ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კლოპიდოგრელი/clopidogrel

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი: ანტიაგრეგანტები

შემადგენლობა
თითოეული ტაბლეტი შეიცავს 75 მგ კლოპიდოგრელს (ჰიდროსულფატის სახით).
სხვა კომპონენტები: ტაბლეტის ბირთვი შეიცავს სილიკატურ მიკროკრისტალურ ცელულოზას (მიკროკრისტალური ცელულოზა კაჟბადის კოლოიდური დიოქსიდით), დაბალჩანაცვლებულ ჰიდროქსიპროპილცელულოზას და ჰიდროგენიზებულ აბუსალათინის ზეთს; გარსი შეიცავს: ოპადრი Y-1-7000 თეთრი (ჰიპრომელოზა E 464, ტიტანის დიოქსიდი E 171, მაკროგოლი 400).
როგორ გამოიყურება ლოდიგრელი და რა შედის შეფუთვის შემადგენლობაში
პრეპარატი ლოდიგრელი 75 მგ შემოგარსული ტაბლეტები არის თეთრი ან თითქმის თეთრი, მრგვალი, ორივე მხრიდან ამობურცული, ერთ მხარეზე E 181 გრავირებით. 2×7 ან 4×7 შემოგარსული ტაბლეტის შემცველი ოპა/ალ/პვდქ//ალ ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

ჩვენებები
ლოდიგრელი მიეკუთვნება ე.წ. თრომბოზის საწინააღმდეგო სამკურნალო საშუალებების ჯგუფს. თრომბოციტები – არიან ერითროციტებზე და ლეიკოციტებზე მცირე ზომის სისხლის უჯრედები, რომლებიც ეწებებიან ერთმანეთს სისხლის შედედების დროს. ასეთი შეწებების დათრგუნვით, თრომბოზის საწინააღმდეგო სამკურნალო პრეპარატები ამცირებენ სისხლის შედედების ალბათობას (ამ პროცესს ეწოდება თრომბოზი).
ლოდიგრელი გამოიყენება სისხლძარღვებში (არტერიებში) სისხლის შედედების თავიდან აცილების მიზნით (თრომბების წარმოშობა) ათეროთრომბოზის პროცესში, რომელიც იწვევს ათეროთრომბოლიზურ დარღვევებს (მაგალითად, ინსულტი, ინფარქტი ან სიკვდილი).

ლოდიგრელი ინიშნება თრომბების ფორმირებისა და მძიმე გართულებების განვითარების საშიშროების თავიდან აცილების მიზნით, რაც შეიძლება განვითარდეს შემდეგი მიზეზის გამო:
-თქვენი არტერიების მომატებული სიმკვრივის შემთხვევაში (ე.წ. ათეროსკლეროზი) და -თქვენ გადატანილი გაქვთ გულის შეტევა ან ინსულტი, ან თქვენ გაწუხებთ პერიფერიული არტერიების დაავადება, ან
-თქვენ გაწუხებდათ მკერდის არეში არსებული ტკივილით მიმდინარე მძიმე მდგომარეობა, ე.წ. არასტაბილური სტენოკარდია ან მიოკარდიუმის ინფარქტი (გულის შეტევა). ამ მდგომარეობის სამკურნალოდ, სისხლის მიმოქცევის აღდგენის მიზნით, ექიმმა შეიძლება შეიყვანოს სტენტი გადაკეტილ ან შევიწროებულ არტერიაში. ასევე, თქვენ შეიძლება დაგენიშნოთ აცეტილსალიცილის მჟავა (ნივთიერება, რომელიც ტკივილის შესუსტების, სხეულის ტემპერატურის შემცირების და სისხლის შედედების თავიდან აცილების მიზნით გამოიყენება ბევრ სამკურნალო საშუალებაში).

მიღების წესები და დოზები
ყოველთვის გამოიყენეთ ლოდიგრელი ექიმის მკაცრი დანიშნულების შესაბამისად. თუ თქვენ არ ხართ რამეში დარწმუნებული, აუცილებლად მიმართეთ რჩევისათვის ექიმს ან ფარმაცევტს.
თუ თქვენ გაწუხებდათ ძლიერი ტკივილი მკერდის არეში (არასტაბილური სტენოკარდია ან გულის შეტევა), მკურნალობის კურსის დასაწყისში ექიმმა შეიძლება დაგინიშნოთ 300 მგ პრეპარატი ლოდიგრელი (75 მგ-იანი 4 ტაბლეტი) ერთჯერადად. შემდეგ თქვენ მიიღებთ ჩვეულებრივ დოზას – დღეში ერთი ტაბლეტი 75 მგ საკვების მიღებისაგან დამოუკიდებლად, ყოველ დღე ერთი და იგივე დროს.
ლოდიგრელი გამოიყენება ექიმის მიერ დანიშნული დროის განმავლობაში

გვერდითი მოვლენები
ისევე, როგორც სხვა სამკურნალო პრეპარატმა, ლოდიგრელმა შეიძლება გამოიწვიოს გვერდითი ეფექტების განვითარება, თუმცა ისინი არ ვლინდებიან ყველა პაციენტში.
ქვემოთ ჩამოთვლილი სიმპტომების განვითარებისას დაუყოვნებლივ მიმართეთ ექიმს:
– ცხელება, ინფექციის ან უჩვეულო გადაღლის ნიშნები, რაც შეიძლება იყოს სისხლის ზოგიერთი უჯრედის რაოდენობის იშვიათი შემცირების შედეგი;
– ღვიძლის ფუნქციის დარღვევის ნიშნები, მაგალითად, კანქვეშა სისხლჩაქცევებით (წვრილი წითელი წერტილების სახით) და/ან დაბინდული გონებით მიმდინარე ან მათ გარეშე მიმდინარე კანის და/ან სკლერის გაყვითლება (სიყვითლე) (იხ. ნაწ.,,პრეპარატი ლოდიგრელის გამოყენება მოითხოვს განსაკუთრებულ სიფრთხილეს’’).
– პირის ლორწოვანი გარსის შეშუპება, ცვლილებები კანის მხრიდან, მაგალითად, გამონაყარი და ქავილი, ბუშტუკების განვითარება კანზე; ეს ასევე შეიძლება იყოს ალერგიული რეაქციის ნიშნები.
პრეპარატი ლოდიგრელის გამოყენებისას განვითარებული ყველაზე ხშირი გვერდითი ეფექტი არის სისხლდენა (ვლინდება 100-დან 1-10 პაციენტში). სისხლდენა შეიძლება გამოვლინდეს კუჭიდან ან კუჭ-ნაწლავიდან სისხლდენის სახით, სილურჯეების განვითარებით, ჰემატომით (ჩვეულებრივ სისხლჩაქცევა ან კანქვეშა სილურჯე), სისხლდენა ცხვირიდან, შარდში სისხლის გაჩენით. იშვიათ შემთხვევაში აღწერილია სისხლჩაქცევა თვალში, ქალაშიდა სისხლჩაქცევა, სისხლდენა ფილტვში ან სახსრების მიმდებარე არეში.
თუ პრეპარატი ლოდიგრელის გამოყენებისას წარმოგექმნათ ხანგრძლივი სისხლდენა ჭრილობის ან დაზიანების არსებობისას სისხლის შესაჩერებლად საჭიროა უფრო ხანგრძლივი დრო, ვიდრე ჩვეულებრივ. ეს დაკავშირებულია თქვენს მიერ გამოყენებული პრეპარატის მოქმედების მექანიზმთან, რომელიც ხელს უშლის სისხლის შედედებას. ჩვეულებრივ, უმნიშვნელო ჭრილობის ან დაზიანების დროს, მაგალითად, პარსვის დროს, ეს არ წარმოადგენს საშიშროებას. თუმცა, თუ თქვენ გაღელვებთ სისხლდენა, დაუყოვნებლივ მიმართეთ ექიმს (იხ ნაწ.,,პრეპარატი ლოდიგრელის გამოყენება მოითხოვს განსაკუთრებულ სიფრთხილეს’’).
პრეპარატი ლოდიგრელის გამოყენებისას განვითარებული სხვა გვერდითი ეფექტები ჩამოთვლილია ქვემოთ.
ხშირად განვითარებული გვერდითი ეფექტები (ვლინდება 100-დან 1-10 პაციენტში): დიარეა, მუცლის ტკივილი, მოუნელებლობა, გულძმარვა.
არახშირად განვითარებული გვერდითი ეფექტები (ვლინდება 1000-დან 1-10 პაციენტში): თავის ტკივილი, კუჭის წყლული, ღებინება, გულისრევა, ყაბზობა, კუჭში და კუჭ-ნაწლავის ტრაქტში გაზების დაგროვება, გამონაყარი, ქავილი, თავბრუსხვევა, შეხების გრძნობის შეცვლა.
იშვიათად განვითარებული გვერდითი ეფექტები (ვლინდება 10000-დან 1-10 პაციენტში): სისტემური თავბრუსხვევა.
ძალიან იშვიათად განვითარებული გვერდითი ეფექტები (ვლინდება 10 000-დან 1-ზე ნაკლებ პაციენტში): სიყვითლე, ზურგის ტკივილით ან მის გარეშე მიმდინარე მუცლის ძლიერი ტკივილი, ცხელება, ზოგჯერ, ხველებით მიმდინარე სუნთქვის გართულება, ზოგადი ალერგიული რეაქციები, პირის ლორწოვანი გარსის შეშუპება, კანზე ბუშტების განვითარება, ალერგია კანის მხრიდან, პირის ლორწოვანი გარსის ანთება (სტომატიტი), არტერიული წნევის დაწევა, არეული გონება, ჰალუცინაციები, სახსრების ტკივილი, კუნთების ტკივილი, გემოვნების შეგრძნების დარღვევა.
გარდა ამისა, ანალიზების შედეგების მიხედვით, ექიმმა შეიძლება გამოავლინოს ცვლილებები სისხლში და შარდში.
მძიმე გვერდითი ეფექტების ან ისეთი ეფექტების განვითარების შემთხვევაში, რომლებიც არ არის აღწერილი მოცემულ ინსტრუქციაში, გთხოვთ, მიმართოთ ექიმს ან ფარმაცევტს.

უკუჩვენება
არ გამოიყენოთ ლოდიგრელი შემდეგ შემთხვევებში:
-თუ თქვენ გაქვთ ჰიპერმგრძნობელობა (ალერგია) კლოპიდოგრელის ან პრეპარატი ლოდიგრელის ნებისმიერი სხვა კომპონენტის მიმართ;
-თუ თქვენ გაწუხებთ დაავადება, რომელიც ამჟამად იწვევს სისხლდენას, მაგალითად, კუჭის წყლული ან სისხლჩაქცევა თავის ტვინში;
-თუ თქვენ გაწუხებთ ღვიძლის მძიმე დაავადება.
თუ თქვენ ფიქრობთ, რომ გაწუხებთ რომელიმე ეს მდგომარეობა, ასევე სხვა ნებისმიერი ეჭვის არსებობის შემთხვევაში, პრეპარატი ლოდიგრელის გამოყენებამდე მიიღეთ ექიმის რჩევა.
პრეპარატი ლოდიგრელის გამოყენება მოითხოვს განსაკუთრებულ სიფრთხილეს
პრეპარატი ლოდიგრელის გამოყენებამდე შეატყობინეთ ექიმს, თუ თქვენ გაწუხებთ ნებისმიერი ქვემოთ ჩამოთვლილი მდგომარეობა:
-თუ თქვენ მომატებული გაქვთ სისხლდენის განვითარების საშიშროება. მაგალითად:
-გაწუხებთ დაავადება, რომელსაც თან ახლავს შინაგანი სისხლდენის განვითარების საშიშროება (მაგალითად, კუჭის წყლული);
-სისხლის ცვლილება, რომლის დროსაც შესაძლებელია განვითარდეს შინაგანი სისხლდენა (სისხლდენა ორგანიზმის ნებისმიერ ქსოვილში, ორგანოში ან სახსარში);
-ახლო წარსულში გადატანილი მძიმე ტრავმა;
-ახლო წარსულში გადატანილი ოპერაცია (მათ შორის სტომატოლოგიური);
-მომდევნო შვიდი დღის განმავლობაში დაგეგმილი ოპერაცია (მათ შორის სტომატოლოგიური);
– თუ უკანასკნელი შვიდი დღის განმავლობაში თქვენ გქონდათ თავის ტვინის არტერიების თრომბოზი (იშემიური ინსულტი);
-თქვე იყენებთ სხვა ტიპის სამკურნალო პრეპარატს (იხ. ნაწილი,,სხვა სამკურნალო საშუალებების გამოყენება’’);
-თქვენ გაწუხებთ ღვიძლის ან თირკმელების დაავადება.
პრეპარატი ლოდიგრელის გამოყენებისას
-შეატყობინეთ ექიმს, თუ თქვენ დაგეგმილი გაქვთ ქირურგიული ოპერაცია (მათ შორის სტომატოლოგიური).
-ცხელებით და წვრილი წითელი წერტილების ფორმის მქონე კანქვეშა სისხლჩაქცევით, თვალების ან კანის სიყვითლით, გონების დაბინდვით, გადაღლით თანმხლები ან მათ გარეშე მიმდინარე ნებისმიერი მდგომარეობის განვითარებისას მიმართეთ ექიმს.
-ჭრილობის ან დაზიანების შემთხვევაში სისხლის შესაჩერებლად საჭიროა უფრო ხანგრძლივი დრო, ვიდრე ჩვეულებრივ. ეს დაკავშირებულია თქვენს მიერ გამოყენებული პრეპარატის მოქმედების მექანიზმთან, რომელიც ხელს უშლის სისხლის შედედებას. ჩვეულებრივ, უმნიშვნელო ჭრილობის ან დაზიანების შემთხვევაში, მაგალითად, პარსვის დროს, ეს არ წარმოადგენს საშიშროებას. თუმცა, თუ სისხლდენა გაღელვებთ, დაუყოვნებლივ მიმართეთ ექიმს (იხ ნაწ.,,შესაძლო გვერდითი მოქმედება’’).
-ექიმმა შეიძლება დაგინიშნოთ სისხლის ანალიზის ჩატარება.
-ნებისმიერი გვერდითი ეფექტის განვითარების შემთხვევაში, რომელიც არ არის აღწერილი მოცემული ინსტრუქციის,,შესაძლო გვერდითი ეფექტები’’-ს ნაწილში, ან გვერდითი ეფექტის დამძიმებისას მიმართოთ ექიმს ან ფარმაცევტს.
ლოდიგრელის გამოყენება არ არის რეკომენდებული ბავშვებში და მოზარდებში

ორსულობა და ლაქტაცია
არ არის მიზანშეწონილი ლოდიგრელის გამოყენება ორსულობისა და ლაქტაციის პერიოდში.
თუ თქვენ ხართ ორსულად ან გაქვთ ეჭვი, რომ ხართ ორსულად, პრეპარატი ლოდიგრელის გამოყენებამდე საჭიროა ექიმის ან ფარმაცევტის ინფორმირება. თუ თქვენ დაორსულდით პრეპარატი ლოდიგრელის გამოყენების დროს, დაუყოვნებლივ მიმართეთ ექიმს, ვინაიდან არ არის რეკომენდებული კლოპიდოგრელის გამოყენება ორსულობის დროს.
პრეპარატი ლოდიგრელის გამოყენების დროს ბავშვის ბუნებრივ კვებასთან დაკავშირებით არსებული საკითხი განიხილეთ ექიმთან.
ნებისმიერი სამკურნალო საშუალების გამოყენებამდე მიიღეთ ექიმის ან ფარმაცევტის რჩევა.

განსაკუთრებული მითითებები
მნიშნველოვანი ინფორმაცია პრეპარატი ლოდიგრელის ზოგიერთ კომპონენტზე
ლოდიგრელი შეიცავს ჰიდროგენიზებულ აბუსალათინის ზეთს, რომელმაც შეიძლება გამოიწვიოს აშლილობები კუჭის მხრიდან ან დიარეა.

ჭარბი დოზირება
თუ თქვენ მიიღეთ პრეპარატი ლოდიგრელი ჭარბად
სისხლდენის მომატებული საშიშროების გამო დაუყოვნებლივ მიმართეთ ექიმს ან უახლოეს გადაუდებელ სასწრაფო დახმარების განყოფილებას.
თუ თქვენ დაგავიწყდათ ლოდიგრელის მიღება
თუ პრეპარატის მიღება გაგახსენდათ პრეპარატი ლოდიგრელის დოზის ჩვეულებრივი მიღების დროიდან 12 საათის განმავლობაში, დაუყოვნებლივ მიიღეთ ტაბლეტი. ხოლო შემდეგი დოზა მიიღეთ ჩვეულებრივ დროს.
თუ თქვენ გამოტოვეთ 12 საათზე მეტი დრო, დოზის კომპენსაციის მიზნით არ მიიღოთ ორმაგი დოზა. გააგრძელეთ პრეპარატის გამოყენება ექიმის დანიშნულების მიხედვით.
თუ თქვენ შეწყვიტეთ პრეპარატი ლოდიგრელის გამოყენება
დაუშვებელია პრეპარატის გამოყენების შეწყვეტა. პრეპარატის გამოყენების შეწყვეტამდე მიიღეთ ექიმის ან ფარმაცევტის რჩევა.
პრეპარატის გამოყენებასთან დაკავშირებით არსებული დამატებითი კითხვების არსებობისას, მიმართეთ ექიმს ან ფარმაცევტს.

სხვა წამლებთან ურთიერთქმედება
სხვა სამკურნალო საშუალებამ შეიძლება იმოქმედოს პრეპარატი ლოდიგრელის გამოყენებაზე, ხოლო ლოდიგრელმა ასევე შეიძლება იმოქმედოს სხვა სამკურნალო საშუალების გამოყენებაზე.
თუ თქვენ იყენებთ ან იყენებდით ნებისმიერ სამკურნალო საშუალებას, მათ შორის, ურეცეპტოდ გაცემულს, შეატყობინეთ ამის შესახებ ექიმს ან ფარმაცევტს.
არ არის რეკომენდებული პრეპარატი ლოდიგრელის და ანტიკოაგულანტების (პრეპარატები, რომლებიც ამცირებენ სისხლის შედედებას) ერთდროული შიგნით გამოყენება.
ძირითადად, თქვენ უნდა შეატყობინოთ ექიმს, თუ იყენებთ ჰეპარინს ან სხვა სისხლის შედედების საწინააღმდეგო საშუალებას, არასტეროიდული ანთების საწინააღმდეგო საშუალებას, რომელიც ჩვეულებრივ გამოიყენება კუნთების ან სახსრების მტკივნეული და/ან ანთებითი პროცესების სამკურნალოდ.
თუ თქვენ გაწუხებდათ ძლიერი ტკივილი მკერდში (არასტაბილური სტენოკარდია ან გულის შეტევა), შესაძლოა ექიმმა დაგინიშნოთ ლოდიგრელისა და აცეტილსალიცილის მჟავას კომბინაცია; ეს უკანასკნელი შედის ბევრ ტკივილგამაყუჩებელ და სიცხისდამწევ სამკურნალო საშუალების შემადგენლობაში. ჩვეულებრივ, აცეტილსალიცილის მჟავის ერთჯერადი გამოყენება (არა უმეტეს 1000 მგ-ისა ნებისმიერი 24 საათიანი პერიოდის განმავლობაში) არ იწვევს დარღვევებს, მაგრამ, სხვა შემთხვევაში, არ არის რეკომენდებული მისი ხანგრძლივი გამოყენება ექიმის კონსულტაციის გარეშე.
ტაბლეტები ლოდიგრელის გამოყენება საკვებთან და ალკოჰოლურ სასმელებთან ერთად
საკვების მიღება არ მოქმედებს პრეპარატზე. დასაშვებია ლოდიგრელის გამოყენება საკვებისაგან დამოუკიდებლად.
სატრანსპორტო საშუალებების და მექანიზმების მართვა
ლოდიგრელმა არ უნდა იმოქმედოს სატრანსპორტო საშუალებებისა და მექანიზმების მართვის უნარზე.

შენახვის პირობები და ვადები
პრეპარატი ინახება ბავშვებისათვის მიუწვდომელ ადგილას.
მოცემული სამკურნალო პრეპარატი არ მოითხოვს შენახვის სპეციალური პირობების დაცვას.
ვარგისიანობის ვადა 3 წელი. ლოდიგრელი არ გამოიყენება შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადის დასრულების თარიღი არის მითითებული თვის ბოლო დღე.
არ გადაყაროთ სამკურნალო საშუალება საყოფაცხოვრებო ნარჩენებში ან გამდინარე წყალში. თუ საჭიროა პრეპარატის, რომელიც აღარ არის საჭირო, ნარჩენებში მოთავსება, მიიღეთ ფარმაცევტის რჩევა. ასეთი სახის ზომები ხელს შეუშლიან გარემოს დაბინძურებას.

მწარმოებელი კომპანია და ქვეყანა:: სს ფარმაცევტული ქარხანა ეგისი,  უნგრეთი
გამოშვების ფორმა: 75მგ გარსით დაფარული ტაბლეტი #14 და # 28
გაცემის რეჟიმი: II ჯგუფი (გაიცემა ფორმა N3 რეცეპტით)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): მელოქსიკამი/meloxicam

აფთიაქები, ფასები, ფასდაკლებები ..

კლინიკურ-ფარმაკოლოგიური ჯგუფი: არასტეროიდული ანთების საწინააღმდეგო საშუალება

პრეპარატის ათქ კოდი: M01AC06

ქიმიური დასახელება
4-ჰიდროქსი-2-მეთილ-N-(5-მეთილ-2-თიაზოლილ)-2-H-1,2-ბენზოთიაზინი-3-კარბოქსიამიდი-1,1-დიოქსიდი

წამლის ფორმა
რექტალური სუპოზიტორიები.

აღწერილობა:
მკრთალი ყვითელი ფერის სუპოზიტორიები, ტორპედოსმაგვარი ფორმით და გლუვი ზედაპირით.

შემადგენლობა
ერთი სუპოზიტორია შეიცავს
აქტიური ნივთიერება: მელოქსიკამი 15,0 მგ
დამხმარე ნივთიერებები: მაკროგლიცერინის ჰიდროქსისტეარატი (კრემოფორი RH40), მყარი ცხიმი (სუპოცირი AM).

ფარმაკოლოგიური თვისებები
ფარმაკოდინამიკა
მელოქსიკამი წარმოადგენს ენოლის მჟავას წარმოებულს და მიეკუთვნება  არასტეროიდული ანთების საწინააღმდეგო საშუალებათა ჯგუფს, ახდენს გამოხატულ ანთების საწინააღმდეგო, ანალგეზიურ და სიცხის დამწევ მოქმედებას. გამოხატული ანთების საწინააღმდეგო მოქმედება დადგენილია ანთების ყველა სტანდარტულ მოდელზე. მოქმედების მექანიზმი განპირობებულია პროსტაგლანდინების _ ანთების მედიატორების  ბიოსინთეზის დათრგუნვით ცოგ-2-ის სელექტიური ინჰიბირების ხარჯზე.

ფარმაკოკინეტიკა
აბსორბცია: აბსორბციის პარამეტრები მსგავსია პრეპარატის პერორალურ ფორმებთან. მაქსიმალური პლაზმური კონცენტრაციები აღინიშნება ლოქსიდოლის სუპოზიტორიების გამოყენებიდან 5-6 საათის შემდეგ.
გადანაწილება: მელოქსიკამი კარგად უკავშირდება პლაზმის ცილებს, განსაკუთრებით ალბუმინს (99%). აღწევს სინოვიალურ სითხეში, სადაც მისი კონცენტრაცია პლაზმური კონცენტრაციის 50%-ს შეადგენს. გადანაწილების მოცულობა დაბალია, საშუალოდ 11 ლიტრი.
მეტაბოლიზმი: მელოქსიკამი თითქმის მთლიანად მეტაბოლიზდება ღვიძლში 4 ფარმაკოლოგიურად არააქტიური მეტაბოლიტის წარმოქმნით. ძირითადი მეტაბოლიტი 5’-კარბოქსიმელოქსიკამია (დოზის დაახლოებით 60%), მიიღება შუალედური მეტაბოლიტის, 5’-ჰიდროქსიმეთილმელოქსიკამის, დაჟანგვით, რომელიც ასევე ექსკრეტირდება, თუმცაღა უფრო ნაკლები რაოდენობით (დოზის 9%).
გამოყოფა: მელოქსიკამი ფეკალურ მასებთან და შარდთან ერთად თანაბარი რაოდენობით გამოიყოფა, ძირითადად მეტაბოლიტების სახით. უცვლელი სახით ფეკალურ მასებთან ერთად სადღეღამისო დოზის 5%-ზე ნაკლები გამოიყოფა, ხოლო შარდში პრეპარატი უცვლელი სახით მხოლოდ კვალის სახით შეიმჩნევა.
მელოქსიკამის ნახევარგამოყოფის პერიოდი საშუალოდ 20 საათია. პლაზმის კლირენსი შეადგენს 8 მლ/წთ.
ხანდაზმულ პაციენტებში პლაზმური კლირენსის მაჩვენებელი შედარებით დაბალია.
ფარმაკოკინეტიკური მაჩვენებლები თითქმის არ იცვლება ღვიძლის\თირკმლის უკმარისობის დროს.

გამოყენების ჩვენებები
ტკივილის სინდრომის სიმპტომური მკურნალობა ოსტეოართრიტის (ართროზი, სახსრების დეგენერაციული დაავადებები), რევმატოიდული ართრიტის, მაანკილოზებელი სპონდილიტის დროს.

უკუჩვენებები
_ 15 წლამდე ასაკი;
_ ორსულობის მესამე ტრიმესტრი და ლაქტაციის პერიოდი;
_ კუჭისა და თორმეტგოჯა ნაწლავის წყლულოვანი დაავადება გამწვავების ფაზაში;
_ ღვიძლის უკმარისობის მძიმე ფორმა;
_ თირკმლის უკმარისობის მძიმე ფორმა (თუ ჰემოდიალიზი არ ტარდება);
_ სისხლდენა კუჭ-ნაწლავის ტრაქტიდან, სისხლჩაქცევა ტვინში ან ნებისმიერი სხვა სახის სისხლდენა;
_ ანამნეზში პროქტიტი ან რექტალური სისსხლდენა.
ლოქსიდოლი არ უნდა დაენიშნოს პაციენტებს, რომელთაც მომატებული მგრძნობელობა აქვთ მელოქსიკამის ან პრეპარატში შემავალი ნებისმიერი სხვა კომპონენტის მიმართ. არსებობს აცეტილსალიცილის მჟავასთან და სხვა აასს-ებთან (არასტეროიდული ანთების საწინააღმდეგო საშუალებები) ჯვარედინი მგრძნობელობის განვითარების შესაძლებლობა. ასევე, პრეპარატის დანიშვნა არ არის რეკომენდებული იმ პაციენტთათვის, რომელთაც ასთმის, ნაზალური პოლიპოზის, ანგიონევროზული შეშუპების ან ჭინჭრის ციების სიმპტომები (დაკავშრებული აცეტილსალიცილის მჟავას ან სხვა აასს-ების მიღებასთან) აღენიშნებათ.

განსაკუთრებული მითითებები
ლოქსიდოლის, ისევე როგორც სხვა აასს-ების, მიღება საჭიროებს მკაცრ მეთვალყურეობას პაციენტებზე კუჭ-ნაწლავის ტრაქტის დაავადებებით ანამნეზში, აგრეთვე, პაციენტებზე, რომლებიც იღებენ ანტიკოაგულანტებს.
აასს-ები აინჰიბირებენ თირკმლის პროსტაგლანდინების სინთეზს, რომლებიც აუცილებელია თირკმელში სისხლის მიმოქცევის შესანარჩუნებლად. პაციენტებში, რომელთაც თირკმელში სისხლის მიმოქცევა დაქვეითებული აქვთ, აასს-ების მიღებამ შეიძლება გამოიწვიოს თირკმლის უკმარისობა, რომელიც პრეპარატის მოხსნის შემდეგ ქრება. პაციენტებს თირკმელების ფუნქციის უმნიშვნელო ან ზომიერად გამოხატული დარღვევით შესაძლებელია პრეპარატის დოზა არ შეუმცირდეთ, თუმცა აუცილებელია თირკმელების ფუნქციის მუდმივი კონტროლი.
იშვიათ შემთხვევებში აასს-ებმა შეიძლება გამოიწვიონ ინტერსტიციული ნეფრიტის, გლომერულონეფრიტის, რენალური მედულარული ნეკროზის ან ნეფროზული სინდრომის განვითარება. ასეთი გართულებებისადმი მიდრეკილნი არიან პაციენტები თირკმლის ქრონიკული უკმარისობით, გადატანილი ქირურგიული ოპერაციებით (რომელთაც გამოიწვიეს ჰიპოვოლემია), ასევე პაციენტები ღვიძლის ციროზით. ასეთ შემთხვევაში მკურნალობის დასაწყისშივე აუცილებელია დიურეზის და თირკმელების ფუნქციის კონტროლი.
აასს-ებმა დიურეზულ საშუალებებთან კომბინაციაში შეიძლება გააძლიერონ ნატრიუმის, კალიუმისა და წყლის შეკავება ორგანიზმში და იქონიონ გავლენა შარდმდენი საშუალებების ნატრიურეზულ ეფექტზე, რის შედეგადაც წინასწარგანწყობის მქონე პაციენტებს შესაძლოა გაუძლიერდეთ გულის უკმარისობის ან ჰიპერტენზიის სიმპტომები.
პრეპარატი სიფრთხილით ინიშნება დაუძლურებულ პაციენტებში, ხანდაზმულებში, გულის უკმარისობით დაავადებულებში.
მელოქსიკამმა, ისევე როგორც ნებისმიერმა აასს-მ, შეიძლება შენიღბოს ძირითადი ინფექციური დაავადების სიმპტომები.
მელოქსიკამმა, ისევე როგორც სხვა სამკურნალო საშუალებებმა, რომლებიც აინჰიბირებენ ცოგ/პროსტაგლანდინების სინთეზს, შეიძლება ხელი შეუშალოს განაყოფიერებას, ამიტომაც რეკომენდებული არ არის მისი გამოყენება მათთვის, ვინც დაორსულებას გეგმავს.

გვერდითი მოქმედება
საჭმლის მომნელებელი სისტემის მხრივ: საჭმლის მონელების დარღვევები, გულისრევა, ღებინება, ტკივილი მუცლის არეში, ყაბზობა, მეტეორიზმი, დიარეა. იშვიათად: კუჭ-ნაწლავის ტრაქტის წყლულოვანი დაზიანება, ფარული ან მაკროსკოპულად ხილული სისხლდენა კუჭ-ნაწლავის ტრაქტიდან, განსაკუთრებით ხანდაზმულ პაციენტებში.
სისხლმბადი სისტემის მხრივ: ანემია, ლეიკოპენია, თრომბოციტოპენია, აგრანულოციტოზი, განსაკუთრებით მეტოტრექსატით ერთდროული მკურნალობისას.
კანის საფარველის მხრივ: ქავილი, გამონაყარი; იშვიათად: ფოტოსენსიბილიზაცია, ჭინჭრის ციება, სტივენს-ჯონსონის სონდრომი და ტოქსიური ეპიდერმული ნეკროლიზი, ანგიონევროზული შეშუპება, მრავალფორმიანი ერითემის ტიპის ბუშტუკოვანი დერმატიტი.
იმუნური სისტემის მხრივ: ანაფილაქსიური/ანაფილაქტოიდური რეაქციები.
სასუნთქი სისტემის მხრივ: მელოქსიკამმა შეიძლება გამოიწვიოს ასთმის შეტევა, განსაკუთრებით მათში, ვისაც აღენიშნება ალერგია ასპირინის ან სხვა აასს-ის მიმართ.
ნერვული სისტემის მხრივ: თრობის შეგრძნება, თავის ტკივილი, თავბუსხვევა, ხმაური ყურებში, ძილიანობა, ცნობიერების მოშლა.
გულ-სისხლძარღვთა სისტემის მხრივ: შეშუპება; არტერიული წნევის მომატება, გულისცემის შეგრძნება, სახის არეში სისხლის ოწოლის შეგრძნება.
შარდგამომყოფი სისტემის მხრივ: თირკმელების ფუნქციის მაჩვენებლების შეცვლა (კრეატინინის და/ან შარდოვანას მაღალი შემცველობა სისხლში).
ღვიძლისა და ნაღველგამომყოფი სისტემის მხრივ: ღვიძლის ფუნქციური მაჩვენებლების გარდამავალი ცვლილება (მათ შორის, ტრანსამინაზების ან ბილირუბინის დონის დროებითი მატება).

მიღების წესი და დოზირება
სუპოზიტორიები განკუთვნილია რექტალური გამოყენებისათვის.
გამოიყენება ლოქსიდოლის თითო სუპოზიტორია დღეში (15 მგ მელოქსიკამი დღეში). ვინაიდან, გვერდითი მოვლენების განვითარების რისკი დამოკიდებულია მიღებულ დოზასა და გამოყენების ხანგრძლივობაზე, სუპოზიტორიები უნდა გამოვიყენოთ რაც შეიძლება ხანმოკლე დროის განმავლობაში.

ჭარბი დოზირება
დღესდღეობით არ არსებობს მონაცემები ლოქსიდოლის ჭარბი დოზირების სპეციფიური სიმპტომების შესახებ. ასეთ შემთხვევაში უნდა ჩატარდეს ზოგადი სიმპტომური მკურნალობა. ანტიდოტი არ არსებობს.

ურთიერთქმედება სხვა სამკურნალო საშუალებებთან
სხვა არასტეროიდული ანთების საწინააღმდეგო საშუალებები, მათ შორის, სალიცილატები (აცეტილსალიცილის მჟავა): ერთზე მეტი აასს-ის ერთდროული მიღება ზრდის კუჭ-ნაწლავის ტრაქტის წყლულების და სისხლდენების განვითარების რისკს სინერგიული მოქმედების შედეგად.  მელოქსიკამის სხვა აასს-ებთან ერთად მიღება არ არის რეკომენდებული.
ანტიკოაგულანტები, ანტიაგრეგანტები, ჰეპარინი სისტემური გამოყენებისათვის, თრომბოლიზური საშუალებები: ზრდიან სისხლდენის განვითარების რისკს. ამ პრეპარატების ერთდროული მიღების აუცილებლობის შემთხვევაში, საჭიროა მოხდეს ანტიკოაგულანტების ეფექტზე დაკვირვება.
ლითიუმი: აასს-ები ზრდიან ლითიუმის კონცენტრაციას სისხლის პლაზმაში, თირკმლისმიერი ექსკრეციის შემცირების გამო. ლითიუმისა და აასს-ების ერთდროული გამოყენება რეკომენდებული არ არის. ასეთი კომბინირებული თერაპიის შემთხვევაში, აუცილებელია ლითიუმის კონცენტრაციის კონტროლი პლაზმაში მკურნალობის დასაწყისში, მელოქსიკამის დოზის შერჩევისას და მოხსნისას.
ციკლოსპორინი: მოქმედებენ რა თირკმელების პროსტაგლანდინებზე, აასს-ებს შეუძლიათ გააძლიერონ ციკლოსპორინის ნეფროტოქსიური ეფექტი. კომბინირებული თერაპიის შემთხვევაში მიზანშეწონილია თირკმელების ფუნქციის კონტროლი.
საშვილოსნოსშიდა კონტრაცეპტივები: აასს-ები აქვეითებენ საშვილოსნოსშიდა კონტრაცეპტივების ეფექტურობას.
დიურეტიკები: დეჰიდრატაციის მქონე პაციენტებში აასს-ების და დიურეტიკების ერთდროული მიღება ამაღლებს თირკმლის მწვავე უკმარისობის განვითარების რისკს. ასეთი კომბინირებული თერაპიის შემთხვევაში, პაციენტებმა უნდა მიიღონ საკმარისი რაოდენობით სითხე. მკურნალობის დაწყებამდე საჭიროა თირკმლის ფუნქციის გამოკვლევა.
ანტიჰიპერტენზიული პრეპარატები (მაგ., ბეტა-ადრენობლოკატორები, ანგიოტენზინ-გარდამქმნელი ფერმენტის ინჰიბიტორები, ვაზოდილატატორები, დიურეტიკები): აასს-ები ამცირებენ ანტიჰიპერტენზიული საშუალებების ეფექტს, პროსტაგლანდინების ინჰიბირების გამო, რომელთაც ვაზოდილატაციური მოქმედება აქვთ.
ქოლესტირამინი: ზრდის მელოქსიკამის გამოყოფას, კუჭ-ნაწლავის ტრაქტში მისი შეკავშირების შედეგად.

გამოყენება პედიატრიაში
პრეპარატი არ გამოიყენება პედიატრიულ პრაქტიკაში.

გამოყენება ორსულობისა და ლაქტაციის დროს
ორსულობის პირველ და მეორე ტრიმესტრში ლოქსიდოლი გამოიყენება მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის.
ორსულობის მესამე ტრიმესტრში და ლაქტაციისას პრეპარატის მიღება უკუნაჩვენებია.

ავტომობილისა და სხვა მექანიზმების მართვის უნარზე ზემოქმედება
ავტომობილებისა და სხვა მექანიზმების მართვისაგან თავი უნდა შეიკავონ პაციენტებმა, რომელთაც აღენიშნებათ რაიმე სახის გვერდითი ეფექტები ცენტრალური ნერვული სისტემის მხრივ.

გამოშვების ფორმა
3 სუპოზიტორია ბლისტერზე. 2 ბლისტერი მუყაოს კოლოფში ფურცელ-ჩანართთან ერთად.

შენახვის პირობები
ინახება ბავშვებისათვის მიუწვდომელ ადგილას, არა უმეტეს 25°C ტემპერატურაზე.

ვარგისიანობის ვადა
3 წელი წარმოების თარიღიდან. პრეპარატის გამოყენება არ შეიძლება ვარგისიანობის ვადის ამოწურვის შემდეგ.

მწარმოებელი: Magistra C&C, რუმინეთი
გამოშვების ფორმა: 15მგ რექტალური სუპოზიტორია №6
გაცემის რეჟიმი: III ჯგუფი (ურეცეპტოდ)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება  (აქტიური ნივთიერება):  ტრიკალციუმის ფოსფატი,  ვიტამინი D3

აფთიაქები, ფასები, ფასდაკლებები
კლინიკურ-ფარმაკოლოგიური ჯგუფი:  ორგანიზმში კალციუმის დეფიციტის შემავსებელი პრეპარატები
ლოჯიკალი D3 წარმოადგენს ტრიკალციუმის ფოსფატისა და ვიტამინი D3-ს უსაფრთხო და ეფექტურ კომბინაციას კალციუმის ბალანსის სწრაფი და პროლონგირებული აღდგენისთვის.

ლოჯიკალი D3-ის ყოველი 10 მლ შეიცავს:
ტრიკალციუმის ფოსფატი  775მგ (ექვივალენტურია 300მგ ელემენტარული კალციუმის);
ვიტამინი D3 (ქოლეკალციფეროლი) -3.75  მკგ (150 სე)

ტრიკალციუმის ფოსფატი – კალციუმის მაღალი შემცველობის მარილია, რომელიც ეგზოგენურად აღადგენსკალციუმისა და  ფოსფორის ენდოგენურ დეფიციტს და მონაწილეობს ჰიდროქსიაპატიტის კრისტალების -ძვლოვანი ქსოვილის მთავარი კარკასის შენებაში. იგი კარგად აითვისება ორგანიზმის მიერ, რის ფონზეც ადვილად აღდგება იონიზირებული კალციუმის დონე. მიუხედევად იმისა, რომ კალციუმის  უდიდესი ნაწილი კონცენტრირებულია ძვლებში, ის გარკვეული რაოდენობითაა სისხლშიც, სადაც აუცილებელია საკვები ნივთიერებების გადატანისთვის, სისხლის შედედებისთვის, ჰორმონების სინთეზისთვის, ნერვული და კუნთოვანი ქსოვილის აქტივობისთვის, კბილის ემალის ფორმირებისთვის.

ვიტამინი D – ცხიმში ხსნადი ვიტამინია, რომელიც ხელს უწყობს ნაწლავებში კალციუმი, ფოსფორის, რკინის,მაგნიუმისა და თუთიის შეწოვას. იგი  წარმოადგენს ანტირაქიტულ ფაქტორს. განსაზღვრავს ორგანიზმშიკალციუმისა და ფოსფორის ცვლის რეგულაციას
და მონაწილეობს ძვლებისა და კბილების მინერალიზაციისპროცესში, ძვალ-სახსროვანი სისტემის ჩამოყალიბებაში, აუცილებელია პარათირეოიდული ჯირკვლის ფუნქციონირებისათვის. იგი აქტიურად არის ჩართული ორგანიზმში მიმდინარე სხვადასხვა პროცესებში.

ლოჯიკალი D3 რეკომენდებულია:
კალციუმის დეფიციტის და რაქიტის პრევენცია და კომპლექსური თერაპია;
ჰიპოკალცემია;
ბავშვებსა და მოზრდილებში ინტენსიური ზრდის პერიოდი;
კბილის ამოსვლის შეფერხება; კარიესის პროფილაქტიკა;
სხვადასხვა გენეზის ოსტეოპენიისა და ოსტეოპოროზის პრევენცია და კომპლექსური თერაპია ბავშვთა და მოზარდთა ასაკში;
მოტეხილობები; ძვლოვანი ქსოვილის პოსტტრავმული რეგენერაციის პროცესების შენელება;
პოსტოპერაციული პერიოდი;
სტეროიდებისა და სხვა ჰორმონალური პრეპარატების ხანგრძლივი გამოყენებისას.

მიღების წესი და დოზირება:
3 თვიდან – 1 წლამდე 2,5 მლ 2-ჯერ დღეში
1 წლიდან – 4 წლამდე 5 მლ 2-ჯერ დღეში
4 წლიდან – 9 წლამდე  5 მლ 3-ჯერ დღეში
9 წლიდან 10 მლ 2-ჯერ დღეში

სიფრთხილის ზომები:
საკვები დანამატი არ ანაცვლებს ბალანსირებულ კვების რაციონს. არ გადააჭარბოთ რეკომენდებულ სადღეღამისო დოზებს. შეინახეთ ბავშვებისთვის ხელმიუწვდომელ გრილ და მშრალ, მზის სხივებისგან დაცულ ადგილას. გახსინად ვარგისიანობის პერიოდი შეადგენს 30 დღეს. შეანჯღრიეთ ფლაკონი გამოყენების წინ.

ვარგისიანობის პერიოდი: 3 წელი
მწარმოებელი: MASENZ DANYA GROUP SL, ესპანეთი
გამოშვების ფორმა: 150 მლ სიროფი
გაცემის რეჟიმი: III ჯგუფი (ურეცეპტოდ)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

შემადგენლობა:
1 მლ სპრეი შეიცავს: 12,5 მგ იოდი, 25,0 მგ კალიუმის იოდიდი, 37,5 მლ გასუფთავებული წყალი და გლიცეროლი 85% 1175,0 მგ.

კლინიკურ-ფარმაკოლოგიური ჯგუფი: ყელის დაავადებების სამკურნალო პრეპარატი. ანტისეპტიკი

ფარმაკოლოგიური თვისებები:
იოდი აჰალოგენირებს და ჟანგავს მიკროორგანიზმების ცხოველქმედებისთვის   მნიშვნელოვან სტუქტურებს, შესაბამისად მას გააჩნია ბაქტერიციდული, სპოროციდული, პროტოზოოციდული და ვირუსოციდული მოქმედება. იგი სწრაფად მოქმედებს. იოდი რეაგირებს არაუჯრედულ ორგანულ ნაერთებთან, მაგალითად, როგორიც არის მკვდარი მიკროორგანიზმები და ცილები, თუმცა ასეთი რეაქციების შედეგად წარმოიქმნება კომპლექსები და იოდის ბაქტერიციდული მოქმედება ხდება სუსტი და (ან) უმნიშვნელო.
კალიუმის იოდიდი აუმჯობესებს იოდის იონების განზავებას წყალში. გარდა ამისა, იოდიდის იონები გამოიყენება ჰიპერთირეოზის სამკურნალოდ, აფერხებს რადიოაქტიული იოდის დაგროვებას ფარისებრ ჯირკვალში, ენდემური ჩიყვის მკურნალობისთვის და სასუნთქ გზებში არსებული სეკრეტის გასათხელებლად.
გლიცერინი ხელს უშლის სითხის შეკავებას სასუნთქ გზებში, შესაბამისად ეს აქვეითებს ქსოვილების შეშუპებას, ხოლო კანის ზედაპირზე და ლორწოვან გარსზე წარმოქმნის დამცავ ფენას.

ჩვენება:
ლორწოვანი გარსის (პირის ღრუს, ხახის და ხორხის) ინფექციურ – ანთებითი დაავადებები.

მიღების წესი და დოზა:
გამოიყენება მოზრდილებში 4-6- ჯერ დღეში. პრეპარატს შეასხურებენ პირის ღრუს, ხახის და ხორხის ლორწოვან გარსებს. სპრეის გამოყენებისას მის ტუმბოზე ერთხელ უნდა დაეჭიროს ხელი. შესხურების დროს რეკომენდებულია სუნთქვის შეკავება.

უკუჩვენება:
* მომატებული მგრძნობელობა იოდის ან პრეპარატში შემავალი ნებისმიერი ინგრედიენტის მიმართ.

გვერდითი მოვლენები:
ლორწოვანი გარსის სავარაუდო გაღიზიანება. ძალიან იშვიათად ვლინდება ალერგიული რეაქციები (სურდო, ანგიონევროზული შეშუპება, ჩვეულებრივი ფერისმჭამელები, სანერწყვე ჯირკვლების შეშუპება). თუ მედიკამენტი მიიღება დიდი ხნის განმავლობაში, ასეთ შემთხვევაში მოსალოდნელია ფარისებრი ჯირკვლის და ჰიპოფიზის ფუნქციის დათრგუნვა.

განსაკუთრებული სიფრთხილით:
ფარისებრი ჯირკვლის დაავადების მქონე პაციენტებმა სიფრთხილით უნდა გამოიყენონ იოდის შემცველი პრეპარატები. დაუშვებელია პრეპარატის მოხვედრა თვალებში. თუ ასე მოხდა, ასეთ შემთხვევაში თვალები უნდა ჩამოიბანოს წყლის დიდი რაოდენობით.

ორსულობა და ლაქტაციის პერიოდი:
სამკურნალო პრეპარატი მიეკუთვნება “დ“ კატეგორიას  (პრეპარატი სახიფათოა ნაყოფისთვის, თუ იგი მიიღება 1 კვირაზე მეტი ხნის განმავლობაში). იოდი გადადის დედის რძეში, რის გამოც შესაძლებელია დაითრგუნოს ახალშობილის და ჩვილის ფარისებრი ჯირკვლის ფუნქცია.

ურთიერთქმედება სხვა სამკურნალო პრეპარატებთან:
იოდის ინაქტივაცია ხდება ნატრიუმის თიოსულფატით. პრეპარატში შემავალი იოდი ჟანგავს მეტალებს, ამის გამო იგი აფუჭებს ლითონის ინსტრუმენტებს.
ლუგოლის შიგნით მიღების შემთხვევაში შესაძლებელია დაითრგუნოს ფარისებრი ჯირკვლის ფუნქციის დამთრგუნველი პრეპარატების მოქმედება, აგრეთვე შესაძლებელია შეიცვალოს ფარისებრი ჯირკვლის ფუნქციური მაჩვენებლები.
ლუგოლის ხსნარმა შესაძლებელია გააძლიეროს ზოგიერთი პრეპარატის გამაღიზიანებელი მოქმედება, მაგალითად აცეტილსალიცილის მოქმედება კუჭის ლორწოვან გარსზე.

დოზის გადაჭარბება:
ლუგოლის სპრეის ხანგრძლივი გამოყენებისას შესაძლებელია განვითარდეს ადგილობრივი გაღიზიანების ნიშნები. თუ გამიზნულად ან შემთხვევით მოხდა ლუგოლის სპრეის დოზის გადაჭარბება, ასეთ შემთხვევაში მის ანტიდოტს წარმოადგენს ნატრიუმის თიოსულფატი ან სხვა სუსტი ტუტე ხსნარები.

შენახვის პირობები:
ლუგოლის სპრეი და ფლაკონი ინახება ოთახის ტემპერატურაზე, ბნელ და ბავშვებისთვის მიუწვდომელ ადგილას.

გამოშვების ფორმა:
50 მლ პრეპარატი მუქი მინის ფლაკონში, რომელიც დახურულია დოზატორიანი სახურავით

ვარგისიანობის ვადა: 2 წელი

აფთიაქიდან გაცემის წესი: ურეცეპტოდ

მწარმოებელი: UAB “Valentis“, moletu pl. 11, LT-08409 Vilnius, Lithuania

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): ლაქტულოზა, ჰიდროლიზებული ლიგნინი/lactulose, hydrolyzed lignin

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი: ნაწლავის მიკროფლორის წონასწორობის მარეგულირებელი საშუალება, ოსმოსური თვისებების მქონე საფაღარათო საშუალება

მწარმოებელი: ავერსი ფარმა, საქართველო

გამოშვების ფორმა: 355მგ/120მგ ტაბლეტი №30

გაცემის რეჟიმი: III ჯგუფი (ურეცეპტოდ)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): comb. drug

აფთიაქები, ფასები, ფასდაკლებები ..

კლინიკურ-ფარმაკოლოგიური ჯგუფი: პოლივიტამინები მაკრო და მიკროელემენტებით

წამლის ფორმა
აპკიანი გარსით დაფარული ტაბლეტები, აქტიური ნივთიერებების გახანგრძლივებული გამოთავისუფლებით.
აღწერილობა: მოგრძო ფორმის, ორმხრივ ამოზნექილი, თეთრი ფერის აპკიანი გარსით დაფარული ტებლეტები.

შემადგენლობა
1 აპკიანი გარსით დაფარული ტაბლეტი, აქტიური ნივთიერებების გახანგრძლივებული გამოთავისუფლებით, შეიცავს:
აქტიური ნივთიერებები:
ვიტამინი A (რეტინოლის აცეტატის სახით)   800 მკგ
ვიტამინი B1 (თიამინის ნიტრატის სახით)   3,3 მგ
ვიტამინი B2 (რიბოფლავინი)   4,2 მგ
ვიტამინი B3 (ნიკოტინამიდი) 48 მგ
ვიტამინი B5 (კალციუმის პანტოთენატი)   18 მგ
ვიტამინი B6 (პირიდოქსინის ჰიდროქლორიდის სახით)    4,2 მგ
ვიტამინი B9 (ფოლის მჟავა)   400 მკგ
ვიტამინი B12 (ციანოკობალამინი)  3 მკგ
ვიტამინი C (ასკორბინის მჟავა)  160 მგ
ვიტამინი D3 (ქოლეკალციფეროლი)  5 მკგ
ვიტამინი E (DL-α ტოკოფეროლის აცეტატის სახით)   15 მგ
ვიტამინი H (ბიოტინი)     150 მკგ
მიკრო- და მაკროელემენტები
რკინა (რკინის ფუმარატის სახით)  14 მგ
მაგნიუმი (მაგნიუმის ოქსიდის სახით)  56,25 მგ
მანგანუმი (მანგანუმის სულფატის მონოჰიდრატის სახით)   2 მგ
მოლიბდენი (ნატრიუმის მოლიბდატის დიჰიდრატის სახით)  50 მკგ
სპილენძი (სპილენძის სულფატის პენტაჰიდრატის სახით)  1 მგ
სელენი (სელენის საფუარების სახით)     55 მკგ
თუთია (თუთიის ოქსიდის მონოჰიდრატის სახით)   10 მგ
ქრომი (ქრომის ქლორიდის ჰექსაჰიდრატის სახით)    40 მკგ
ამინომჟავები
L-ლეიცინი 19,5 მგ
L-ლიზინი (L-ლიზინის ჰიდროქლორიდის სახით) 15 მგ
L-იზოლეიცინი 11,5 მგ
L-ვალინი 10,5 მგ
L-ფენილალანინი 10 მგ
L-თიროზინი 9,5 მგ
L-ცისტეინი (L-ცისტეინის ჰიდროქლორიდის მონოჰიდრატის სახით) 6,3 მგ
L-თრეონინი 8,5 მგ
L-ჰისტიდინი (L-ჰისტიდინი ჰიდროქლორიდის მონიჰიდრატის სახით) 6 მგ
L-მეთიონინი 3,2 მგ
დამხმარე ნივთიერებები: ჰიდროქსიპროპილცელულოზა, ჰიპრომელოზა, კალციუმის ჰიდროფოსფატის დიჰიდრატი, კაჟბადის დიოქსიდი კოლოიდური უწყლო, მაგნიუმის სტეარატი.
გარსის შემადგენლობა: ჰიდროქსიპროპილცელულოზა, ტიტანის დიოქსიდი, სტეარინის მჟავა, მიკროკრისტალური ცელულოზა, ალუმინკალიუმის სილიკატი, ნატრიუმის საქარინი, ეთილვანილინი.

პრეპარატის ათქ კოდი: A11 JC

ფარმაკოთერაპიული ჯგუფი
ვიტამინურ-მინერალური კომპლექსი ამინომჟავებთან კომბინაციაში.

ფარმაკოლოგიური თვისებები
ფარმაკოდინამიკა
ლუვიტანი წარმოადგენს კომპლექსს ვიტამინების, მინერალური ნივთიერებების და შეუცვლელი ამინომჟავებისა, რომლებიც აუცილებელია ნივთიერებათა ცვლის პროცესების ნორმალური მიმდინარეობისათვის, ორგანიზმის ზრდისა და განვითარებისათვის, ცხოველმყოფელობის უზრუნველსაყოფად; ამაღლებს ორგანიზმის წინააღმდეგობის უნარს სხვადასხვა დაავადებების მიმართ და გარემოს მავნე ფაქტორების ზემოქმედებისადმი.
ვიტამინები მონაწილეობენ ნივთიერებათა ცვლაში ბიოქიმიური და ფიზიოლოგიური პროცესების კატალიზატორებისა და რეგულატორების სახით.
მინერალური ნივთიერებები ადამიანის ორგანიზმში მიმდინარე ნივთიერებათა ცვლისათვის აუცილებელი ელემენტებია, რომლებიც მონაწილეობენ უჯრედებისა და ქსოვილების შენებაში, ფერმენტული სისტემების ფუნქციონირებაში.
ამინომჟავები ცილის წარმომქმნელი სტრუქტურული ქიმიური ერთეულებია, რომლებიც მნიშვნელოვან როლს თამაშობენ ცხოველმყოფელობის პროცესებში. ორგანიზმში ცილები ამინომჟვაბისაგან სინთეზირდება. ამინომჟავები ხელს უწყობს ვიტამინებისა და მინერალების ფუნქციურ აქტივობას, კუნთოვანი ქსოვილის ენერგომომარაგებას.
ლუვიტანის მიღებისას არ ხდება ვიტამინების, მინერალური ნივთიერებებისა და ამინომჟავების მყისიერი გამოთავისუფლება, მათი გამოყოფა გახანგრძლივებულია დროში (არა უმცირეს 8 საათისა).
ფარმაკოკინეტიკა
პრეპარატ ლუვიტანის მოქმედება განპირობებულია მისი კომპონენტების ერთობლივი მოქმედებით, ამიტომ კინეტიკური დაკვირვებების წარმოება შეუძლებელია.

გამოყენების ჩვენებები
_ სხვადასხვა წარმოშობის ასთენიური მდგომარეობები, დაქვეითებული იმუნური სტატუსი;
_ ქრონიკული დაღლილობის სინდრომი (ზოგადი სისუსტე, გადაღლა და სხვა);
_ გამოჯანმრთელების პერიოდი გადატანილი დაავადებების (მათ შორის, მწვავე რესპირაციული ვირუსული ინფექციები, სპეციფიკური ინფექციები და სხვა), ქირურგიული ჩარევების შემდგომ;
_ გაზრდილი გონებრივი და ფიზიკური დატვირთვა;
_ დაუბალანსებელი და არასრულფასოვანი კვება;
_ მავნე ეკოლოგიური ფაქტორების ზემოქმედება.

მიღების წესი და დოზირება
ლუვიტანი მიიღება შიგნით, საუზმის დროს, საკმარისი რაოდენობის წყლის მიყოლებით.
8 წლის ასაკზე უფროს ბავშვებსა და მოზრდილებს ენიშნებათ 1 ტაბლეტი ერთხელ დღე-ღამეში.
რეკომენდებული დოზა არ უნდა გადაჭარბდეს.

უკუჩვენებები
_ პრეპარატის კომპონენტებისადმი მომატებული მგრძნობელობა;
_ ორსულობა;
_ ლაქტაციის პერიოდი;
_ 8 წლამდე ასაკი.

გვერდითი მოქმედება
შესაძლებელია  ალერგიული რეაქციები პრეპარატების შემადგენელი კომპონენტების მიმართ, ძილის დარღვევები.

განსაკუთრებული მითითებები
აუცილებელია ექიმის კონსულტაცია, თუ პაციენტი იღებს სისხლის შედედების საწინააღმდეგო პრეპარატებს.
ზემოქმედება ავტომობილის და სხვა მექანიზმების მართვის უნარზე ლუვიტანი არ ახდენს გავლენას ავტომობილის მართვისა და სხვა პოტენციურად სახიფათო სამუშაოების შესრულების უნარზე.

გამოყენება ორსულობის და ლაქტაციის დროს
პრეპარატი უკუნაჩვენებია ორსულობისა და ლაქტაციის პერიოდში.

გამოყენება პედიატრიაში
ლუვიტანი უკუნაჩვენებია 8 წლამდე ბავშვთა ასაკში.

ურთიერთქმედება სხვა სამკურნალო საშუალებებთან
ურთიერთქმედება სხვა სამკურნალო საშუალებებთან გამოვლენილი არ არის.
ლუვიტანის მიღება არ არის რეკომენდებული პოლივიტამინების სხვა კომპლექსთან ერთად დოზის გადაჭარბების თავიდან აცილების მიზნით.

დოზის გადაჭარბება
ლუვიტანის დოზის გადაჭარბების შემთხვევები გამოვლენილი არ არის.

გამოშვების ფორმა
აპკიანი გარსით დაფარული ტაბლეტები აქტიური ნივთიერებების გახანგრძლივებული გამოთავისუფლებით.
10 ტაბლეტი ბლისტერში.
3 ბლისტერი გამოყენების ინსტრუქციასტან ერთად მოთავსებულია მუყაოს კოლოფში.

შენახვის პირობები
ინახება ბავშვებისათვის მიუწვდომელ ადგილას არაუმეტეს 25°C ტემპერატურაზე.

ვარგისიანობის ვადა
3 წელი წარმოების თარიღიდან.
პრეპარატი არ გამოიყენება ვარგისიანობის ვადის ამოწურვის შემდეგ.

მწარმოებელი: Qualiphar laboratoria nv-sa, ბელგია

გამოშვების ფორმა: ტაბლეტი №30

გაცემის რეჟიმი: III ჯგუფი (ურეცეპტოდ)

გაფრთხილება

პლექტრიდი (ლათ. Plectridium) – სპორამტარებელი, როგორც მოძრავი ისე უძრავი ფორმები; არიან გრამდადებითი და გრამუარყოფითი ფორმები. სპორები, ჩვეულებრივ განლაგდება უჯრედის ერთ-ერთ ბოლოზე, რაც დოლის ჯოხების იერს ანიჭებს. თანამედროვე ბაქტეროლოგიაში ამ ტერმინით, ენდოსპორის მქონე ბაქტერიულ უჯრედებს აღნიშნავენ, რომლებიც აჭარბებენ უჯრედის დიამეტრს და განლაგებულნი არიან ტერმინალურად.
გვარი შედის გადახალისებულ რიგში Plectridiales. კლასი Sporulales, რომელიც იყოფა ორ ოჯახად და 4 გვარად:
ოჯახი Terminosporaceae – გრამუარყოფითი პლექტრიდიები,
გვარი Terminosporus – მოძრავი და Caduceus – უძრავი ბაქტერიები;
ოჯახი Plectridiaceae –  გრამდადებითი პლექტრიდიები
გვარები Plectridium – მოძრავი და Acuformis – უმოძრაო ბაქტერიები
გვარი Plectridium, შემოთავაზებული იყო  Fischer-ის მიერ 1895 წელს და არ იყო შეტანილი 1980 წლის ოფიციალურ ნომენკლატურაში, რადგან გვარ Plectridium-ი, ძლიერად განსხვავდება კლოსტრიდიუმისგან, რაც არ იძლევა მისი ცალკე გვარის გამოყოფის საშუალებას. გვარის ყველა წარმომადგენელი გადაყვანილია Clostridium-ის გვარში.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

პნევმოკოკი (ლათ. Streptococcus pneumoniae) – სტრეპტოკოკების (Streptococcus) გვარის ბაქტერიების სახეობა. უმოძრაო, ლანცეტისებრი დიპლოკოკი სიგრძით 0.5-1.25 მკმ.

Streptococcus pneumoniae –  გრამდადებითი, კატალაზა და ოქსიდაზა უარყოფითი ბაქტერიები. ფაკულტატური ანაერობი, მათი ზრდა ძლიერდება თუ საინკუბაციო ატმოსფეროში ნახშირორჟანგი აღწევს 5-7%-მდე. უჯრედის კედელის აგებულება ტიპურია გრამდადებითი ბაქტერიებისათვის. მისი საფუძველია პეპტიდოგლიკანი, სადაც ჩართულია ნახშირწყლები, თეიხოვის მჟავები, ლიპოპროტეინები და ზედაპირული ცილები. პნევმოკოკებისათვის მნიშვნელოვანია დამატებითი პოლისაქარიდული კაფსულა, რომელიც ასრულებს დამცავ ფუნქციას, მისი საშუალებით ეწინააღმდეგება ოპსონიზაციას და შემდგომ ფაგოციტოზს.
სადღეისოდ, აღწერილია დაახლოებით 91 სხვადასხვა კაფსულური ტიპის პნევმოკოკი, თუმცა 90%-ზე მეტი დაავადების შემთხვევებისას  გამომწვევია მხოლოდ 23 სეროვარი.
პნევმოკოკები წარმოადგენენ ბავშვებსა და მოზრდილებში ერთ-ერთ ძირითად აღმძვრელებს მენინგიტის, შუა ყურის ანთების, სინუსიტის, ფილტვების ანთების. უფრო იშვიათ შემთხვევებში, პნევმოკოკმა შეიძლება გამოიწვიოს სხვა ლოკალიზაციის ინფექციები: ენდოკარდიტი, სეპტიკური ართრიტი, პერიტონიტი, ფლეგმონები და სხვა. სადღეისოდ მნიშვნელოვანი პრობლემა არის პნევმოკოკების ანტიბიოტიკრეზისტენტულობა, რაც  მრავალ ქვეყანაში შეინიშნება.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

პროტეობაქტერია  (ლათ. Proteobacteria) – ბაქტერიების მეტად მრავალრიცხოვანი ჯგუფი, 1534 სახეობა ანუ ყველა ცნობილი ბაქტერიების 1/3. პროტეობაქტერიები წარმოადგენს მეტად არაორდინალურ ჯგუფს. აქ შედის, როგორც სიმბიონტური ეუკარიოტები, ისე პათოგენების და პირობით-პათოგენები, ფოტო – და ქემოტროფები, როგორც ავტოტროფული ისე ჰეტეროტროფული ბაქტერიები. ყველა პროტეობაქტერია გრამუარყოფითია. გარეთა მემბრანა აშენებულია ლიპოპოლისაქარიდებისაგან. ჯგუფი მოიცავს, როგორც ობლიგატურ, ისე ფაკულტატურ ანაერობებს და აერობებს.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

პროქლოროფიტი (ლათ.
Prochlorales) – პროკარიოტების რიგი, ჩვეულებრივ მიეკუთვნება ბაქტერიების სამეფოს. ბაქტერიებისაგან განსხვავდებიან ჟანგვითი ფოტოსინთეზის უნარით.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

მეწამული ბაქტერია (Purple bacteria) – ფოტოსინთეზის უნარის მქონე პროტეობაქტერიები. ბინადრობენ მლაშე და მტკნარ წყლებში. მეწამული ბაქტერიები მიეკუთვნება ალფა-, ბეტა-, და გამა-პროტეობაქტერიების ჯგუფს. პოლიმორფულებია, მათი უჯრედის ზომები მერყეობს ფართო ზღვრებში (1-დან 20 მკმ-მდე). მრავლდებიან ბინარულად ან დაკვირტვით. კარგად აქვთ განვითარებული შიდა ციტოპლაზმური, ფოტოსინთეზური მემბრანები. წყლის ფორმების ზოგიერთ წარმომადგენელს გააჩნია აიროვანი ვაკუოლი. მოძრავი სახეობებია, აქტიური ფოტოტაქსისით. ზოგიერთ სახეობას შეუძლია ცისტების და ეგზოსპორების წარმოქმნა. უპირატესად იზრდებიან სინათლეზე, ანაერობულ გარემოში. უჯრედის კედელი გრამუარყოფითი ტიპისაა, დაფარულია ლორწოვანი შალითით ან კაფსულით.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

რიკეტსია (ლათ.
Rickettsia) – შიდაუჯრედული პარაზიტების ბაქტერიების გვარი. 1909 წელს ჰოვარდ ტეილორ რიკეტსმა (1871-1910) პირველად აღწერა კლდოვანი ლაქოვანი ცხელების აღმძვრელი. იმავე წელს მსგავსი დაკვირვება აწარმოა შ. ნიკოლმა, პარტახტიანი ტიფის შესწავლისას. 1910 წელს, პარტახტიანი ტიფის შესწავლისას, მექსიკაში ინფექციით დაიღუპა რიკეტსი.
გვარის წარმომადგენლები არიან პოლიმორფული, ხშირად კოკი ან ჩხირისმაგვარი, უმოძრაო, გრამუარყოფითი მიკროორგანიზმები. ოპტიმალური პირობებისას, რიკეტსიების უჯრედების ფორმა მოკლე ჩხირისებრია, საშუალოდ 0.2-0.6×0.4-2.0 მკმ, რაც მსხვილი ვირუსების ზომას შეესაბამება (დაახლოებით 0.3 მკმ).
რიკეტსიების სასიცოცხლო ციკლი ორ სტადიას მოიცავს: ვეგეტაციურს და მოსვენებითს. ვეგეტატიურ სტადიაში, მიკროორგანიზმები ჩხირისებრია, მრავლდებიან ბინარულად და მოძრაობენ. მოსვენებით სტადიაში კი რიკეტსიები,  სფეროს ფორმის უმოძრაო უჯრედებია, რომლებიც ბინადრობენ ფეხსახსრიანებსა და თბილსისხლიანთა უჯრედებში. რეპროდუქცია, გარდა ერთი სახეობისა მიმდინარეობს მხოლოდ ცოცხალ უჯრედებში, როგორც ვირუსების შემთხვევაში. რიკეტსიები ობლიგატური შიდაუჯრედული პარაზიტებია, რომელთა ზრდა და გამრავლება შესაბამისი მასპინძელი ორგანიზმის უჯრედებში მიმდინარეობს.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

სალმონელა (ლათ.
Salmonella) – უსპორო ბაქტერიების გვარი, აქვთ ჩხირის ფორმა (სიგრძე 1-7 მკმ, სიგანე დაახლოებით 0.3-0.7 მკმ). სალმონელები არ ფერმენტირებენ ლაქტოზას და პათოგენურები არიან ადამიანებისათვის. ზოგიერთი სახეობა იწვევს მუცლის ტიფს, პარატიფს და სხვა სალმონელოზებს. გრამუარყოფითი, ფაკულტატური ანერობებია. უმრავლესობა მოძრავია. სალმონელები გარემოში და საკვებ პროდუქტებში დიდხანს ძლებენ. ულტრაიისფერი დასხივება აჩქარებს მათ დაღუპვას. 55 °C (131 °F)-ზე ადუღებისას ნახევარ საათში იღუპებიან ან 60 °C (140 °F)-ზე 12 წუთის განმავლობაში. სალმონელოზით დაბინძურებული საკვები პროდუქტებზე ეჭვის შემთხვევაში, საკვებს აცხელებენ 75 °C (167 °F)-ზე  არანაკლებ 10 წუთის მანძილზე. სალმონელები, როგორც წესი, ბინადრობენ ადამიანის და ცხოველის ნაწლავებში. სალმონელებში არჩევენ, ორ ძირითად ანტიგენურ კომპლექსს: О – და Н-ანტიგენებს. ისინი ბაქტერიული უჯრედის სტრუქტურული ელემენტებია. სომატური О-ანტიგენი თერმომდგრადია და წარმოადგენს ლიპოპოლისაქარიდოპოლიპეპტიდურ კომპლექსებს. შოლტოვანი Н-ანტიგენი თერმოლაბილურია, გააჩნია ცილოვანი ბუნება. გარდა ამისა, Salmonella-ს გვარის ბაქტერიებს, გააჩნია ზედაპირული და კაფსულური ანტიგენები, მათ შორის არ არსებობს მკვეთრი საზღვრები, გადასვლა ხორციელდება თანდათან, ამიტომ ორივე ანტიგენი აღინიშნება ერთიანად, როგორც К-ანტიგენი.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

სარცინი (ლათ.Sarcina)
– გრამდადებითი კოკების გვარი. საფროფიტებია, ჩვეულებრივ სპორას არ წარმოქმნიან. არ მოძრაობენ და არ იწვევენ დაავადებებს. გვხვდება ნიადაგში, წყალში, ჰაერში და ცოცხალ ორგანიზმებში. სარცინას გვარის მრავალი წარმომადგენელი, არის ადამიანის მიკროფლორის ნაწილი, ბინადრობენ კანზე და მსხვილ ნაწლავში. გვარის ტიპური წარმომადგენელი Sarcina ventriculi, შეიძლება აღმოჩნდეს მარცვლოვნების თესლების ზედაპირზე, ნიადაგში, ადამიანის, ბოცვრების და ზღვის გოჭების ნაწლავებში.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

მოქმედი ნივთიერება: პროგესტერონი

ფარმაკოლოგიური ჯგუფი: ჰორმონები, მათი ანალოგები და ანტიჰორმონალური სამკურნალო საშუალებები.
სქესობრივი ჰორმონები.
სანკურნალწამლო საშუალებები ქალური ჰორმონების ფუძეზე და მათი სინთეტური ანალოგები

შემადგენლობა:
ვაგინალური პრეპარატი ლუთეინას 1 აბი შეიცავს:
მიკრონიზირებულ პროგესტერონს – 50მგ;
დამატებითი ინგრედიენტები, ლაქტოზის მონოჰიდრატის ცათვლით.

სუბლინგვალური პრეპარატი ლუთეინას 1 აბი შეიცავს:
მიკრონიზირებულ პროგესტერონს – 50მგ;
დამატებითი ინგრედიენტები, ლაქტოზის მონოჰიდრატის ცათვლით.

ფარმაკოლოგიური მოქმედება:
ლუთეინა არის ჰორმონალური პრეპარატი, რომელიც შეიცავს ყვითელი სხეულის – პროგესტერონის ჰორმონის ეგზოგენურ ანალოგს შეიცავს. პრეგესტერონი ქალებში იწვევს ნორმალური ენდომეტრიუმის ჩამოყალიბებას, საშვილოსნოს ლორწოვანი გარსის პროლიფერატული ფაზიდან სეკრეტორულში გადასვლას, ხოლო განაყოფიერებისას ხელს უწყობს განაყოფიერებული კვერცხუჯრედისთვის აუცილებელი პირობების შექმნას. პრგესტერონი ამცირებს საშვილოსნოსა და საშვილოსნოსეული მილების გლუვკუნთოვანი ფენის კუმშვადობასა და აღგზნებადობას, ხელს უშლის საშვილოსნოს მომატებული ტონუსის განვითარებას ორსულობის ადრეულ ვადებზე და მუცლის მოშლის პრევენციას ახდენს. პროგესტერონს აქვს გამოხატული ანტიანდროგენული აქტივობა, ახდენს რა ანტიალდოსტერონულ მოქმედებას, იწვევს დიურეზის გაზრდას.
ქალის რეპროდუქციულ სისტემაზე გავლენის გარდა პროგესტერონს აქვს სისტემური მოქმედება: სისხლის პლაზმაში გლუკოზის დონის დარეგულრება, სხეულის ტემპერატურის აწევა, სუნთქვითი აქტივობის სტიმულაცია და სისხლის პლაზმაში ამინომჟავების დონის ამაღლება.
პრეპარატი ლუთეინას ანოტაციაში მითითებული რეკომენდაციის დაცვით მიღებისას არ გააჩნია კონტრაცეპტიული ეფექტი.
სუბლინგვალური და ინტრავაგინალური გამოყენებისას პროგესტერონი კარგად აბსორბირდება სისტემურ სისხლის მიმოქცევაში. ვაგინალური გამოყენებისას პლაზმური კონცენტრაციის პიკი მიიღწევა 6-7 საათში, სუბლინგვალური გამოყენებისას – 1-6 საათში. პროგესტერონს ახასიათებს მაღალი ხარისხის ბმა პლაზმის ცილებთან, მათ შორის ალბუმინებთან და ტრანსკორტინებთან. პროგესტერონი გროვდება საშვილოსნოს ენდომეტრიუმში.
ინტრავაგინალური გამოყენებისას პროგესტერონის ნახევარგამოყოფის პერიოდი არის 13 საათი, სუბლინგვალურის დროს – 6-7 საათი.

გამოყენების ჩვენებები:
პრეპარატი ლუთეინა განკუთვნილია იმ პაციენტების თერაპიისთვის, ვისაც აქვთ ენდოგენური პროგესტერონის დეფიციტი, რაც ვლინდება მენსტრუალური ციკლის დარღვევით, ანოვულატორული ციკლებით, დისმენორეით, წინამენსტრუალური სინდრომითა და საშვილოსნოს ენდომეტრიოზით.
პრეპარატი ლუთეინა შეიძლება დაინიშნოს ქალებს ხელოვნური განაყოფიერების სქემებში და მუცლის მოშლის საფრთხის მკურნალობის დროს, ასევე ყვითელი სხეულის მიერ არასაკმარისი პროგესტერონის წარმოებით გამოწვეული უნაყოფობის მკურნალობისას.
ეგზოგენური პროგესტერონი გამოიყენება კომპლექსური მონაცვლეობითი თერაპიის (ესტროგენებტან ერთად) სახით.
ქალებში ლუთეინას იყენებენ  წინამენოპაუზაურ პერიოდში არასაკმარისი ლუთეინური ფაზის არსებობის დროს ჰორმონული ფონის კორექციისთვის.

მიღების წესი:
შესაძლო უკუჩვენებების გამოვლენის მიზნით პრეპარატი ლუთეინას მიღების დაწყებამდე უნდა ჩატარდეს სარძევე ჯირკვლების პალპაცია და ჩატარდეს გინეკოლოგიური გამოკვლევა. პრეპარატი ლუთეინას დოზებსა და მიღების წესებს განსაზღვრავს მკურნალი ექიმი ინდივიდუალური თავისებურებებისა და კლინიკური სურათის გათვალისწინებით.

ლუთეინას ინტრავაგინალური აბები:
პრეპარატი განკუთვნილია საშოში შესაყვანად. მაქსიმალური თერაპიული ეფექტის მიღწევისთვის აბი რაც შეიძლება ღრმად უნდა მოთავსდეს საშოში. პრეპარატის უფრო კომფორტულად შეყვანისთვის უშუალოდ მიღების წინ აბი შეიძლება დაასველოთ წყლით.
ალგოდისმენორეის, წინამენსტრუალური სინდრომის, მენსტრუალური ციკლის დარღვევისა და წინამენოპაუზის პერიოდში ლუთეინური ფაზის უკმარისობის დროს, როგორც წესი, ნიშნავენ 25-50მგ პროგესტერონს ორჯერ დღეში.
პრეპარატის მიღება უნდა დაიწყოს აღდგენილი ან ბუნებრივი ციკლის მეორე ფაზიდან და გაგრძელდეს 10-12 დღე. პრეპარატის მიღების ხანგრძლივობა არის 3-6 ციკლი უწყვეტად. წინამენოპაუზაური პერიოდის თერაპიისას მიღების ხანგრძლივობა გრძელდება მენოპაუზის დადგომამდე.
ჩანაცვლებითი თერაპიისას პრეპარატ ლუთეინას ნიშნავენ ესტროგენებთან კომპლექსში. ამ შემთხვევაში რეკომენდებული დოზა არის 25-50 მგ ორჯერ დღეში. პრეპარატი უნდა მიიღოთ ციკლის მე-15 დღიდან 25-ე -მდე ან 2-3 დღეში ერთხელ (ჩანაცვლებითი თერაპიის სქემიდან გამომდინარე).
პროგესტერონის სინჯში მეორადი ამენორეის დროს პრეპარატ ლუთეინას ნიშნავენ დოზით 50მგ ორჯერ დღეში. მიღების ხანგრძლიობა შეადგენს 5-7 დღეს, სისხლდენა უნდა დაიწყოს პროგესტერონის მიღებს შეწყვეტიდან მე-7-10 დღეს.
საშვილოსნოდან დისფუქციონალური სისხლისდენის დროს პრეპარატ ლუთეინას ნიშნავენ დოზით 50მგ დღეში 2-ჯერ 5-7 დღე, რის შემდეგაც გადადიან 25-50მგდღეში 2-ჯერ მიღებაზე ციკლის მე-15 დღიდან 25-ე დღემდე. თერაპიის რეკომენდებული ხანგრძლიობა 2-3 ციკლია მიყოლებით.
ენდომეტროზის დროს პრეპარატ ლუთეინას ნიშნავენ დოზით 50-100მგ ორჯერ დღეში. თერაპიის ხანგრძლივობა არის 6 თვე.
ანოვულატორული და ინდუცირებული ციკლების შემთხვევაში, ასევე ჩვეული და მოსალოდნელი  აბორტის დროს პრეპარატი ლუთეინა ინიშნება დოზით 50-100 მგ ორჯერ დღეში. პრეპარატის მიღების დაწყება უნდა მოხდეს დაგეგმილი ორსულობის ციკლში ან უფრო ადრე. რეკომენდებულია პრეპარატის მიღება უწყვეტად ორსულობის მე-18-20 კვირამდე.
ხელოვნური განაყოფიერებისას პრეპარატ ლუთეინას ნიშნავენ დოზით 150-200 მგ ორჯერ დღეში. თერაპიის რეკომენდებული ხანგრძლივობაა ჩანასახის გადაადგილებიდან 77-ე დღემდე. პროგესტერონის მიღება უნდა შეწყდეს თანდათან დოზის შემცირებით.

ლუთეინას სუბლინგვალური აბები:
პრეპარატი უნდა გააჩეროთ ენის ქვეშ სრულ გახსნამდე. აბის სრული გახსნიდან 10-15 წუთის შემდეგ შეიძლება საკვებისა და წყლის მიღება
პრედმენსტრუალური სინდრომის დროს და მენსტრუაციული ციკლის დაღვევისას, როგორც წესი, ინიშნება თითო ტაბლეტი 3-ჯერ დღეში. მიღების ხანგრძლიობა  შეადგენს 3-6 მენსტრუაციულ ციკლს.
ჩანაცვლებითი თერაპიის კომპლექსში (ესტროგენთან ერთად) პრეპარატი ლუთეინა, როგორც წესი, ინიშნება 50მგ დოზით 3-4-ჯერ დღეში. პრეპარატი მიიღება ყოველდღიურად შესენების გარეშე ან ციკლის მე-14-16 დღიდან 28 დღემდე (28 დღიანი მენსტრუაციული ციკლის დროს).
მეორადი ამენორეის დროს პროგესტერინულ სინჯში ლუთეინა ინიშნება 50მგ დოზით 3-4-ჯერ დღეში. სისხლდენა იწყება პრეპარატის მოხსნიდან მე-7-10 დღეს.
საშვილოსნოს დისფუნქციური სისხლდენის დროს ინიშნება 50მგ 3-4-ჯერ დღეში. მიიღება ციკლის მე-15 დღიდან 25-ე დღემდე 2-3 ციკლის მანძილზე.
ჩვეული აბორტის დროს, ინდუქტირებული და ანოვულატორლი ციკლის დროს, ასევე, ხელოვნური განაყოფიერების პროგრამაში ლუთეინა ინიშნება 100-150მგ დოზით 3-4-ჯერ დღეში. თერაპია იწყება დაგეგმილ ორსულობამდე რამდენიმე ციკლით ადრე და გრძელდება ორსულობის 18-20 კვირამდე.

გვერდითი მოვლენები:
ლუთეინა, როგორც წესი კარგი ამტანობით ხასიათდება; თუმცა არ არის გამორიცხული მკურნალობის პერიოდში აღინიშნოს ძილიანობა, სისუსტე, მომატებული დაღლილობის შერძნება, მეხსიერებისა და ყურადღების კონცენტრაციის დაქვეითება, ასევე თავის ტკივილი, თაბრუსხვევა და დეპრესიული მდომარეობა. ზოგჯერ შეიძლება აღინიშნოს უმიზეზო შიშის შეგრძნება და სხეულის მასის ცვლილება.
არის ერთეულ შემთხვევები მენსტრუაციათაშორის სისხლდენების, დისმენორეის, ამენორეის, კანის საფარის ჰიპერეემის, აკნეს განვითერების; ასევე,  ნაღვლის გამოყოფის დარღვევა, თრომბოზები და ალერგიული რეაქციები. პრეპარატის ადრეული მიღებისას (ციკლის მე-15 დღემდე) შესაძლებელია განვითარდეს სისხლდენა და ციკლის შემცირება.
პრეპარატი ლუთეინას სუბლინგვალური ფორმის გამოყენებისას უმეტესად  პაციენტებს აღენიშნებოდათ პირის ღრუს ლორწოვანი გარსის სიმშრალე და ღრძილებიდან სისხლდენა.
მაღალი დოზების გამოყენებისას შეიძლება განვითარდეს ჰიპონატრიემია და ჰიპოქლორემია, თირკმლების მეშვეობით ნატრიუმისა და ქლორის გაძლიერებული გამოყოფის გამო.
ქალებში წინამენსტრუალურ პერიოდში პროგესტერონის გამოყენებამ შეიძლება შეინიღბოს მენოპაუზის დაწყება.
პრეპარატი ლუთეინას მიღება დაუყოვნებლივ უნდა შეწყდეს მხედველობის დარღვევის, თრომბული გართულების და ძლიერი თავის ტკივილის შემთხვევებში.

უკუჩვენებები:
პრეპარატ ლუთეინას არ უნიშნავენ პაციენტებს, რომელთაც აღენიშნებათ ინდივიდუალური მაღალი მგრძნობელობა ეგზოგენური პროგესტერონისადმი.
სუბლინგვალური და ვაგინალური აბების დანიშვნა არ შეიძლება პაციენტებისთვის, რომელთაც აქვთ ლაქტაზური უკმარისობა, გლუკოზა-გალაქტოზის სინდრომი და გალაქტოზემია.
მკაცრად აკრძალულია პრეპარატ ლუთინას გამოყენება სარძევე ჯირკვლის ავთვისებიანი სიმსივნისა და სხვა ჰორმონდამოკიდებულია ავთვისებიანი სიმსივნის დროს, ასევე ლაქტაციის პერიოდში.
დაუშვებელია პროგესტრეონის გამოყენება პაციენტებში გაურკვეველი გენეზის ვაგინალური სისხლდენის დროს.
სუბლინგვალური ტაბლეტები არ გამოიყენება ქოლესტაზური სიყვითლის დროს, ღვიძლის ფუნქციის გამოხატული დარღვევით, დუბინ-ჯონსონის და როტორის სინდრომის დროს.
პროგესტერონის დანიშვნა რეკომენდებულია მხოლოდ ექიმის კონტროლ ქვეშ და რისკისა და  სარგებლის ძირეული ანალიზით პაცინეტებში ღრმა ვენების თრომბოზით და ფილტვის არტერიის თრომბოემბოლიით, სტენოკარდიით და მიოკარდიუმის ინფარქტით.
თვითნებური აბორტის შემდეგ პროგესტრეონის მიღება შეიძლება საშვილოსნოს ღრუს სრული გასუფთავების შემდეგ (დაუშვებელია პრეპარატ ლუთეინას დანიშვნა თვითნებითი აბორტის შემთხვევაში საშვილოსნოს ღრუში ნარჩენების არსებობის დროს).
ამენორეის დროს პრეპარატ ლუთეინას დანიშვნა შესაძლებელია მხოლოდ ორსულობის გამორიცხვის შემდეგ.
განსაკუთრებული სიფრთხილეა საჭირო ეგზოგენური პროგესტრეონის დანიშვნისას იმ პაციენტებისთის, რომელთაც აღენიშნებათ დეპრესიული მდგომარეობა და ანამნეზში დეპრესია.
არ არის რეკომენდებული ავტომანქანის მართვა და სხვა პოტენციურად საშიშ მექანიზმებთან მუშაობა მკურნალობის პროცესში.

ორსულობა:
პროგესტერონს არ გააჩნია კორტიკოსტეროიდული და ანაბოლური აქტივობა, არ ახდენს მასკულირებად და ვირილიზებად მოქმედებას.
პრეპარატი ლუთეინა შეიძლება დაენიშნოთ ქალებს ორსულობის პირველ ტრიმესტრში ყვითელი სხეულის მიერ პროგესტერონის არასაკმარისი გამომუშავების შემთხვევაში.
ორსულობის მეორე და მესამე ტრიმესტრში ეგზოგენური პროგესტერონის გამოყენების გამოცდილება არ არსებობს.
ლაქტაციის პერიოდში პრეპარატი ლუთეინას გამოყენების აუცილებლობის შემთხვევაში უნდა შეწყდეს ძუძუთი კვება მკურნალ ექიმთან კონსულტაციის შემდეგ.

სხვა სამკურნალო საშუალებებთან ურთიერთქმედება:
შესაძლებელია პროგესტერონის პლაზმური კონცენტრაციის უმნიშვნელო ცვლილება, იმ პაციენტებში, რომლებიც მკურნალობენ Р450 ციტოქრომული სისტემის მაინჰიბირებელი  საშუალებებით.

გადაჭარბებული დოზირება:
მაღალი დოზების მიღებისას პაციენტებში აღინიშნება პროგესტერონის არასასურველი ეფექტების გაძლიერებული გამოხატვა, მათ შორის ძილიანობა, დეპრესიული მდგომარეობა და თავბრუსხვევა.
პროგესტერონის დოზის გადაჭარბებისას უნდა შემცირდეს პრეპარატი ლუთეინას დოზა.
გადაჭარბებული დოზირება, უფრო ხშირად, აღინიშნება პაციენტებში, ინდივიდუალური ჰიპერმგრძნობელობის, ენდოგენური პროგესტერონის არასტაბილური გამომუშავებისა და დაბალი ესტრადიოლის დონის დროს.
გადაჭარბებული დოზირების სიმპტომების გამოლენსთანავე სტანდარტული დოზების მიღებისას უნდა მოხდეს ესტრადიოლის დონის კორექტირება ან შეიცვალოს პრეპარატ ლუთეინას მიღების სქემა.

გამოშვების ფორმა:
ლუთეინას ვაგინალური აბები 15 ცალი კონტურულ შეფუთვაში, მუყაოს კოლოფში მოთავსებულია ორი კონტურული შეფუთვა.
ლუთეინას სუბლინგვალური აბები 30 ცალი პოლიმერის ფლაკონში, მუყაოს კოლოფში მოთავსებულია 1 პოლიმერის ფლაკონი.

შენახვის პირობები:
ლუთეინას ვაგინალური აბები ვარგისია დამზადებიდან  2 წლის განმავლობაში.
ლუთეინას სუბლინგვალური აბები ვარგისია დამზადებიდან 3 წლის განმავლობაში.
პრეპარატი ლუთეინას შენახვა, გამოშვების ფორმისგან დამოუკიდებლად, რეკომენდებულია არაუმეტეს 25°C-ზე.

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): montelukasti/montelukast

აფთიაქები, ფასები, ფასდაკლებები

კლინიკურ-ფარმაკოლოგიური ჯგუფი: ბრონქული ასთმის საწინააღმდეგო საშუალება. ლეიკოტრიენული რეცეპტორების ანტაგონისტი.

ათქ კოდი: R03DC03.

შემადგენლობა
თითო შემოგარსული ტაბლეტი შეიცავს:
აქტიურ ნივთიერებას: მონტელუკასტს 10 მგ-ს (10,4 მგ ნატრიუმის მონტელუკასტის სახით).
დამხმარე ნივთიერებები: ლაქტოზის მონოჰიდრატი (Pharmatose 200 M), მიკროკრისტალური ცელულოზა (PH 101, PH 102), ჰიდროქსიპროპილმეთილცელულოზა, ნატრიუმის კროსკარმელოზა (Ac-Di-Sol), მაგნიუმის სტეარატი,  Opadry Yellow 20A22156.

ფარმაკოლოგიური თვისებები
ფარმაკოდინამიკა
ლეიკოტრიენები (LTC4, LTD4, LTE4) წარმოადგენს ანთებით ეიკოზანოიდებს, რომლებიც გამოთავისუფლდებიან სხვადასხვა უჯრედებიდან, მათ შორის პოხიერი უჯრედებიდან და ეოზინოფილებიდან. ეს ეიკოზანოიდები უკავშირდებიან სისტემურ ლეიკოტრიენულ რეცეპტორებს (CysLT) ადამიანის სასუნთქ გზებში. სასუნთქი გზების შეშუპება, ბრონქების გლუვი მუსკულატურის სპაზმი, უჯრედების აქტივობის შეცვლა ბრონქული ასთმის პათოფიზიოლოგიაში, რაც დაკავშირებულია ანთებასთან, გამოწვეულია ცისტეინური ლეიკოტრიენების და ლეიკოტრიენების რეცეპტორებთან  შეკავშირებით. მონტელუკასტი – არის პერორალური აქტიური ნაერთი, რომელიც მაღალი მსგავსობით და სპეციფიკურობით უკავშირდება CysLT1 რეცეპტორებს. მონტელუკასტი ძლიერ აინჰიბირებს LTD4-ის ფიზიოლოგიურ მოქმედებას CysLT1 რეცეპტორებზე, და ამასთანავე არ ავლენს რაიმე აგონისტურ აქტივობას.
ფარმაკოკინეტიკა
შეწოვა
მონტელუკასტი შიგნით მიღებისას სწრაფად შეიწოვება. მოზრდილებში 10 მგ შემოგარსული ტაბლეტების უზმოზე მიღებისას პლაზმაში მაქსიმალური კონცენტრაცია (Сmax) მიიღწევა 3-4 საათში (Tmax). საშუალო ბიოშეღწევადობა შიგნით მიღებისას შეადგენს 64%-ს. სტანდარტული საუზმე არ მოქმედებს ბიოშეღწევადობასა და Сmax-ზე. 5 მგ საღეჭი ტაბლეტების უზმოზე მიღებისას მაქსიმალური კონცენტრაცია მოზრდილებში საშუალოდ მიიღწევა 2-2,5 საათში. ბიოშეღწევადობა შეადგენს 73%-ს, სტანდარტული საუზმის შემდეგ – 63%-ს.
2-4 წლის ბავშვებში 4 მგ საღეჭი ტაბლეტის უზმოზე მიღებისას პლაზმაში მაქსიმალური კონცენტრაცია საშუალოდ მიიღწევა 2 საათში.
ფარმაკოკინეტიკა ორი 5 მგ საღეჭი ტაბლეტის მიღებისას, ერთი 10 მგ შემოგარსული ტაბლეტის მიღებასთან შედარებით, შეფასებული არ არის.
განაწილება
სისხლის პლაზმის ცილებს უკავშირდება 99%-ზე მეტით. მონტელუკასტის განაწილების მოცულობა შეადგენს საშუალოდ 8-11 ლიტრს.
მეტაბოლიზმი
მონტელუკასტი აქტიურად მეტაბოლიზდება ღვიძლის ფერმენტებით CYP3A4 ve 2C8/9. თერაპიული დოზების გამოყენებისას პლაზმაში მონტელუკასტის მეტაბოლიტების კონცენტრაცია თანასწორულ მდგომარეობაში მოზარდებში და ბავშვებში არ განისაზღვრება.
გამოყოფა
მონტელუკასტის კლირენსი შეადგენს საშუალოდ 45 მლ/წთ. მონტელუკასტის ნახევარგამოყოფის პერიოდი ჯანმრთელ მოზრდილებში შეადგენს 2,7-5,5 საათს. მონტელუკასტი და მისი მეტაბოლიტები გამოიყოფა თითქმის მხოლოდ ნაღველთან ერთად. დღეში თითო 10 მგ შემოგარსული ტაბლეტის მიღებისას აღინიშნება პლაზმაში აქტიური ნივთიერების ზომიერი (დაახლოებით 14%) დაგროვება.
მონტელუკასტის ფარმაკოკინეტიკა ინარჩუნებს პრაქტიკულად ხაზოვან ხასიათს 50 მგ-მდე დოზის შიგნით მიღებისას.

გამოყენების ჩვენება
ლუკამონტი ნაჩვენებია შემდეგ შემთხვევებში:
–           ბრონქული ასთმის პროფილაქტიკა და ხანგრძლივი მკურნალობა ავადმყოფებში 15 წლის ზემოთ, დღის და ღამის სიმპტომების  თავიდან აცილების ჩათვლით:
–           ალერგიული რინიტის დღის და ღამის სიმპტომების (სეზონური და მუდმივი) შემსუბუქება ავადმყოფებში 15 წლის ზემოთ.

უკუჩვენება
მომატებული მგრძნობელობა პრეპარატის რომელიმე კომპონენტის მიმართ.

განსაკუთრებული მითითება
ლუკამონტის ტაბლეტების ეფექტურობა ბრონქოსპაზმის მოსახსნელად ბრონქული ასთმის შეტევების დროს დადგენილი არ არის, ამიტომ პაციენტებს უნდა დაენიშნოს შესაბამისი სამკურნალო საშუალებები შეტევების მოსახსნელად. ბრონქული ასთმის გამწვავების დროს ლუკამონტის ტაბლეტებით მკურნალობა შეიძლება გაგრძელდეს. ერთდროულად გამოყენებული საინჰალაციო გლუკოკორტიკოსტეროიდების დოზის შემცირება შესაძლებელია თანდათანობით ექიმის მეთვალყურეობის ქვეშ, დაუშვებელია საინჰალაციო ან პერორალური გლუკოკორტიკოსტეროიდების მოულოდნელად ჩანაცვლება ლუკამონტის ტაბლეტებით.
ლუკამონტი არ გამოიყენება ფიზიკური დატვირთვით გამოწვეული ბრონქოსპაზმის დროს.
ფიზიკური დატვირთვის შემდეგ გამწვავებული ბრონქული ასთმის მქონე პაციენტებში შეტევების პროფილაქტიკისათვის საჭიროა საინჰალაციო β-აგონისტების გამოყენების გაგრძელება.
საჭიროა ასპირინის მიმართ მგრძნობიარე ბრონქული ასთმის მქონე პაციენტების გაფრთხილება ასპირინისა და სხვა არასტეროიდული ანთების საწინააღმდეგო საშუალებების მიღებისაგან თავის შეკავების შესახებ პრეპარატ ლუკამონტით მკურნალობის პერიოდში.

პაციენტებში, რომლებიც იღებენ ლუკამონტს, შესაძლებელია სისტემური ეოზინოფილია და იშვიათ შემთხვევებში – ვასკულიტი, ზოგჯერ დიაგნოსტირებული, როგორც ჩარგ-სტრაუსის სინდრომი, და დაკავშირებული გლუკოკორტიკოსტეროიდების სისტემური დოზის შემცირებასთან. აუცილებელია პაციენტების ინფორმირება ეოზინოფილიის, ვასკულარული გამონაყარის, ფილტვის სიმპტომების გაუარესების, კარდიოლოგიური გართულებებისა და ნეიროპათიის შესახებ. გლუკოკორტიკოსტეროიდების სისტემური დოზის შემცირებისას პაციენტებში, რომლებიც იღებენ  ლუკამონტს, რეკომენდებულია სიფრთხილის დაცვა და შესაბამისი კლინიკური დაკვირვების ჩატარება.

არსებობს ცნობები ფსიქონევროლოგიური დარღვევების შესახებ მოზრდილებში, მოზარდებში და ბავშვებში, რომლებიც იღებენ ლუკამონტს. პოსტმარკეტინგულ მონაცემებში არსებობს ცნობები ისეთი დარღვევების შესახებ, როგორიცაა საგანგაშო აღგზნებადობა, აგრესიული ქცევა ან მტრულად განწყობა, შფოთვა, დეპრესია, ძილის დარღვევა, ჰალუცინაციები, უძილობა, მოუსვენრობა, ჭარბი მოძრაობა, სომნამბულიზმი, სუიციდური აზრები და ქცევა (მათ შორის სუიციდის მცდელობები), ტრემორი.
პაციენტებმა და ექიმმა უნდა გამოიჩინონ სიფრთხილე ფსიქონევროლოგიური დარღვევების მიმართ. საჭიროა პაციენტების ინფორმირება  ექიმთან მიმართვის აუცილებლობის შესახებ აღნიშნული სახის დარღვევების გამოვლენისას. აღნიშნული სახის დარღვევების გამოვლენისას ექიმმა ყურადღებით უნდა შეაფასოს პრეპარატი ლუკამონტით მკურნალობის  რისკი და სარგებლიანობა.

გამოყენება ორსულობის დროს და ლაქტაციის პერიოდში
ორსულობა (კატეგორია B)
პრეპარატი ლუკამონტის მიღებასთან დაკავშირებით კონტროლირებადი და ადეკვატური კვლევები ორსულ ქალებში არ ჩატარებულა. ლუკამონტი გამოიყენება ორსულოსბის დროს მხოლოდ მკაცრი აუცილებლობის შემთხვევაში.
ლაქტაცია
ცნობილი არ არის გამოიყოფა თუ არა მონტელუკასტი დედის რძეში. ბევრი პრეპარატი გამოიყოფა დედის რძეში, ამიტომ ლაქტაციის პერიოდში პრეპარატი ლუკამონტის გამოყენებისას  საჭიროა სიფრთხილის დაცვა.
გამოყენება ბავშვებში
არსებობს ცნობები, რომ 4 მგ საღეჭი ტაბლეტების შედარებით კლინიკურ კვლევებში 2-5 წლის, 6-14 წლის ბავშვებისა და მოზარდების ჯგუფში ეფექტურობისა და უსაფრთხოების განსხვავებები არ აღინიშნებოდა. მონტელუკასტის გამოყენების უსაფრთხოება და ეფექტურობა 2 წლამდე ასაკის ბავშვებში შესწავლილი არ არის.
გამოყენება ხანდაზმულ პაციენტებში
ასაკობრივი განსხვავებები ეფექტურობისა და უსაფრთხოებასთან დაკავშირებით არ აღინიშნებოდა.

ზემოქმედება სატრანსპორტო საშუალებებისა და პოტენციურად საშიში მექანიზმების მართვის უნარზე
არ ახდენს მოქმედებას ავტოტრანსპორტისა და მექანიზმების მართვის უნარზე.

გვერდითი მოქმედებები
მონტელუკასტი მთლიანობაში კარგად გადაიტანება. მსუბუქი გვერდითი მოვლენები არ საჭიროებს  პრეპარატის მოხსნას.  გვერდითი მოვლენების ზოგადი სიხშირე შედარებულია პლაცებოსთან. მონტელუკასტით მკურნალობისას  აღინიშნებოდა შემდეგი არასასურველი მოვლენები (სიხშირე 1% და მეტი პლაცებოსთან შედარებით): თავის ტკივილი და აბდომინური ტკივილი. სხვა გვერდითი მოვლენები: მუცლის ტკივილი, გულისრევა, დიარეა, გასტროენტერიტი, გრიპის მსგავსი მოვლენები, ფარინგიტი, სინუსიტი, ხველება, ცხვირის გაჭედვა, დაღლილობა, ძილიანობა.
შეშუპება, ფსიქიკური დარღვევები (მათ შორის საგანგაშო აღგზნებადობადა მოუსვენრობა), ანაფილაქსია, ანგიონევროზული შეშუპება, ჭინჭრის ციება, ტკივილი გულ-მკერდის არეში, კანკალი, სიმშრალე პირის ღრუში, თავბრუსხვევა და არტრალგია არის სავარაუდო, მაგრამ არა დადასტურებული გვერდითი მოქმედებები.
მოულოდნელი ეფექტების გამოვლენის შემთხვევაში მიმართეთ ექიმს.

ურთიერთქმედება სხვა სამკურნალო საშუალებებთან
ლუკამონტი შეიძლება დაინიშნოს სხვა სამკურნალო საშუალებებთან, რომლებიც ტრადიციულად გამოიყენება ბრონქული ასთმის პროფილაქტიკისათვის და ხანგრძლივი მკურნალობისთვის. ურთიერთმედებასთან დაკავშირებით ჩატარებულ კლინიკურ კვლევებში მონტელუკასტის რეკომენდებული კლინიკური დოზა არ ახდენდა კლინიკურად მნიშვნელოვან ეფექტს თეოფილინის, პრედნიზონის, პრედნიზოლონის, პერორალური ჩასახვის საწინააღმდეგო საშუალებების (ეთინილესტრადიოლი/ ნორეტინდრონი 35/1), ტერფენადინის, დიგოქსინისა და ვარფარინის ფარმაკოკინეტიკაზე. ხშირად დანიშნულ თირეოიდულ ჰორმონებთან, სედატიურ საძილე საშუალებებთან, არასტეროიდულ ანთების საწინააღმდეგო საშუალებებთან, ბენზოდიაზეპინებთან, დეკონგენსანტებთან ერთდროულად დანიშვნისას არასასურველი ურთიერთქმედება არ აღინიშნებოდა. ერთჯერადად 10 მგ მონტელუკასტის ფენოფარბიტალთან ერთდროულად დანიშვნისას  მრუდის ქვეშ ფართობი კონცენტრაცია-დრო (AUC) მცირდება დაახლოებით 40%-ით.მონტელუკასტი მეტაბოლიზდება ღვიძლის ციტოქრომა P450 CYP3A4-ით და 2C8/9-ით. P450 CYP3A4-ის ინდუცირების საშუალებებთან, მაგალითად ფენობარბიტალთან და რიფამპიცინთან, ერთდროულად გამოყენებისას აღინიშნება პლაზმაში კონცენტრაციის მნიშვნელოვანი დაქვეითება. პრეპარატის დოზის კორექტირება საჭირო არ არის.
კრაზანას ექსტრაქტთან (St. John’s wort) ერთდროულად გამოყენებისას  შესაძლებელია მონტელუკასტის კონცენტრაციის დაქვეითება.

გამოყენების წესი და დოზები
15 წლის და უფროსი ასაკის პაციენტებში ძილის წინ მისაღები დღე-ღამის დოზა შეადგენს თითო 10 მგ შემოგარსულ ტაბლეტს.

ზოგადი რეკომენდაციები
თერაპილი მოქმედება ბრონქული ასთმის მიმდინარეობის ამსახველ მაჩვენებლებზე ვითარდება პირველი დღის განმავლობაში. ლუკამონტის გამოყენება შეიძლება საკვების მიღებისგან დამოუკიდებლად. პაციენტმა უნდა გააგრძელოს ლუკამონტის მიღება როგორც ბრონქული ასთმის გამწვავების პერიოდში, ასევე მისი სიმპტომების კონტროლირების პერიოდში. ხანდაზმულ პაციენტებში, პაციენტებში თირკმელების უკმარისობით, ასევე ღვიძლის ფუქნციის მსუბუქი ან ზომიერად მძიმე დარღვევებით დოზის სპეციალურ შერჩევას არ საჭიროებს.

პრეპარატ ლუკამონტის დანიშვნა ბრონქული ასთმის მკურნალობის სხვა სახეობებთან კომბინაციაში.
ლუკამონტი შეიძლება დაინიშნოს ბრონქული ასთმის მკურნალობის არსებული რეჟიმის დამატების სახით.
დოზის შემცირება კომბინირებული მკურნალობის დროს
მკურნალობა ბრონქოდილატატორებით: ლუკამონტი შეიძლება დაინიშნოს მკურნალობის დამატების სახით პაციენტებში, რომლებშიც ბრონქული ასთმის კონტროლირება არ ხდება მხოლოდ ბრონქოდილატატორების გამოყენებით. თერაპიული ეფექტის მიღწევისას (ჩვეულებრივ პირველი დოზის შემდეგ), ბრონქოდილატატორების დოზა თანდათანობით უნდა შემცირდეს.
საინჰალაციო გლუკოკორტიკოსტეროიდები: ლუკამონტი შეიძლება დაინიშნოს მკურნალობის დამატების სახით პაციენტებში, რომლებიც იღებენ მკურნალობას საინჰალაციო გლუკოკორტიკოსტეროიდებით. პაციენტის მდგომარეობის გაუმჯობესებისას შეიძლება გლუკოკორტიკოსტეროიდების დოზის თანდათანობით შემცირება. ზოგ პაციენტში საინჰალაციო გლუკოკორტიკოსტეროიდები შეიძლება საერთოდ მოიხსნას.
არ შეიძლება საინჰალაციო გლუკოკორტიკოსტეროიდებით მკურნალობის მოულოდნელად ჩანაცვლება ლუკამონტით.

ჭარბი დოზირება
ცნობები პრეპარატ ლუკამონტით დოზის გადაჭარბების შემთხვევაში სპეციფიკური მკურნალობის შესახებ არ არის.
პერიტონეალური დიალიზის ან ჰემოდიალიზის გზით მონტელუკასტის შესაძლო გამოყოფის შესახებ მონაცემები არ არის.

შენახვის პირობები
პრეპარატი ინახება 25°C-ზე დაბალი ოთახის ტემპერატურის პირობებში, სინათლისაგან და ტენიანობისაგან დაცულ ადგილზე, ბავშვებისათვის მიუწვდომელ ადგილზე, ორიგინალ შეფუთვაში.

ვარგისიანობის ვადა 3 წელი.  პრეპარატი არ გამოიყენება ვარგისიანობის ვადის გასვლის შემდეგ.

მწარმოებელი: DEVA Holding, თურქეთი

გამოშვების ფორმა: 10 მგ აპკიანი გარსით დაფარული ტაბლეტი №28

გაცემის რეჟიმი: II ჯგუფი (გაიცემა ფორმა N3 რეცეპტით)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): მაგნიუმის ოქსიდი/magnesium oxide

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ბიოლოგიურად აქტიური დანამატები

მაგნიუმი  20  შუშხუნა ტაბლეტი
საკვები დანამატი
•          დამატკბობლით
•          არ შეიცავს ასპარტამს

*RDA: რეკომენდირებული დღიური რაციონი

დამხმარე ნივთიერებები:
სორბიტოლი (E 420) (შემავსებელი), ნატრიუმის ჰიდროკარბონატი (E 500 იი) (მჟავიანობის რეგულატორი), ლიმონმჟავა (E 330) (მჟავიანობის რეგულატორი),  მაგნიუმი (მაგნიუმის ოქსიდი),  ღვინის მჟავა (E 334) (მჟავიანობის რეგულატორი), პოლიეთილენგლიკოლი (E 1521) (ემულგატორი), ლიმონის არომატი (არომატიზატორი), სუკრალოზა (E 995) (დამატკბობელი), რიბოფლავინი (ფერის მიმცემი).

ჩვენება:
მაგნიუმის ნაკლებობა
ქრონიკული გონებრივი და ფიხიკური დაღლილობა
აღგზნებადობა
სტრესი

მიღების  წესი და დღიური დოზირება:
რეკომენდირებულია,  ჭამის დროს 11 წელზე ზემოთ მოზარდებში,  ოთახის ტემპერატურის მქონე  ჭიქა წყალში (250 მლ) გახსნილი 1 შუშხუნა ტაბლეტის დალევა დღეში.  ეს საკვები დანამატი განკუთვნილია მოზრდილებისათვის.
•          შეინახეთ ბავშვების მხედველობის არეს მოშორებულ და მიუწვდომელ ადგილას.
•          შეინახეთ მშრალ და გრილ ადგილას

გამოშვების ფორმა: შუშხუნა ტაბლეტი #20
გაცემის რეჟიმი: III ჯგუფი (ურეცეპტოდ)

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): მაგნიუმის სულფატი/magnesium sulfate

აფთიაქები, ფასები, ფასდაკლებები ..

კლინიკურ-ფარმაკოლოგიური ჯგუფი: ორგანიზმში მაგნიუმის შემავსებელი პრეპარატები

შემადგენლობა
მაგნიუმის სულფატი.

ფარმაკოლოგიური თვისებები
საფაღარათო და ნაღვლმდენი საშუალება, ასევე სპაზმოლიზური და კრუნჩხვის საწინააღმდეგო საშუალება. ახასიათებს ანტიარითმიული, სედატიური მოქმედება.

ჩვენებები
ყაბზობა, ქოლანგიტი, ქოლეცისტიტი, ნარვლის ბუშტის დისკინეზია, კუჭნაწლავის გაწმენდა დიაგნოსტიკური მანიპულაციებისას. მძიმე მეტალებით მოწამლვისას (დარიშხანი, ტყვია, ვერცხლისწყალი, ბარიუმი).

მიღების წესები და დოზები
მიიღება უზმოზე ან ჭამამდე 30 წთ-ით ადრე, მოზრდილთათვის 10-30გ გახსნილი 1/2 ჭიქა წყალში, ბავშვებისათვის ასაკის მიხედვით 1გ 1 წელზე. ქრონიკული ყაბზობის დროს გამოიყენება ოყნის სახით 100 მლ 20-30% ხსნარი.

გვერდითი მოვლენები
გულისრევა, ღებინება, კუწ-ნაწლავის დაავადებათა გამწვავება, ელექტროლიტური ბალანსის დარღვევა, მეტეორიზმი, მუცლის ტკივილი სპაზმური ხასიათის, წყურვილი, ჰიპერმაგნიემიის სიმპტომი.

უკუჩვენება
აპენდიციტი, რექტალური სისხლდენა, ნაწლავური გაუვალობა, დეჰიდრატაცია.

ორსულობა და ლაქტაცია
ორსულობისა პრეპარატი მიიღება სიფრთხილით, ექიმთან კონსულტაციით, მხოლოდ იმ შემთხვევაში, როდესაც მოსალონელი შედეგი უფრო მაღალია ვიდრე ნაყოფთან დაკავშირებული რისკი. ლაქტაციის პერიოდში პრეპარატის მიღებისას უნდა შეწყდეს ბავშვის კვება ძუძუთი.

განსაკუთრებული მითითებები
გავლენა ავტომობილების მძღოლებზე და პოტენციურად საშიშ მანქანა-დანადგარებთან მომუშავე პერსონალზე: პრეპარატის მიღება არ არის რეკომენდირებული საჭესთან დაჯდომისა და პოტენციურად საშიშ მანქანა-დანადგარებთან მუშაობის დაწყების წინ.
გამოყენების თავისებურებები: პრეპარატი მიიღება ფრთხილად გულის ბლოკადის, მიოკარდის დავადების, ქრონიკული თირკმლის უკმარისობის, სუნთქვის სისტემის დაავადების, კუჭ-ნაწლავის მწვავე დაავადებების დროს და ორსულობისას.

ჭარბი დოზირება
ჰიპერდოზირებისას ვლინდება გულისრევა, ღებინება, სუნთქვის დაქვეითება. მაგნიუმის სულფატის ჰიპერდოზირებისას ანტიდოტად გამოიყენება კალციუმის ქლორიდი ან გლუკონატი. მკურნალობა სიმპტომატურია.

სხვა წამლებთან ურთიერთქმედება
პრეპარატის და მიორელაქსანტების ერთდროულად მიღებისას ძლიერდება პერიფერიული მიორელაქსანტების მოქმედება.

ტეტრაციკლინის ჯგუფის ანტიბიოტიკებთან ერთად იკლებს მათი მოქმედება იმდენად, რამდენადაც მცირდება მათი აბსორბცია კუწ-ნაწლავის ტრაქტიდან. ნიფედიპინთან ერთდროულად მიღებისას შეინიშნება გამოხატული კუნთოვანი სისუსტე.

მცირდება ასევე ანტიკოაგულანტების ეფექტი, საგულე გლიკოზიდების და ფენოთიაზინების (განსაკუთრებით ქლორპრომაზინის). მცირდება ციპროფლოქსაცინის, სტრეპტომიცინის და ტობრამიცინის ეფექტი.

ფარმაცევტულად შეუთავსებელია Ca 2+ პრეპარატებთან (გამოიყოფა ნალექი), ეთანოლთან (მაღალ კონცენტრაციაში), კარბონატებთან, ჰიდროკარბონატებთან და ტუტე მეტალების ფოსფატებთან. ასევე შეუთავსებელია დარიშხანის მჟავას მარილებთან, ბარიუმთან, სტრონციუმთან, პოლიმიქსინის სულფატთან, პროკაინის ჰიდროქლორიდთან, სალიცილიტებთან და ტარტრატებთან.

შენახვის პირობები და ვადები
შენახვის პირობები: ადგილას ოთახის ტემპერატურაზე.

ვარგისიანობის ვადა: 5 წელი.

მწარმოებელი: ეუბიოტიკები, საქართველო
გამოშვების ფორმა: მარილი – ფხვნილი 25გ პაკეტი #1
გაცემის რეჟიმი: III ჯგუფი (ურეცეპტოდ)

გაფრთხილება

სპირილები
(ლათ.Spirillum) – ბაქტერიების გვარი, გააჩნიათ ჩაზნექილი სპირალური ან  ჩხირის ფორმა. გრამუარყოფითი ბაქტერიებია. სპორებს არ წარმოქმნიან, მოძრაობენ. სპირილები საფროფიტებია, ბინადრობენ მტკნარ და მლაშე წყალსაცავებში.

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (მოქმედი ნივთიერება): მაგნიუმის სულფატი/MAGNESII SULFATUM

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ვაზოდილატაციური საშუალება

შემადგენლობა და გამოშვების ფორმა:
საინექციო ხსნარი 25%: ამპულაში 5 მლ, შეფუთვაში 10 ც.
1 მლ 1 ამპ.
მაგნიუმის სულფატი…………….. 250 მგ 1.25 გ

ფარმაკოლოგიური თვისებები:
მაგნიუმის სულფატი-დარნიცა ორგანიზმზე ახდენს მრავამხრივ მოქმედებას. პარენტერალური შეყვანისას ახდენს დამამშვიდებელ მოქმედებას ცენტრალურ ნერვულ სისტემაზე (დოზის მიხედვით შესაძლოა გამოვლინდეს სედატიური, ძილის ან ნარკოტიკული ეფექტი). თრგუნავს ნერვ-კუნთოვან გამტარობას, ამცირებს სასუნთქი ცენტრის აგზნებადობას, ამცირებს არტერიულ წნევას (განსაკუთრებით არტერიული ჰიპერტენზიის ფონზე), გააჩნია სპაზმოლიტიკური ეფექტი შარდის შეკავებისას.

ფარმაკოკინეტიკა:
მაგნიუმის სულფატი-დარნიცა გამოიყოფა თირკმელებით, დიურეზის გაძლიერებით.

ჩვენებები:
პრეპარატი გამოიყენება როგორც დამამშვიდებელი, სპაზმოლიტიკური, ნაღველმდენი და კრუნჩხვების საწინააღმდეგო საშუალება.
ენიშნებათ პაციენტებს ჰიპერტონიული დაავადების ადრეულ სტადიაში, ჰიპერტონული კრიზის, ათეროსკლეროზის, ტყვიის კოლიკის და შარდის შეკავების დროს, მშობიარობის გაუტკივარების, ორსულების ტოქსიკოზის დროს; ჰიპომაგნეზემიის პროფილაქტიკა და მკურნალობა.

გამოყენების წესი და დოზები:
I-II სტადიის ჰიპერტონიული დაავადების დროს შეიყვანება ყოველდღიურად ი/კ მკურნალობის კურსზე – 15-20 ინექცია. გარდა ამისა არტერიული წნევის დაწევისას შესაძლოა გამოვლინდეს სტენოკარდიის გამოხატულობის შემცირება.
ჰიპერტონული კრიზისას ი/კ და ი/ვ ნაკადად (ნელა) შეიყვანება 10-20 მლ 20%-25% ხსნარი.
მშობიარობის გაუტკივარებისათვის ი/კ შეიყვანება 5-10-20 მლ პრეპარატის 25% ხსნარი, ხოლო საჭიროების შემთხვევაში ხდება  მაგნიუმის სულფატი-დარნიცას და ანალგეტიკების კომბინირება.
ორსულთა გვიანი ტოქსიკოზისას 1-2-ჯერ დღე-ღამეში ი/კ შეიყვანება 10-20 მლ პრეპარატის 25% ხსნარი (შეიძლება შეუთავსდეს ნეიროლეპტიკებს).
კრუნჩხვით მდგომარეობებში ი/კ შეიყვანება 5-10-20 მლ პრეპარატის 25% ხსნარი.
ტყვიის კოლიკის და შარდის შეკავების დროს ი/კ შეიყვანება 5-10 მლ 10-20% ხსნარი, ხოლო ი/ვ – 5-10 მლ 5% ხსნარი (ასევე ინიშნება ოყნის სახით).
როგორც ნაღველმდენი საშუალება ინიშნება შინაგანად 1 სუფრის კოვზი 20-25% ხსნარი 3-ჯერ დღე-ღამეში.
ახალშობილის ორგანიზმში მაგნიუმის დეფიციტის ლიკვიდირებისათვის ინიშნება მაგნიუმის სულფატის 25% ხსნარი 0.5-0.8 მლ/ს.წ.კგ ერთხელ დღეში 5-8 დღის განმავლობაში; ბავშვებში მშობიარობისას მძიმე ჰიპოქსიით შეყვანა იწყება 0.2 მლ/კგ-ით, მე-3-4-ე დღისათვის დოზის მომატებით 0.8 მლ-კგ-მდე.
ბავშვებისათვის სითხეების შინაგანად შესხმისას აუცილებელია მაგნიუმის სულფატის 25% ხსნარის დამატება დღე-ღამის დოზით 0.5-0.75 მოლი/კგ, შესასხმელი ხსნარის მთელს მოცულობაში მისი გაზავებით.

გვერდითი მოქმედება:
ღებინება, სუნთქვის გართულება.

უკუჩვენებები:
ჰიპერმგრძნობელობა პრეპარატის მიმართ. არტერიული ჰიპოტენზია, მდგომარეობები, განპირობებული კალციუმის დეფიციტით და სასუნთქი ცენტრის დათრგუნვით, კახექსია. პრეპარატის გამოყენება ორსულობის დროს რეკომენდებულიI არ არის.

ურთიერთქმედება სხვა სამკურნალო საშუალებებთან:
კალციუმის იონები ახდენს ანტაგონისტურ მოქმედებას მაგნიუმის იონების მიმართ.
პერიფერიული მოქმედების მიორელაქსანტებთან ერთად გამოყენებისას ხდება ნერვ-კუნთოვანი გადაცემის დათრგუნვის გაძლიერება.

ჭარბი დოზა:
სიმპტომები: სუნთქვის გართულება.
მკურნალობა: პრეპარატის ჭარბი დოზის დროს როგორც ანტიდოტი გამოიყენება კალციუმის პრეპარატები – კალციუმის ქლორიდი ან კალციუმის გლუკონატი. ასევე ტარდება ჟანგბადის ან კარბოგენის ინჰალაცია, ფილტვების ხელოვნური ვენტილაცია (ფხვ).

გამოყენების განსაკუთრებულობანი:
მშობიარობის გაუტკივარების შემთხვევაში გათვალიწინებული უნდა იყოს საშვილოსნოს კუნთების კუმშვის უნარის დათრგუნვა, როც მოითხოვს მშობიარობის მასტიმულირებელი საშუალებების გამოყნებას.

შენახვის პირობები:
ინახება მშრალ, სინათლისაგან დაცულ და ბავშვებისათვის მიუწვდომელ ადგილას, ტემპერატურაზე 15-25°C.

ვარგისიანობის ვადა – 3 წელი.

გაცემის პირობები: რეცეპტით.

მწარმოებელი: DARNITSA