოშვების ფორმა:
კაფსულები: შეფუთვაში 30 და 90 ც.
1 კაფს.
ლიოფილიზირებული ფხვნილი
Escherichia coli………………………      6 მგ
დამხმარე ნივთიერებები:
სიმინდის სახამებელი, მაგნიუმის სილიკატი, მაგნიუმის სტეარატი, პროპილგალატი (E310), ნატრიუმის გლუტამატი, მანიტოლი, რკინის ოქსიდი, ტიტანის დიოქსიდი.

ფარმაკოლოგიური თვისებები:
ურო-ვაქსომი წარმოადგენს იმუნოსტიმულატორს. იგი არეგულირებს ორგანიზმში მიმდინარე ნივთიერებათა ცვლის პროცესებს, ხელს უწყობს T-ლიმფოციტების სტიმულაციას და ენდოგენური ინტერფერონის ინდუცირების პროცესს.

ფარმაკოკინეტიკა: არ არის ცნობილი.

ჩვენებები:
იყენებენ საშარდე გზების ინფექციების პროფილაქტიკისა და საშარდე გზების მწვავე ინფექციების სამკურნალოდ.

მიღების წესი და დოზირება:
პერორალურად მისაღებად ენიშნებათ თითო კაფულა ერთხელ დღეში, უზმოზე, 3 თვის განმავლობაში.
მწვავე პერიოდში – თითო კაფსულა ერთხელ დღეში, უზმოზე, 10 დღის განმავლობაში ანტიმიკრობულ საშუალებებთან ერთად სრულ გამოჯანმრთელებამდე.

გვერდითი მოვლენები:
აღინიშნება დაახლოებით 4%-ში.
კუჭ–ნაწლავის ტრაქტის მხრივ: დიარეა, ღებინება, მუცლის ტკივილი.
დერმატოლოგიური რეაქციების მხრივ: ეგზანთემა.
მსუბუქი ხველა, ალერგიული რეაქციები, ამ დროს სასურველია შეწყდეს პრეპარატით მკურნალობა.

უკუჩვენებები:
* მომატებული მგრძნობელობა პრეპარატში შემავალი ინგრედიენტების მიმართ;
* 4 წლამდე ასაკის ბავშვებში.

ორსულობა და ლაქტაცია:
ორსულობის და ლაქტაციის პერიოდში პრეპარატის გამოყენების შესახებ მონაცემები დღეისათვის არ მოიპოვება.

განსაკუთრებული მითითებები:
ავტოტრანსპორტის მძღოლებში, პრეპარატის გამოყენება უსაფრთხოა.

ჭარბი დოზირება:
არ არის ცნობილი.

სხვა წამლებთან ურთიერთქმედება:
შესწავლილი არ არის.

შენახვის პირობები:
პრეპარატი ინახება 15-250C ტემპერატურაზე, სინათლისაგან დაცულ ადგილას.

ვარგისიანობის ვადა: 5 წელი.

მწარმოებელი: OM PHARMA, შვეიცარია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): კომბინირებული/comb. drug

კლინიკურ–ფარმაკოლოგიური ჯგუფი: ბიოლოგიურად აქტიური დანამატები
52.6% შტოშის ექსტრაქტი, 10.9% შვიტა (მინდვრის შვიტა), 7.3% მწვანე ჩაის ექსტრაქტი, 3.6% ჭინჭრის ექსტრაქტი, 3.6% შვრიის ექსტრაქტი.

ურო –კომპლექსი უზრუნველყოფს უროგენული ტრაქტის ნორმალურ ფუნქციონირებას, ამცირებს პათოგენური მიკროორგანიზმების რაოდენობას საშარდე სისტემაში, იცავს მას განმეორებითი ინფექციებისაგან.
პრეპარატი შედგება ხუთი კომპონენტისგან.
ერთი კაფსულა შეიცავს:
შტოშის ექსტრაქტს 360 მგ, რომელშიც10% -ია პროანტოციანიდი (PAC)-36 მგ
შვიტას ექსტრაქტს 75 მგ
მწვანე ჩაის ექსტრაქტს 75 მგ
ჭინჭრის ექსტრაქტს 25 მგ
შვრიის ექსტრაქტს 25 მგ

პროანტოცინიდი (PAC) – ხელს უშლის პათოლოგიური ბაქტერიების გამრავლებას და ადჰეზიას უროთელიუმზე.
შტოშის ექსტრაქტი ბუნებრივ  ანტიბიოტიკად მიიჩნევა.იგი ანადგურებს პათოლოგიურ ბაქტერიებს და იცავს საშარდე სისტემას რეინფექციებისაგან.

მწვანე ჩაის ექსტრაქტი ბუნებრივი ანტიოქსიდანტია,კიდევ უფრო ძლიერი, ვიდრე E და C ვიტამინი. ექსტრაქტი ეხმარება ორგანიზმს თავისუფალი რადიკალებისგან გათავისუფლებაში და საშარდე სისტემას ნორმალური ფუნქციონირების აღდგენაში.

ჭინჭრის და შვიტის ექსტრაქტი ასუფთავებს საშარდე სისტემას და ეხმარება მას ნორმალური ფუნქციონირების აღდგენაში. აქვს შარდმდენი ეფექტი, რაც აუმჯობესებს თირკმლის ექსკრეტორულ ფუნქციას, განაპირობებს ტოქსინებისა და პათოლოგიური ბაქტერიების სწრაფ დ ადვილ გამოდევნას ორგანიზმიდან.

შვრიის ექსტრაქტი (შეიცავს 7% ფლავონოიდებს) შვიტასთან ერთად იცავს საშარდე სისტემას კრისტალების  წარმოქნისგან, აღადგენს საშარდე სისტემის ფუნქციის დარღვევით გამოწვეულ შემაწუხებელ და დისკომფორტის სიმპტომებს. აქვს დადებითი მოქმედება სისხლძარღვებზე.

ჩვენებები:
საშარდე სისტემის ნორმალური ფუნქციონირებისათვის
საშარდე სისტემის პრობლემებისას
საშარდე სისტემის განმეორებითი ინფექციების პროფილაქტიკისათვის
საშარდე სისტემის ინფექციების განვითარების რისკის გაზრდისას

მიღების წესი და დოზირება:
ერთი კაფსულა ერთხელ დღეში ჭამის დროს დიდი რაოდენობით წყალთან ერთად.
არ გადააჭარბოთ დღიურ დოზას.

გამოშვების ფორმა:
ჟელატინისებური კაფსულა # 15

შენახვის პირობები და ვადები:
ინახება მშრალ და გრილ ადგილას. არ გამოიყენოთ პროდუქტი კოლოფზე მითითებული ვარგისიანობის ვადის ამოწურვის შემდეგ. შეინახეთ ბავშვებისაგან მიუწვდომელ ადგილას.

გამოშვების ფორმა: ჟელატინისებური კაფსულა # 15

გაცემის რეჟიმი: III ჯგუფი (ურეცეპტოდ)

მწარმოებელი: Olimp Labs, პოლონეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

ძირითადი ფიზიკო – ქიმიური თვისებები:
მომწვანო-მოყავისფრო, ან მოყავისფრო ფერის სითხე, პიტნის დამახასიათებელი სუნით.

შემადგენლობა და გამოშვების ფორმა:
100 მლ სითხე შეიცავს:
სოჭის ზეთი……………………………………………..     8გ;
ბაღი პიტნის ზეთი……………………………………..     2გ;
აბუსალათინის ზეთი…………………………………..     11გ;
ფერისცვალას ნაყოფის თხიერი ექსტრაქტი……….     23გ;
სვიას გირჩების თხიერი ექსტრაქტი………………..     32,995გ;
თავშავას ბალახის თხიერი ექსტრაქტი……………….    23გ;
ტრილონი ბ.

ფარმაკოთერაპიული ჯგუფი: სპაზმოლიზური საშუალება, რომელიც მოქმედებს საშარდე და სანაღვლე გზებზე.
ფარმაკოლოგიური თვისებები:
უროლესანი მიეკუთვნება სამკურნალო საშუალებების ჯგუფს, რომლებიც ხელს უწყობენ შარდის კონკრემენტების ელიმინაციას (ასევე ნაღვლის კონკრემენტების ელიმინაციას). ამის გარდა პრეპარატის ინგრიდიენტებს, მათ შორის  მრავალ ქიმიურ შენაერთს, გააჩნია სპაზმოლიზური, ანთების საწინააღმდეგო, ანტისეპტიკური აქტივობა, იწვევს ნაღველის წარმოქმნის გაზრდას, აძლიერებს ნაღვლის გამოყოფას.

ჩვენება:
ნეფროლითიაზის და ქოლელითიაზის დროს, მწვავე და ქვემწვავე კალკულოზური პიელონეფრიტი და ქოლეცისტიტი, სანაღვლე გზების დისკინეზია.

დოზირება და მიღების წესი:
პრეპარატი ინიშნება პერორალურად, ჭამის წინ. მოზრდილებში – 8-10 წვეთი შაქრის ნატეხზე 3 ჯერ დღეში. მკურნალობის ხანგრძლივობაა 5-30 დღე. აუცილებლობის შემთხვევაში შესაძლებელია განმეორებითი კურსის ჩატარება. თირკმელების და ნაღვლის ბუშტის ჭვალის დროს ერთჯერადი დოზა შეადგენს 15-20 წვეთს.

გვერდითი მოვლენები:
პრეპარატის ჭარბი დოზირების და მის მიმართ მომატებული მგრძნობელობის დროს აღინიშნება გულისრევა, თავბრუსხვევა, დისპეფსიური მოვლენები.
წინააღმდეგჩვენება:
* მომატებული მგრძნობელობა პრეპარატის მიმართ.
ჭარბი დოზირება:
ამ დროს ინიშნება თბილი სასმელი დიდი რაოდენობით.
შენახვის ვადა და პირობები:
პრეპარატი ინახება სინათლისაგან და ბავშვებისაგან დაცულ ადგილას, არაუმეტეს 20°C. ვარგისიანობა – 2 წელი.
გაცემის წესი: ურეცეპტოდ
მწარმოებელი: АО «ГАЛИЧФАРМ », УКРАИНА

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

აქტიური ნივთიერება: მესნა

ფარმაკოლოგიური ჯგუფი: უროპროტექტორი

შემადგენლობა: 4 მლ საინექციო ხსნარი შეიცავს 400მგ მესნას. სხვა კომპონენტები: ნატრიუმის ედეტატი, ნატრიუმის ჰიდროქსიდი, საინექციო წყალი.

ჩვენება:
უროთელიალური ტოქსიურობის პროფილაქტიკა ოქსაზაფოსფორინების გამოყენებთ გამოწვეული.
ურომიტექსანი ყოველთვის უნდა დაინიშნოს ჰოლოქსანთან ერთად სისმსივნის სამკურნალოდ;
როდესაც ენდოქსანი და იქსოტენი გამოიყენება სიმსივნის მკურნალობისათვის, ურომიტექსანი უნდა დაინიშნოს ბოლუსის სახით (10მგ/კგ–ზე მეტი) ციტოსტატიკურ საშუალებებთან ერთად, ყველა იმ პაციენტში, რომლებიც იმყოფებიან განსაკურებული რისკის ქვეშ. ციტოსტატიკურ საშუალებებთან ძირითად რისკ–ფაქტორებს წარმოადგენენ: ჩატარებული სხივური თერაპია, ჰოლოქსანით ჩატარებული ცისტიტის მკურნალობა, ენდოქსანით ან იქსოტენით ჩატარებული თერაპია ან საშარდე გზების გადატანილი ფუნქციური დარღვევები.

უკუჩვენება:
მესნას ან სხვა თიოლის შემცველი კომპონენტების მიმართ გამოვლენილი მაღალი მგრძნობელობა.

გაფრთხილებები:
– მაღალმგრძნობელობითი რეაქციები (ჰიპერერგიული რეაქციები), ურომიტ ექსანით მკურნალობის შედეგად, უფრო მეტად გამოვლენილი იქნა იმ პაციენტებში, რომელთაც აღენიშნებოდათ აუტოიმუნური დარღვევები;
– სიმსივნით დაავადებულ სხვა პაციენტებთან შედარებით გამოვლენილ იქნა კანისა და ლორწოვანის გარსისი გაღიზიანება (გამონაყარი, ურტიკარია, ეგზანთემა, ენანთემა), ღვილში ტრანსამინაზების დონის მომატება და არასპეციფიკური დამახასიათებელი სიმპტომები, როგორიცაა ცხელება, დაღლილობის შეგრძნება, ღებინების შეგრძნება და პირღებინება;
– ასევე დადგენილი იქნა სისხლის მიმოქცევის დარღვევები, როგორიცაა ჰიპოტანზიის და ტაქიკარდიის ცალკეული შემთხვევები. – ურომიტექსანის საშუალებით საშარდე გზების პროფილაქტიკა უნდა განხორციელდეს მხოლოდ იმ პაციენტებში, რომელთაც განსაზღვრული აქვთ რისკ–სარგებლობის ანალიზი და იმყოფებიან სამედიცინო მეთვალყურების ქვეშ.
– ურომიტექსანი გამოიყენება, როგორც უროპროტექტორი ოქსაზაფოსფორინებით ციტოსტატური მკურნალობის დროს, მისი გამოყენება ორსულობისა და ლაქტაციის პერიოდში ასევე განპირობებულია ანალოგიური კრიტერიუმებით.
ცხოველებზე ჩაატარებულმა კვლევებმა არ გამოავლინა ურომიტექსანის ემბრიოტოქსიური და ტერატოგენლი ეფექტი.
ურომიტექსანის დამცავი მოქმედება ვრცელდება მხოლოდ საშარდე გზებზე. ყველა სხვა რეკომენდებული სიფრთხილის ზომები არ ეხება მის გამოყენებას და მასთან დაკავშირებული რეკომენდაციები გათვალისწინებული უნდა იქნას.

გვერდითი მოვლენები:
აღწერილ იქნა მაღალმგრძნობელობითი რეაქციების (ჰიპერერგიული რეაქციები) ცალკეული შემთხვევებში. მაგ; კანისა და ლორწოვანი გარსის სხვადასხვა ხარისხისა და სირთულის რეაქციები (ქავილი, სიწითლე, წყლულოვანი გამონაყარი), ადგილობრივად ქსოვილების შესიება (ურტიკარიული სისხლჩაქცევა), იშვიათ შემთხვევებში სისხლის წნევის დაცემა და გახშირებული გულისცემა წუთში 100–ზე მეტი (ტაქიკარდია). ასევე აღწერილი იქნა ღვიძლის ფუნქციის ზოგიერთი ტესტის  (ტრანსამინაზების) გარდამავალი მატება. იშვით შემთხვევებში გამოვლინდა ვენების გაღიზიანება ინექციის არეში. გამძლეობაზე ჩატარებულმა კვლევებმა აჩვენა, რომ მესნას ინტარავენური და პერორალური დოზების გამოყენებისას 60მგ/კგ და მეტი სხეულის მასაზე, ერთჯერადი დოზის მიღება დაკავშირებულია გულისრევის შეგრძნებასთან, ღებინებასთან, ფაღართთან, თავის, კიდურების ტკივილთან, სისხლის წნევის დაცემასთან. ტაქიკარდიასთან, კანის რეაქციებთან, დაღლილობის შეგრძნებასთან, სისუსტესთან;
მკურნალობის პერიოდში ზემოხსენებული გვერდითი ეფექტები ყოველთვის შეიძლება არ განსხვავდებოდეს ოქსაზაფოსფორინებით (ჰოლოქსანი, ენდოქსანი, იქსოტენი) ან სხვა სახის თანმხლები მედიკამენტებით გამოწვეული გვერდითი ეფექტებისაგან.

სხვა წამლებთან ურთიერთქმედება:
მესნა ლაბორატორიულ პირობებში შეუთავსებადია ცისპლატინთან, კარბოპლატინთან და აზოტოვანიპრიტთან.

დოზირება და მიღების წესი:
თუ არ არსი სპეციალური მითითება ურომიტექსანი მიიღება ინტრავენურად, ნაკადური წესით ნელა. ურომიტექსანის ერთჯერადი დოზა შეადგენს ოქსაზასფორინის ერთჯერადი დოზის 20%–ს. პირვალად შეყვანას ახორციელებენ ოქსაზასფორინთან ერთად. ხოლო მეორე და მესამე დოზა შეჰყავთ ოქსაზაფოსფორინის შეყვანიდან 4 და 8 სთ–ში.

ოქსაზასფორონის ინექციასთან ერთად ურომიტექსანის მიღების სქემა:

ბავვებში ჩატარებულმა კლინიკურმა კვლევებმა აჩვენა, რომ მიზანშეწონილია ურომიტექსანის ხანმოკლე ინტერვალებით შეყვანა (მაგ; ყოველ 3 სთ–ში). ციტოსტატიკური მკურნალობისას ოქსაზაფოსფორინის ძალინ მაღალი დოზის შემთხვევაში (მაგ; ძვლის ტვინის ტრანსპლანტირებამდე) ურომიტექსანის მთლიანი დოზა შეიძლება გაიზარდოს ოქსაზაფოსფორინის დოზის 120% და 160%–მდე. რეკომენდებულია ურომიტექსანის დოზის 20% მიღების შემდეგ (ოქსაზაფსფორინის მთლიან დოზასთან მიმართებით, დროის ათვლით) დანარჩენი გადაანგარიშებული დოზა მიღებულ იქნას უწყვეტლივ ინტრავენური გზით. 24 სთ–ის განმავლობაში პერფუზორის გამოყენებით. ალტერნატიულ შემთხვევაში დასაშვებია შენაცვლებით ბოლუს ინექცია: მოზრდილებში 3 X 40% (0, 4, 8, საათის პერიოდებით) ან X 40% (0, 3, 6, 9 საათის პერიოდებით) შესაბამისად.
ბავშვებში შარდის შარდის უფრო ხშირი გამოყოფის გამო ბოლუს ინექცია ყოველთვის უნდა დაინიშნოს 3 სთ–ის ინტერვალით (მაგ; 20% 0, 1,  3, 6, 9, 12 საათი). ბოლუს ინექციის სანაცვლოდ დასაშვებია 15 წთ–იანი ინფუზია.
იფოსფამიდით  (ჰოლოქსანი) ხანგრძლივი ინფუზიისას ურომიტექსანის მიღება საწყისი დროის ათვლით 20% ბოლუს ინექციის (ინფუზიის დაწყება – დრო 0) შემდეგ საჭიროა იფოსფამიდის დოზის 100%–მდე ინფუზია. იფოსფამიდის ინფუზიის შემდეგ უროპროტექცია გრძელდება 6–12 სთ.

24 სთ–იანი იფოსფამიდის ინფუზიასთნ ერთად ურომიტექსანის მიღების ნიმუში:

შენახვის პირობები: ინახება ბავშვებისათვის მიუწვდომრლ ადგილას.

ვადა: არ გამოიყენოთ შეფუთვაზე მითითეული ვადის გასვლის შემდეგ
ვარგისიანობა 5 წელი.

აფთიაქიდან გაცემა: გაიცემა ექიმის რეცეპტით.

მწარმოებელი: BAXTER ONCOLOGY GmbH, გერმანია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (აქტიური ნივთიერება): კომბინირებული/comb. drug

კლინიკურ–ფარმაკოლოგიური ჯგუფი: თირკმლის კენჭოვანი დაავადების დროს გამოსაყენებელი საშუალებები უროლოგიაში

შემადგენლობა
თირკმლის ჩაის ბალახი, დათვის კენკრას ფოთოლი, შვიტას ბალახი, ძირტკბილას ფესვები, გულყვითელას ყვავილი, გვირილას ყვავილი, მრავალძარღვას ფოთოლი

ფარმაკოლოგიური თვისებები
პრეპარატის შემადგენლობაში შემავალ კომპონენტებს გააჩნიათ ანთების საწინააღმდეგო თვისებები. პრეპარატის ანტიმიკრობული თვისებები განპირობებულია მასში შემავალი არბუთინის გლიკოზიდების მოქმედებით, რომელიც არბუტაზას ფერმენტების ზემოქმედებით იშლება თავისუფალ ჰიდროქონონად და გლუკოზად. მეთილარბუტინი ჰიდროლიზის დროს შლის მეთილის ეთერს და აგრეთვე ათავისუფლებს ჰიდროქინონს. პრეპარატის ანტისეპტიკური თვისებები განპირობებულია ჰიდროქინონის ანტიმიკრობული და ადგილობრივად გამაღიზიანებელი მოქმედებით, რომელიც გამოიყოფა შარდით თირკმელების მეშვეობით

ჩვენებები
გამოიყენება თირკმლის მწვავე და ქრონიკული დაავადებების შემთხვევაში, რომლის თანმხლებია შეშუპება, ალბუმინურია, აზოტემია და საშარდე გზების კენჭოვანი დაავადებები. განსაკუთრებით ეფექტურია პროსტატის, ცისტიტის, ურეთრიტის სამკურნალოდ. მკურნალობის მაქსიმალური ეფექტი მიიღწევა ორთვიანი კურსის შემდეგ.

გვერდითი მოვლენები: არ არის დადგენილი.

უკუჩვენება: არ არის დადგენილი.

გამოშვების ფორმა: 50 გრ. გრანული მოთავსებული ქილაში მუყაოს შეფუთვით

გაცემის რეჟიმი: III ჯგუფი (ურეცეპტოდ)

მწარმოებელი: ნატურფარმი, საქართველო

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (მოქმედი ნივთიერება): ოქსიბუტინინი/OXYBUTYNIN

კლინიკურ–ფარმაკოლოგიური ჯგუფი: მ-ქოლინობლოკატორი; მიოტროპული სპაზმოლიტიკი

შემადგენლობა და გამოშვების ფორმა:
ტაბლეტები: შეფუთვაში 100 ც.
1 ტაბ.
ოქსიბუტინინის ჰიდროქლორიდი…….. 5 მგ

ფარმაკოლოგიური მოქმედება:
M–ქოლინობლოკატორი მესამეული ამინების ჯგუფიდან, ზომიერი M–ქოლინომაბლოკირებელი აქტიობის გვერდით ახასიათებს უნარი დაუყოვნებლივ მოახდინოს გავლენა შინაგანო ორგანოების გლუვ მუსკულატურაზე (მიოტროპული სპაზმოლიტური მოქმედება). იცავს სპაზმებისაგან და აქვეითებს შინაგანი ორგანოების გლუვი კუნთების ტონუსს: კუჭ–ნაწლავის ტრაქტის, ნაღვლის გამომყოფი გზების, საშვილოსნოსი, საშარდე გზების, მათ შორის შარდის ბუშტის.
ნეიროგენულ შარდის ბუშტში ოქსიბუტინინი დეტრუზორს ადუნებს, ამცირებს დეტრუზორის სპონტანურ შეკუმშვებს, ზრდის შარდის ბუშტის ტევადობას, ამცირებს შარდვისას ჭინთვების სიხშირეს.

ფარმაკოკინეტიკა:
შიგნით მიღების შემდეგ Cmax მიიღწევა 45წთ–ის შემდეგ, კონცენტრაციის სიდიდე პროპორციულია მიღებული დოზის. T1/2 შეადგენს 2 საათს. ხანდაზმულებში – T1/2 იზრდება.

ჩვენებები:
შარდის შეუკავებლობა, განპირობებული შარდის ბუშტის ფუნქციის ნეიროგენული ხასითის  არასტაბილურობით(დეტრუზორის ჰიპერრეფლექსია, მაგალითად გაფანტული სკლეროზის დროს ან spina bifida) ან იდიოპათიური ბუნებით;
5 წელზე უფროსი ასაკის ბავშვებში ღამის ენურეზი (მონოთერაპიის სახით სხვა სამკურნალო საშუალებებთნ კომბინაციაში).

დოზირება:
მიიღება პერორალურად.
მოზრდილებში – 5 მგ 2–3–ჯერ დღეში.
ხანდაზმულებში მკურნალობის დასწყისში 2.5–3მგ 2–ჯერ დღეში, შემდეგ აუცილებლობისას დოზას თანდათან ზრდიან 5 მგ–მდე 2–ჯერ დღეში.
5 წელზე უფროსი ასაკის ბავშვებში – საწყისი დოზა 2.5–3მგ 2–ჯერ დღეში, აუცილებლობისას დოზას თანდათან ზრდიან  5მგ–მდე 2–3–ჯერ/დღ.
ღამის ენურეზის დროს ბოლო დოზა უშუალოდ ძილის წინ მიიღება.

გვერდითი მოქმედება:
საჭმლის მომნელებელი სისტემის მხრივ: შესაძლებელია პირის სიმშრალე, გულისრევა, ყაბზობა, აბდომინალური დისკომფორტი, დიარეა.
ცნს–ის მხრივ: შესაძლებელია თავის ტკივილი, ძილიანობა, თავბრუსხვევა, მხედველობის სიმახვილის დაქვეითება.
დერმატოლოგიური რეაქციები: შესაძლებელია კანის საფარველის სიმშრალე.
სხვა: შესაძლებელია „ალები“ (ხშირად ბავშვებში), გაძნელებული შარდვა, შარდის შეკავება, არითმია.

უკუჩვენებები:
ოქსიბუტინინის მიმართ მომატებული მგრძნობელობა. ღია და დახურულკუთხოვანი გლაუკომა, კუჭ–ნაწლავის ტრაქტის ობსტრუქცია, ნაწლავის პარალიტური გაუვალობა; ნაწლავის ატონია; მძიმე წყლულოვანი კოლიტი; მიასთენია; ლაქტაცია; 5 წლამდე ბავშვთა ასაკი;

ორსულობა და ლაქტაცია:
ორსულობის დროს პრეპარტის მიღება ხდება მხოლოდ მკაცრი მაჩვენებლებით, როცა დედისათვის მოსალოდნელი სარგებელი სჭარბობს პოტენციალურ რისკს ნაყოფისათვის.
ოქსიბუტინინი უკუნაჩვენებია ლაქტაციის დროს.

განსაკუთრებული მითითებები:
სიფრთხილით მიიღება ხანდაზმულ პაციენტებში, ნეიროცირკულატორული დისტონის, ღვიძლისა და თირკმელების ფუნქციის დარღვევის, თირეოტოქსიკოზის, არითმიის, გულის იშემიური დაავადების, გულის ქრონიკული ნაკოლოვანების, არტერიული ჰიპერტენზიის, წინამდებარე ჯირკვლის კეთილთვისებიანი ჰიპერპლაზიის საწყისი გამოვლინების დროს, არასპეციფიკური წყლულოვანი კოლიტი, პაციენტებში ილეოსტომა, კოლოსტომა, ასევე დიაფრაგმის ხვრელის საყლაპავის თიაქრი მიმდინარე რეფლუქს–ეზოფაგიტით მოითხოვს ყურადღებას პრეპარატის გამოყენებისას.

გავლენა ავტოტრანსპორტისა და მექანიზმების მართვის უნარზე:
მკურნალობის პერიოდში სიფრთხილეა საჭირო ავტომანქანის მართვისა და სხვა პოტენციურად საშიში სამუშაობის შესრულებისას.

სხვა წამლებთან ურთიერთქმედება:
ანტოქოლინერგული მოქმედების სხვა წამლებთან ერთდროული მიღებისას შესაძლებელია  ოქსიბუტინინის მოქმედების გაძლიერება. იტრაკონაზოლთან მიღებისას მატულობს ოქსიბუტინინის კონცენტრაცია პლაზმაში. ეთანოლი და სედატიური სამკურნალო საშუალებები აძლიერებენ თავბრუსხვევას და ძილიანობას.

მწარმოებელი: KOCAK ILAC

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

საერთაშორისო დასახელება (მოქმედი ნივთიერება): პიპემიდინის მჟავა/PIPEMIDIC ACID

კლინიკურ–ფარმაკოლოგიური ჯგუფი: ანტიმიკრობული საშუალება; ქინოლონი

შემადგენლობა და გამოშვების ფორმა:
კაფსულები: შეფუთვაში 20 ც.
1 ტაბ.
პიპემიდინის მჟავა…………. 400 მგ

მწარმოებელი: ITALFARMACO

გაფრთხილება