ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ჰომეოპათიური საშუალებები
გაჩნია მატონიზირებელი და ბიომასტიმულირებელი ეფექტი, შემუშავებულია ჰომეოპათიური ტექნოლოგიის საფუძველზე. ხელს უწყობს კანში ტენის ბუნებრივი დონის გაწონასწორებას და შენარჩუნებას. ავლენს ფლებოტონურ ეფექტს, ასტიმულირებს მიკროცირკულაციას ფეხის ქსოვილებში, ახასიათებს მიოტონური და ლიმფოდრენაჟული ეფექტი.

შემადგენლობა
Hamamelis virginiana, Arnica montana, Ascorbic acid, Calendula officinalis, Connective tissue extract, Ruscus aculenatus, Vaccinium myrtillus, Parfum

ჩვენებები
ვენურ-ლიმფური უკმარისობა, `მძიმე ფეხების~ შეგრძნება

შეფუთვა, დოზირება
წაისვით დილით და საღამოს, ფეხების მთელ სიგრძეზე ქვემოდან ზემოთ, მასაჟის მსუბუქი მოძრაობებით.

გამოშვების ფორმა: 75 მლ კრემი ტუბი #1

გაცემის რეჟიმი: III ჯგუფი (ურეცეპტოდ)

მწარმოებელი: GUNA, იტალია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ვიტამინები, პოლივიტამინები, მიკროელემენტები

შემადგენლობა:
ვიტამინების, მინერალების, ამინო და ცხიმოვან მჟავების ბალანსირებულ ნაკრები, რომელიც აუცილებელია თმის, კანის და ფრჩხილების მუდმივი განახლებისა და ჯანმრთელობისთვის.

ომეგა-3-ში შემავალი DHA და EPA ხელ უწყობს კანის და თმის ფოლიკულების ლუბრიკაციას, რითაც მათ ანიჭებს ელასტიურობას და ბრწყინვალებას. DHA და EPA-ს დეფიციტი იწვევს ქერტლიანობას, თმის გათხელებას, ეგზემას, ფსორიაზს, ასაკობრივ ლაქებს. მისი ანტიანთებითი მოქმედება ხელს უშლის  მზით სხივებით გამოწვეული კანის ანთებით პროცესების მიმდინარეობას.
ვიტამინი C (ასკორბინის მჟავა) ძლიერი ანტიოქსიდანტია. აუცილებელი კომპონენტია თმის, ფრჩხილების და კანის მეტაბოლური პროცესების ნორმალური მიმდინარეობისთვის. მნიშვნელოვანია კოლაგენის Borage oil-ში  შემავალი გამა-ლინოლენის მჟავა  ამცირებს თმის ფოლიკულების ანთებას, რითაც  ხელს უწყობს მათ  გაჯანსაღებას და თმის ცვენის შეჩერებას.
L-ცისტეინი  – არაესენციური ამინოჟავაა, რომელიც კერატინის სტრუქტურის მნიშვნელოვანი კომპონენტია. ამყარებს ცილების სტრუქტურას, ხელს უწყობს კოლაგენის სინთეზს  და  კანის, თმისა და ფრჩხილების ჯანსაღი ტექსტურისა და ელასტიურობის შენარჩუნებას.
რკინა ხელს უწყობს  თმის ფოლიკულების  ჟანგბადით გამდიდრებას.
ვიტამინი B3 (ნიაცინამიდი, ვიტამინი PP) ასტიმულირებს თმის ზრდის პროცესს. აუმჯობესებს  კანის ნორმალურ ფუნქციონირებას.
თუთია მნიშვნელოვან როლს ასრულებს კანის უჯრედების რეგენერაციაში. მისი მიღება უმნიშვნელოვანესია აკნეს, ფსორიაზის და დერმატიტების დროს.  ხელს უშლის თმის ცვენას, ფრჩილების მტვრევადობას და თეთრი ხაზების წარმოქმნას.
ვიტამინი E (ტოკოფეროლი) ძლიერი ანტიოქსიდანტია. კანს იცავს თავისუფალი რადიკალებისა და მზის სხივებით გამოწვეული ანთებითი დაზიანებებისგან, შესაბამისად – დაბერებისა და ულტრაიისფერი სხივებით გამოწვეული კანის სიმსივნური დაავადებებისგან.
ვიტამინი B5 (კალციუმის პანთოტენატი) ხელს უწყობს კერატინოციტების დიფერენცირებას, რომელიც მნიშვნელოვანია კანის ბარიერული ფუნქციის შესანარჩუნებლად. ასტიმულირებს  თმის და ფრჩხილის სხვა მნიშვნელოვანი კომპონენტების სინთეზს. ზრდის ორგანიზმში გლუტათიონის დონეს, რომელიც იცავს უჯრედის მემბრანას ოქსიდაციური სტრესისგან, შედეგად კანი ინარჩუნებს ჯანსაღ ელფერს.
მაგნიუმის ოქსიდი  წარმოადგენს თმის ზრდის ეფექტურ სტიმულატორს.
ვიტამინი B12 (ციანკობალამინი) აუცილებელია ჰემოგლობინის სინთეზისათვის და ნორმალური სისხლის მიმოქცევისათვის. აუმჯობესებს კანის სტრუქტურას, ატენიანებს მას და იცავს გამოშრობისგან. არეგულირებს კანის პიგმენტაციას. იცავს მას  ვიტილიგოს განვითარებისგან. აქვს ეგზემის საწინააღმდეგო მოქმედება.  კანს უნარჩუნებს ახალგაზრდულ ჯანმრთელ იერს. ამაგრებს თმის ძირებს, ხელს უწყობს თმის ზრდას და ხელს უშლის მის ცვენას. ამაგრებს და აჯანსაღებს ფრჩხილებს.
ვიტამინი B6 (პირიდოქსინი) მონაწილეობს ცისტეინის სინთეზში, რომელიც კერატინის მნიშვნელოვანი კომპონენტია, როთაც ხელს უწყობს თმისა და ფრჩხილების სიჯანსაღეს.
ვიტამინი B2(რიბოფლავინი) წარმოადგენს  კატალიზატორს ქსოვილოვანი სუნთქვის პროცესებში რის შედეგადაც აუმჯობესებს კანის მდგომარეობას.
ვიტამინი (B1თიამინი) –  მოქმედებს, როგორც ანტიოქსიდანტი. მნიშვნელოვან როლს თამაშობს კოლაგენის რეგენერაციაში.
ფოლიუმის მჟავა ხელს უწყობს სისხლის წითელი უჯრედების წარმოქმნას, თმის ფოლიკულების ჟანგბადით მომარაგებას და მათ ნორმალურ ფუნქციონირებას, თმის ცვენის შეჩერებას და მის შეუფერხებელ ზრდას.
ბიოტინის ამცირებს ანთებითი პროცესებს  ფოლიკულებში.   აუმჯობესებს კერატინის სტრუქტურას, ხელს უწყობს თმის გასქელებას და მის ჯანსაღ ზრდას, ამაგრებს ფრჩხილებს.

ჩვენებები:
– სხვადასხვა ეტიოლოგიის თმის ცვენა (მედიკამენტოზური, ჰორმონალური, უცნობი ეტიოლოგიის)
– თმის სტრუქტურის დაზიანება
– ფრჩხილების სტრუქტურის დაზიანება, ზრდის დარღვევა, თეთრი ხაზები ფრჩხილებზე
– კანის სიმშრალე და ელასტიურობის დაქვეითება
– ნაოჭების პრევენცია

მიღების წესი და დოზირება:
1 კაფსულა 1 X დღეში

გამოშვების ფორმა: 540 მგ ტაბლეტი #30

გაცემის რეჟიმი: III ჯგუფი (ურეცეპტოდ)

მწარმოებელი: Laboratorios BIO-DIS ESPANA, ესპანეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ბიოლოგიურად აქტიური დანამატები

შემადგენლობა:
ვიტამინი C (მიღებული აცეროლას ფხვნილისგან) 50მგ
ვიტამინი E (მიღებული ხორბლის მარცვლის ჩანასახის ზეთისგან)  36მგ
სელენი (საფუარა უჯრედიდან)   100მკგრ.
ნატურალური კაროტინოიდი 3მგ
ლიკოპინი 1მგ
ლუთეინი
ზეაქსენტინი
სელენი წარმოადგენს შეუცვლელ  მინერალს ორგანიზმის  ბიოქიმიური  პროცესების ნორმალურად მიმდინარეობისათვის,სელენის დეფიციტი  იწვევს იმუნური სისტემის დაასუსტებას,ფარისებრი ჯირკვლის ფუნქციის  გაუარესებას, დისტროფიულ ცვლილებებს გულის კუნთში და ზოგადად  კუნთოვან ქსოვილში, ნაადრევ დაბერებას, სიმსივნის განვითარებისთვის ხელშეწყობას, ღვიძლის დაზიანებას. სელენი მნიშვნე -ლოვანი შემადგენელი კომპონენტია ფერმენტ გლუტათიონპეროქსიდაზას.ეს უკანასკნელი კი პასუხისმგე- ბელია თავისუფალი რადიკალების ბლოკირებაზე.
სელენი ასევე დადებით გავლენას ახდეენს რეპროდუქციული სისტემის აქტიურ ფუნქციონირებაზე: ზრდის  სპერმატოზოიდების მოძრაობით აქტივობას,  მონაწილეობს განაყოფიერების პროსესში, ამცირებს თვითნებური აბორტის რისკს.ის ასევე მნიშვნელოვან გავლენას ახდენს  მხედველობის ორგანოს, კანის, თმოვანი საფარველის ნორმოფუნქციურ მდგომარეობაზე.
C ვიტამინის ორგანიზმში არ სინთეზირდება და  მიღების ერთადერთი გზა არის    საკვები ან ვიტამინის სახით. C ვიტამინის უზრუნველყოფს ნახშირწყლების და ცხიმების ათვისებას, გავლენას ახდენს სისხლძარღვის კედლის გამავლობაზე, სისხლის შედედების პროცეზე, იმუნური სისტემის გამართულმუშაობაზე, ამცირებს თვალის ისეთი დაავადებების რისკს, როგორიცაა: კატარაქტა და მაკულარული, დეგენერაცია.
ვიტამინები A, C და E  Se-თან ერთად კომბინაციაში უზრუნველყოფენ:
მხედველობის ორგანოს მძლავრ ანტიოქსიდანტურ დაცვას, ასუსტებენ აგრესიული ფაქტორების ზემოქმედების არასასურველ შედეგებს, ხელს უწყობენ თვალის სისხლძარღვების მდგრადობას.
ჩვენი თვალი ღია ფანჯარაა სამყაროსთან დასაკავშირებლად, რომელიც გვაძლევს საშუალებას აღვიქვათ იგი ურიცხვ ფერებში. თვალი იმ ორგანოთა რიცხვს
მიეკუთვნება, რომელთა ტრანსპლანტაცია მეცნიერებისა და პრაქტიკის დონეზე პრობლემად რჩება, რადგან მას მილიონზე მეტი ნერვული ბოჭკო აკავშირებს
თავის ტვინთან. ამ კავშირის რეკონსტრუქცია კი დღესდღეობით შეუძლებელია. ადამიანი გარემოსგან მიღებული ინფორმაციის 80% -ს მხედველობის ორგანოთი
ლუთეინი და ზეაქსენტინი წარმოადგენენ სინათლის მაღალენერგეტიკული ცისფერი ტალღების (UV) ფილტრებს და თვალს
იცავენ მზის მავნე დაზიანებისაგან. ბუნებაში აღმოჩენილი 600 კაროტინოიდიდან მხოლოდ ეს უკანასკნელნი არიან დიდი დოზით
თვალის ბადურაში (მაკულა). ლუთეინისა და ზეაქსენტინის რაოდენობა მაკულაში, განსაზღვრავს მაკულარული პიგმენტის
ოპტიკურ სიმკვრივეს (MPOD),რომელიც ბოლო პერიოში მნიშვნელოვანი ბიომარკერი გახდა მხედველობის ორგანოს
დაავადებების წინასწარ დიაგნოსტიკაში. სამწუხაროდ, ადამიანის ორგანიზმი თავად არ ასინთეზირებს ლუთეინსა და ზეაქსენტინს,
ამიტომ მათი ორგანიზმში მოხვედრის გზა მხოლოდ ეგზოგენურია.

ჩვენებები:
– სელენის დეფიციტის  პროფილაქტიკა, მკურნალობა
– არახელსაყრელ გარემო პირობებში ყოფნა
– მავნე ჩვევების უარყოფითი ეფექტების შესუსტება
– იმუნური სისტემის გასაძლიერებლად
– მამაკაცებში უშვილობის სამკურნალოდ
– ფარისებრი ჯირკვლის პათოლოგია
– სიმსივნური პროცესების დროს
– თმის ცვენა,ფრჩხილების მტვრევა
– ძვალსახსროვანი პათოლოგია

მიღების წესი:

1 კაფსულა ერთხელ დღეში საკმაო ოდენობით წყალთან ერთად. პრეპარატი მიიღება ხანგრძლივად (1-3 თვე)
წარმოადგენს ბიოლოგიურად აქტიურ დანამატს.

გამოშვების ფორმა: კაფსულა #60

გაცემის რეჟიმი: III ჯგუფი (ურეცეპტოდ)

მწარმოებელი: DR. Wolz, გერმანია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

ადამიანის ცრემლი შესამჩნევი სითხეა და ამას ძალიან მნიშვნელოვანი დანიშნულება გააჩნია. ცრემლი შეიცავს   ნატურალური კომპონენტების რაოდენობას, რომელიც კომბინირდება რათა წარმოიქმნას დამცავი ფენა თვალის ზედაპირზე რასაც ცრემლის ფენა ეწოდება. ცრემლის ფენა იცავს და ტენიანობას ანიჭებს თვალს ყოველდღე რათა შენარჩუნებულ იქნეს მისი ჯანმრთელობა და კომფორტულობა.

ზოგიერთ ადამიანს ცრემლი მცირე რაოდენობით აქვს.
მრავალი ადამიანი აპროდუცირებს მცირე რაოდენობით ცრემლს ან კიდევ ცრემლს, რომელსაც აკლია მნიშვნელოვანი კომპონენტები. ცრემლის ნაკლებობამ ან   ნაკლოვანმა ცრემლმა შეიძლება გამოიწვიოს ცრემლის ფენის დაზიანება, და რქოვანაზე მშრალი ლაქების წარმოქმნა.   ეს იწვევს მშრალი, მგრძნობიარე თვალის სიმპტომებს გაღიზიანებული, ქვიშით სავსე თვალის შეგრძნებას, წვას, დაღლილობას ან უბრალოდ დისკომფორტს. მშრალმა თვალმა შეიძლება გამოიწვიოს გაძლიერებული ცრემლდენა თვალის ზედაპირის სინოტივის შესანარჩუნებლად, თუმცა ამ ცრემლებს მაინც აკლია საჭირო კომპონენტები, ამდენად მშრალი თვალი მაინც მნიშვნელოვან პრობლემად რჩება.

მშრალი თვალი ძირითადად აღინიშნება ხანდაზმულებში, განსაკუთრებით ქალებში. დაბერებასთან ერთად, ორგანიზმი აპროდუცირებს ნაკლებ სითხეს, ცრემლების ჩათვლით.   უარყოფითმა გარემო პირობებმა როგორიცაა მშრალი ჰაერი, ნისლი, თამბაქო და ქარი შეიძლება გაამწვავონ მდგომარეობა. ხშირად ალერგიები, ვიტამინების დეფიციტი და ართრიტი იწვევს ცრემლის გარსის მხრივ პრობლემებს.

ნატურალური ცრემლი  II ლუბრიკანტული თვალის წვეთები
უფრო ნატურალური რელიეფი მშრალი, მგრძნობიარე თვალისთვის.
მშრალი თვალების სიმპტომები შეიძლება წარმატებით იქნას ნამკურნალები ნატურალური ცრემლი  II ლუბრიკანტული თვალის წვეთებით, რაც ჩაენაცვლება საჭირო ცრემლის კომპონენტებს გაღიზიანებული თვალების დასამშვიდებლად.
მისი გაუმჯობესებული ფორმულა მუშაობს უფრო ბუნებრივად.
ნატურალური ცრემლი  II შეიცავს დამატენიანებელი აგენტის საჭირო რაოდენობას და სხვა ელემენტებს. იგი კომბინირდება ადამიანის საკუთარ ცრემლთან უფრო რბილი, სრული რელიეფისთვის.
ნატურალური ცრემლი  II ლუბრიკანტული თვალის წვეთები ერთადერთი ლუბრიკანტული თვალის წვეთებია დაცული და უსაფრთხო, არამასენსიბილიზებელი Polyquad 0.001%- ით. ინ ვიტრო კვლევებმა აჩვენა, რომ Polyquad 0.001%-ი რეალურად თავიდან იცილებს ეპითელური უჯრედების დამაზიანებელ ეფექტებს, რასაც შესაძლებელია ადგილი ჰქონდეს ცრემლის სხვა შემცვლელი საშუალებების გმოყენებისას და იგი იძლევა ეპითელური უჯრედების ზრდის საშუალებას. Polyquad 0.001%-ი 99%- ით რეაქცია თავისუფალია ნორმალურ სუბიექტებში ხოლო 97%- ით თავისუფალია დამცავი საშუალებებისადმი მგრძნობიარე პირებში.
უნიკალური ფორმულისა და მისი ნეიტრალური pH- ის გამო, დაბალი წებოვნების და იზოტონურობის გამო, ნატურალური ცრემლი  II უზრუნველყოფს კომფორტს და ხანგრძლივ გაუმჯობესებას მშრალი თვალებისთვის.
სტერილური – მხოლოდ ადგილობრივად – თვალში ჩასაწვეთებლად.

შემადგენლობა:
ყოველი მლ შეიცავს:
აქტიური: დუასორბი, წყალში ხსნადი პოლიმერული სისტემა დექსტრან 0.1% და ჰიდროქსიპროპილმეთილცელულოზა 2910 0.3% შემცველი.

დამცავი საშუალება: პოლიქადი  (პოლიკვატერნიუმ -1) 0.001%.

არააქტიური: ნატრიუმის ბორატი, კალიუმის ქლორიდი, ნატრიუმის ქლორიდი, გამოხდილი წყალი. შეიძლება შეიცავდეს მარილმჟავას და / ან ნატრიუმის ჰიდროქსიდს pH- ის ნორმალიზებისთვის.

ჩვენება:
თვალის წვისა და გაღიზიანებისას მდგომარეობის დროებითი გაუმჯობესებისთვის რაც გამოწვეულია თვალის სიმშრალით და მისი შემდგომი გაღიზიანებისგან დასაცავად. დროებითი გაუმჯობესებისთვის მცირე გაღიზიანებისგან გამოწვეული დისკომფორტისას ან თვალის ქარზე ან მზეზე ექსპოზიციისას.

მიმართულებები:
იწვეთებენ 1 ან 2 წვეთს დაზიანებულ თვალში საჭიროების შემთხვევაში.

სიფრთხილე:
თვალის ტკივილის, მხედველობის ცვლილებების, მზარდი სიწითლის ან თვალის გაღიზიანების შემთხვევაში,   თუ მდგომარეობა უარესდება ან პერსისტირებს 72 საათზე მეტი ხნის განმავლობაში მისი გამოყენება უნდა შეწყდეს და პაციენტმა უნდა მიმართოს ექიმს.
თუ ხსნარი ფერს იცვლის ან მღვრიე ხდება იგი არ უნდა გახსნან.
დაბინძურების თავიდან ასაცილებლად არ შეიძლება კონტეინერის შეხება სხვა საგნებთან. სახურავი უნდა დააბრუნონ თავის ადგილას გამოყენების შემდეგ. ეს წამალი უნდა ინახებოდეს ბავშვებისთვის მიუწვდომელ ადგილას. შემთხვევითი შეწოვის შემთხვევაში უნდა მიმართონ პროფესიონალს ან დაუკავშირდნენ შხამების კონტროლის ცენტრს.
პრეპარატი უნდა გადააგდონ მისი გახსნიდან 1 თვის შემდეგ.

გამოშვების ფორმა: დაბალი სიმკვრივის პოლიეთილენის 15 მლ დროპ – ტეინერში.

შენახვა: ინახება ოთახის ტემპერატურაზე.

შენახვის ვადა: 24 თვე

გაცემის წესი: ურეცეპტოდ

სამი იოლი ნაბიჯი ნატურალური ცრემლი  II ლუბრიკანტული თვალის წვეთების გამოყენებისთვის
თავი უკან უნდა გადაწიონ.
თითი უნდა მოათავსონ თვალის ქვეშ და ქვემოთ ჩამოწიონ სანამ “V” – ს ფორმის ჯიბე არ წარმოიქმნება თვალსა და ქვედა ქუთუთოს შორის.
ჩაიწვეთონ 1 ან 2 წვეთი. უნდა ეცადონ რომ არ მოხდეს პიპეტის თვალთან შეხება.
უფრო ბუნებრივი გაუმჯობესება მშრალი, მგრძნობიარე თვალისთვის.

მწარმოებელი: ALCON-COUVREUR, B-2870 Puurs, Belgium

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): უბიდეკარენონი/ubidecarenone

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ბიოლოგიურად აქტიური დანამატები

შემადგენლობა
1 კაფსულა შეიცავს
აქტიური ნივთიერება:
უბიდეკარენონი (კოენზიმი Q10)-30მგ
დამხმარე ნივთიერებები:
სოიოს ლეციტინი, სოიოს ზეთი, ქოქოსის ზეთი, პალმის ზეთი, ჟელატინი, გლიცეროლი, სორბიტოლი, ასეპტინ A (ნატრიუმის მარილი), ასეპტინ P (ნატრიუმის მარილი), რკინის შავი ოქსიდი.

ფარმაკოლოგიური თვისებები
კოენზიმი Q10 აძლიერებს ენერგიის ცვლის პროცესებს უჯრედებში, განსაკუთრებით მიოკარდიუმის და ჩონჩხის კუნთების უჯრედებში. ხასიათდება ანტიოქსიდანტური თვისებებით. იგი აძლიერებს ორგანიზმის დაცვით ფუნქციას ჟანგბადის თავისუფალი რადიკალების ზემოქმედებისაგან.
ხასიათდება აგრეთვე ათეროსკლეროზის საწინააღმდეგო, ჰიპოტენზიური და იმუნომასტიმულირებელი მოქმედებით.

ჩვენებები
კარდიოვასკულური დარღვევების დროს:
-კარდიომიოპათია და ცირკულატორული დარღვევები;
გულის იშემიური დაავადებები;
-არტერიული ჰიპერტენზია;
-არითმია;
-ათეროსკლეროზის პროფილაქტიკა;
-პაროდონტოპათიები;
-კრუნჩხვები, მომატებული ფიზიკური და ფსიქიკური გადაღლილობა;
-სპორტსმენებში;
-ხანდაზმულ პაციენტებში, რომლებშიც პრეპარატის ფიზიოლოგიური მაჩვენებელები სისხლში და ქსოვილებში ქვეითდება ასაკთან ერთად.

მიღების წესები და დოზები
პროფილაქტიკის მიზნით: 1-3 კაფსულა დღეში.
მკურნალობის მიზნით: პრეპარატი ინიშნება ექიმის მიერ.
რეკომენდებული დოზა შეადგენს 30-დან 90მგ-მდე 3-ჯერ დღეში.
პრეპარატის მიღება უმჯობესია საკვების მიღების შემდეგ.
თერაპიული ეფექტი იწყება მკურნალობიდან რამოდენიმე კვირის შემდეგ. პრეპარატის მიღების შეწყვეტა ექმთან კონსულტაციის გარეშე არ არის ნებადართული.

გვერდითი მოვლენები
პრეპარატით ხანგრძლივი მკურნალობის დროს შესაძლებელია კუჭ-ნაწლავის ტრაქტის მხრივ დარღვევები 0.39%, მადის დაქვეითება 0.23%, გულისრევა 0.16% და დიარეა 0.11%. კანის ჰიპერემია.

უკუჩვენება
პრეპარატის კომპონენტების მიმართ მომატებული მგრძნობელობა.

ორსულობა და ლაქტაცია
ორსულობის და ლაქტაციის პერიოდში პრეპარატის გამოყენება არ არის ნებადართული.

განსაკუთრებული მითითებები
მკურნალობის პროცესში აღინიშნება დეჰიდროგენაზას ლაქტატის და ტრანსამინაზების მაჩვენებელების მომატება სისხლში.
სატრანსპორტო საშუალებების მართვის უნარზე ზემოქმედება:
საჭიროა ავტოტრანსპორტის მართვისა და მექანიკურ დანადგარებთან მუშაობისაგან თავის შეკავება, რომელიც მოითხოვს გაძლიერებულ ყურადღებას და მოძრაობის კოორდინაციის სიზუსტეს.

სხვა წამლებთან ურთიერთქმედება
პრეპარატი აძლიერებს დიურეზული საშუალებების, საგულე გლიკოზიდების და ნიტრატების მოქმედების ეფექტს. იგი აძლიერებს ვიტამინ E–ს ანტიოქსიდანტურ თვისებას და L-კარნიტინის მეტაბოლიზმს და ცირკულაციას. იგი ახანგრძლივებს ენალაპრილის და ნიტრენდიპინის ჰიპოტენზიურ ეფეტს. პრეპარატი ამცირებს სტატინებით გამოწვეულ არასასურველ ეფექტებს და აქვეითებს B-ბლოკატორების კარდიოდეპრესიულ მოქმედებას. კოენზიმი Q10 ამცირებს ციტოსტატური ანტრაციკლინური ანტიბიოტიკების კარდიოტოქსიკურ ეფექტს. აინჰიბირებს ვარფარინის ანტიაგრეგანტულ და ანტითრომბოზულ აქტივობას.

შენახვის პირობები და ვადები
პრეპარატი ინახება არაუმეტეს 15-25oC ტემპერატურაზე, სინათლისა და ბავშვებისაგან დაცულ ადგილას.
ვარგისიანობის ვადა-3 წელი

გამოშვების ფორმა: 30 მგ კაფსულა #30

გაცემის რეჟიმი: III ჯგუფი (ურეცეპტოდ)

მწარმოებელი:: HASCO-LEK, სლოვენია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

ფარმაკოლოგიური თვისებები
ნაფაზოლინს პერიფერიული სისხლძარღვების მიმართ გააჩნია გამოხატული სისხლძარღვების შემავიწროვებელი მოქმედება, რაც განპირობებულია მისი ალფა-ადრენორეცეპტორებზე ზემოქმედებით. პრეპარატი ლორწოვან გარსზე მოხვედრისას იწვევს შეშუპების საწინააღმდეგო მოქმედებას. ვენოზურ სინუსებში სისხლის ნაკადის შემცირების შედეგად იგი რინიტების დროს აადვილებს ცხვირით სუნთქვას, ასევე აფართოვებს თვალის გუგას, ამცირებს ადგილობრივი საანესთეზიო საშუალებების შეწოვას.

ფარმაკოკინეტიკა
პრეპარატი ცხვირის ლორწოვან გარსზე მოხვედრის შემთხვევაში ავლენს უშუალო ადგილობრივ ზემოქმედებას. ზედაპირული სისხლძარღვების შევიწროვების გამო პრეპარატის შეწოვა და რეზორბციული მოქმედება ქვეითდება.
პრეპარატი ხანგრძლივად და ხშირი გამოყენების შემთხვევაში ნაწილობრივ შეიწოვება და ავლენს რეზორბციულ ადრენომიმეტურ ეფექტებს (არტერიული წნევის მომატება).

ჩვენებები
პრეპარატი უპირატესად გამოიყენება ოტორინოლარინგოლოგიაში რინიტების, ჰაიმორის წიაღის ანთების სამკურნალოდ, ცხვირიდან სისხლდენის შესაჩერებლად.
პრეპარატი ასევე გამოიყენება ქირურგიული, რინოსკოპული და სხვა დიაგნოსტიკური მანიპულაციების, აგრეთვე სისხლდენის და ანთებითი რეაქციების დროს.
პრეპარატის გამოყენება შესაძლებელია ალერგიული კონიუნქტივიტის, აგრეთვე ადგილობრივი სამკურნალო საშუალებების შეწოვის შესანელებლად.

დოზირების რეჟიმი
– მოზრდილებში რინიტების დროს რეკომენდებულია 0.05%-0.1% ხსნარის 2-3 წვეთის თითოეულ ცხვირის ნესტოში დღეში 2-3-ჯერ ჩაწვეთება.
– 1 წლის ზევით ასაკის ბავშვებში 0.05%-0.025%-იანი პრეპარატი გამოიყენება 1-2 წვეთის ოდენობით.
– 1 წლამდე ასაკის ბავშვებში პრეპარატი არ გამოიყენება.
– ცხვირიდან სისხლდენის შემთხვევაში უმჯობესია 0.05% ხსნარით დასველებული ტამპონების გამოყენება.
– კონიუნქტივიტების დროს კონიუნქტივალურ პარკში ახდენენ 0.05%-იანი ხსნარის 1-2 წვეთის ინსტილაციას.
– ადგილობრივი საანესთეზიო საშუალებების შეწოვის შენელებისათვის და მათი მოქმედების გახანგრძლივებისათვის 1 მლ საანესთეზიო ხნარს უმატებენ 2-4 წვეთ პრეპარატის 0.1%-იან ხსნარს.

გვერდითი მოვლენები
პრეპარატის მიღების დასაწყისში შესაძლებელია აღინიშნოს წვის ან სიმშრალის შეგრძნება, რომლებიც თანდათან ქრება. პრეპარატის ხანგრძლივი გამოყენების შემთხვევაში მისი მოქმედების ეფექტი მცირდება, რაც გამოწვეულია ტაქიფილაქსიის განვითარების შედეგად.

უკუჩვენებები
* ჰიპერტენზია, ტაქიკარდია, გამოხატული ათეროსკლეროზი, ჰიპერთირეოზი, პრეპარატის მიმართ მომატებული მგრძნობელობა.
* 1 წლამდე ასაკის ბავშვებში პრეპარატის გამოყენება დაუშვებელია.

განასკუთრებული მითითებები
პრეპარატის გამოყენება 7-8 დღეზე მეტი ხნით არ არის რეკომენდებული. მის მიმართ მგრძნობელობის დაქვეითებისა და ეფექტურობის შემცირების გამო.
პრეპარატის ერთდროული გამოყენება მაო-ს ინჰიბიტორებთან (ნიალამიდი, ბეფლოლი) არ არის რეკომენდებული. მაო-ს ინჰიბიტორების მიღების შეყვეტიდან მხოლოდ 10 დღის შემდეგ არის შესაძლებელი პრეპარატის დანიშვნა.

ჭარბი დოზირება
ჭარბი დოზირების შემთხვევაში აღინიშნება ზოგადი რეზორბციული მოვლენები: თავბრუსხვევა, არტერიული წნევის მომატება. აღნიშნული შემთხვევების დროს საჭიროა პრეპარატის მიღების შეწყვეტა და სიმპტომატური თერაპიის დაწყება სიმპატოლიზური და ადრენომაბლოკირებელი საშუალებებით.

სხვა წამლებთან ურთიერთქმედება
– ნაფაზოლინი ამცირებს პერორალური ჰიპოტენზიური სამკურნალო საშუალებების თერაპიულ აქტივობას.
– იგი აძლიერებს ცნს-ის მასტიმულირებელი საშუალებების ეფექტს.

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ფიტოპრეპარატები

შემადგენლობა
ნეგოს ყვავილი შეიცავს ეთერზეთებს, ფლავონურ გლიკოზიდებს (სალიპუროზიდი, იზოსაიპუროზიდი, კემპფეროლი, აპიგენინი), ფისებს, მღებავ ნივთიერებებს, ვიტამინებს, ასკორბინის მჟავას.

ფარმაკოლოგიური თვისებები
ფარმაკოთერაპიული ჯგუფი: ნაღვლმდენი საშუალება.
პრეპარატი ავლენს ნაღვლმდენ მოქმედებას, ხელს უწყობს ნაღვლის სეკრეციას, აძლიერებს კუჭ-ნაწლავის ტრაქტის სეკრეტორულ და მოტორულ ფუნქციას. სისხლძარღვებსა და კუჭ-ნაწლავის ტრაქტზე ავლენს სპაზმოლიზურ ეფექტს.

ჩვენებები
გამოიყენება ნაღველ-კენჭოვანი დაავადებების, ქრონიკული ქოლეცისტიტის, ნაღვლმდენი გზების დისკინეზიების, ქრონიკული ჰეპატიტის დროს. პრეპარატის ზემოქმედებით ორგანიზმში ძლიერდება ნაღვლის გამოყოფა, იცვლება ნაღვლის შემადგენლობა, მცირდება სისხლში ბილირუბინისა და ქოლესტერინის რაოდენობა, ამასთან იზრდება კუჭის და კუჭქვეშა ჯირკვლის სეკრეცია.

გამოშვების ფორმა: 30 გრ. მცენარე მუყაოს კოლოფში

გაცემის რეჟიმი: III ჯგუფი (ურეცეპტოდ)

მწარმოებელი: ნატურფარმი, საქართველო

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (მოქმედი ნივთიერება): ნალიდიქსის მჟავა/NALIDIXIC ACID

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანტიმიკრობული საშუალება, ქინოლონი

შემადგენლობა და გამოშვების ფორმა:
ტაბლეტები: შეფუთვაში 56 ც.
1 ტაბ.
ნალიდიქსის მჟავა………….. 500 მგ

მწარმოებელი: KRKA, სლოვენია

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

ფარმაკოლოგიური თვისებები
ნედოკრომილი ნატრიუმი წარმოადგენს ანთების საწინააღმდეგო არასტეროიდულ პრეპარატს, რომელიც იწვევს ბრონქებიდან და მისი ლორწოვანი გარსის უჯრედებიდან ანთების მედიატორების განთავისუფლების ინჰიბირებას.
პრეპარატი ხელს უშლის ბრონქების ანთებით რეაქციებში მონაწილე პოხიერი უჯრედების (მასტოციტების) პოპულაციებიდან და სხვა უჯრედებიდან ჰისტამინის ლეიკოტრიენ C4, პროსტაგლანდინ D2 გამონთავისუფლების პროცესს.
პრეპარატის ხანგრძლივი გამოყენება ბრონქული ასთმის დროს ამცირებს ბრონქოსპაზმს, ბრონქების ჰიპერრეაქტივობას, აუმჯობესებს სუნთქვის ფუნქციას, ამცირებს მოხრჩობის შეტევებისა და ხველების ინტენსივობას და სიხშირეს.

ფარმაკოკინეტიკა
ინჰალაციის შემდეგ ნედიკრომილის ნატრიუმის 10-18% ილექება ბრონქოების კედლებზე, შეყვანილი დოზის 5% აბსორბირდება სისხლის ნაკადში, ხოლო პრეპარატის უმნიშვნელო რაოდენობა (2-3%) აბსორბირდება კუჭ-ნაწლავის ტრაქტში.
პრეპარატის სისხლის ცილებთან კავშირი შეადგენს 89%-ს. პრეპარატი არ მეტაბოლიზდება და ორგანიზმიდან შეუცვლელი სახით გამოიყოფა შარდთან (დაახლოებით 70%) და ფეკალურ მასასთან (დაახლოებით 30%) ერთად.

ჩვენებები
ბრონქული ასთმის პრევენციული ანთების საწინააღმდეგო თერაპია, განსაკუთრებით იმ შემთხვევაში, როდესაც ბრონქოდილატატორებით მკურნალობა (ჩვენებების მიხედვით ან რეგულარულად) არ იძლევა დაავადების ადექვატური კონტროლის საშუალებას.
სასუნთქი გზების შექცევადი შევიწროვებით გამოწვეული ბრონქული ასთმის და სხვა მდგომარეობების სიმპტომატური მკურნალობა, მაგ. ქრონიკული ობსტრუქციული ბრონქიტი.
პრეპარატს იყენებენ, როგორც თანმხლებ საშუალებას ანთების საწინააღმდეგო მკურნალობის დროს ბრონქული ასთმით და სტეროიდდამოკიდებული ფორმის ფილტვების ქრონიკული ობსტრუქციული დაავადებებით შეპყრობილ პაციენტებში.

დოზირების რეჟიმი
მოზრდილები (ხანდაზმული ასაკის ჩათვლით) და ბავშვები 2 წლის ასაკის ზემოთ:
საწყისი დოზა შეადგენს 2 ინჰალაციას (4 მგ ნედოკრომილის ნატრიუმი 4-ჯერ დღეში; მკურნალობის ეფექტის შემთხვევაში შემანარჩუნებელი დოზა ძირითადად შეადგენს 2 ინჰალაციას 2-ჯერ დღეში. თერაპიული ეფექტი აღინიშნება მკურნალობის დაწყებიდან 1 კვირის განმავლობაში.
2 წლამდე ასაკის ბავშვებში პრეპარატის გამოყენების უსაფრთხოების და ეფექტურობის ზომები დადგენილი არ არის.
ეფექტური მკურნალობის საფუძველს წარმოადგენს ინჰალატორის სწორად გამოყენება. პირველადი გამოყენების დროს ინჰალატორი უნდა შევანჯღრიოთ, დავაჭიროთ საჩვენებელი თითი დოზის გამანაწილებელ კლაპანს 1-2-ჯერ. ინჰალაციის ჩასატარებლად მუნშტუკს უნდა მოვხსნათ სახურავი. ინჰალატორი გვიჭირავს ვერტიკალურად, დიდი თითი მოთავსებული გვაქვს ბალონის ძირზე, ამ დროს საჭიროა მაქსიმალურად ამოვისუნთქოთ, შემდეგში ჩავიდოთ მუნშტუკი პირში კბილებს შორის მისი (ჩაკბეჩის გარეშე) და მჭიდროდ შემოვავლოთ ტუჩები. ვიწყებთ რა ჰაერის მაქსიმალურ ჩასუნთქვას პირით, საჭიროა ბალონის ძირზე ვაწარმოვოთ ზეწოლა ისე, რომ პრეპარატის დოზა გამოიფრქვეს. ერთდროულად საჭიროა გავაგრძელოთ მშვიდი და ღრმა შესუნთქვა. ინჰალაციის შემდეგ მუნშტუკს ეხურება სახურავი.
ბალონის შიგთავსი იმყოფება მაღალი წნევის ქვეშ. ბალონის გახსნა ძალის გამოყენებით და მისი გაცხელება 50 გრადუსზე ზემოთ ნებადართული არ არის.

გვერდითი მოვლენები
ძირითადად – თავის ტკივილი.
კუჭ–ნაწლავის ტრაქტის მხრივ: გულისრევა, ღებინება, დისპეფსია, ტკივილი მუცლის არეში.
აღნიშნული მოვლენები სუსტადაა გამოხატული და მალევე ქრება.
ხშირად
– ხველება და ბრონქოსპაზმი.

უკუჩვენებები
პრეპარატის ან მასში შემავალა კომპონენტების მიმართ მომატებული მგრძნობელობა;

ორსულობა და ლაქტაცია
პრეპარატის გამოყენება ორსულობის და ლაქტაციის დროს ხდება მხოლოდ განსკუთრებული აუცილებლობის შემთხვევაში, როდესაც დედისათვის სასარგებლო შედეგი მკვეთრად სჭარბობს ნაყოფზე უარყოფითი მოქმედების პოტენციური რისკს, განსაკუთრებული სიფრთხილეა საჭირო ორსულობის I ტრიმესტრში.

განსაკუთრებული მითითებები
პრეპარატის გამოყენება მოხრჩობის შეტევების კუპირებისათვის ნებადართული არ არის.
პრეპარატის უარყოფითი მოქმედების შესახებ არ არსებობს მონაცემები ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას.

ჭარბი დოზირება
სიმპტომატური მკურნალობა.

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (მოქმედი ნივთიერება): ნალიდიქსის მჟავა/NALIDIXIC ACID

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ქინოლონების ჯგუფის ანტიბაქტერიული საშუალება.

შემადგენლობა და გამოშვების ფორმა:
კაფსულები: შეფუთვაში 56 ც.
1 კაფს.
ნალიდიქსის მჟავა…………….500 მგ

ფარმაკოლოგიური თვისებები:
ნევიგრამონს გააჩნია გამოხატული ანტიბაქტერიული აქტივობა გრამუარყოფითი ბაქტერიების მიმართ, მათ შორის Proteus mirabilis, P. morganii, P. vulgaris  და P. rettgeri; Escherichia coli, Enterobacter(Aerobacter) და Klebsiella მიმართ.
ფსეუდომონას შტამები ჩვეულებრივ მდგრადნი არიან პრეპარატის მოქმედების მიმართ. პრეპარატი მოქმედებს ბაქტერიულ უჯრედებში, დნმ-ის ფერმენტის დნმ-ჰირაზას ბლოკირების და სინთეზის სელექტიური დათრგუნვის გზით. მას გააჩნია ბაქტერიციდული თვისება და ეფექტურია საშარდე გზების ინფექციების დროს.
იგი მცირე კონცენტრაციით მოქმედებს მხოლოდ გამრავლების სტადიაში მყოფ მიკროორგანიზმებზე დნმ-ის რეპლიკაციის დათრგუნვის შედეგად. შედარებით ხანგრძლივი ურთიერთქმედებისას იგი აინჰიბირებს აგრეთვე რნმ-ისა და ბაქტერიულ ცილების სინთზეს. ბაქტერიების მიმართ მისი მინიმალური დამთრგუნველი კონცენტრაცია შეადგენს 5-75 მკგ/მლ-ს, თუმცა 10 მკგ/მლ კონცენტრაციაზე ქვემოთ იგი ასევე ეფექტურია ბევრი მიკროორგანიზმების მიმართაც.

ფარმაკოკინეტიკა:
ნევიგრამონი სწრაფად შეიწოვება კუჭ-ნაწლავის ტრაქტიდან, ნაწილობრივ მეტაბოლიზდება ღვიძლში და ასევე სწრაფად გამოიყოფა თირკმელებით.
ნევიგრამონი უცვლელი სახით გვხვდება შარდში აქტიურ მეტაბოლიტთან-ჰიდროქსინალიდიქსის მჟავასთან ერთად, რომელსაც გააჩნია ანტიბაქტერიული მოქმედება.
სხვა
მეტაბოლიტები: ბიოლოგიურად აქტიური ჰიდროქსი-მეტაბოლიტი სისხლში შეადგენს 30%-ს, ხოლო შარდში – 85%-ს. ჯანმრთელ მოხალისეებში ცარიელ კუჭზე 1 გ ნევიგრამონის მიღებისას შრატში აქტიური პრეპარატის მაქსიმალური დონე 20-40 მკგ/მლ საშუალოდ აღინიშნება 1-2 საათის შემდეგ. ნევიგრამონის დაახლოებით 93% და ჰიდროქსინალიდიქსის მჟავას 63% უკავშირდებიან პლაზმის ცილებს. ნახევარგამოყოფის პერიოდი შეადგენს 6-7 საათს.
აქტიური პრეპარატის მაქსიმალური დონე 150-200 მკგ/მლ შარდში აღინიშნება მისი მიღებიდან დაახლოებით 3-4 საათის შემდეგ. ხოლო ნახევარგამოყოფის პერიოდი შეადგენს 6 საათს. შარდის ტუტე რაეაქცია ზრდის მასში უცვლელი პრეპარატის კონცენტრაციას.
პრეპარატის დაახლოებით 4% გამოიყოფა ფეკალიებით. იგი აღწევს პლაცენტაში და მისი მცირე კონცენტრაცია აღინიშნება დედის რძეში.

ჩვენებები:
პრეპარატი გამოიყენება საშარდე გზების ინფექციური დაავადებების დროს, რომელიც გამოწვეულია გრამუარყოფითი პათოგენური მიკროორგანიზმებით (Proteus, Escherichia coli, Enterobacter, Klebsiella-ს შტამები).
პრეპარატი შესაძლებელია გამოვიყენოთ აგრეთვე ბაქტერიული დიზენტერიის სამკურნალოდ, რომელიც მგრძნობიარეა მის მიმართ.

მიღების წესი და დოზირება:
მოზრდილებში დღეღამური საშუალო დოზა შეადგენს 2 კაფსულას, რომელსაც იღებენ 4-ჯერ არანაკლებ 7 დღის განმავლობაში.
იმ შემთხვევაში თუკი აუცილებელია პრეპარატის გამოყენების გახანგრძლივება, საჭიროა დოზის შემცირება. იგი ინიშნება დღეში 4-ჯერ 1 კაფსულის ოდენობით.
ნევიგრამონი მიიღება ჭამამდე 1 საათით ადრე.
ბავშვებში 30 კგ–ზე მეტი წონით გამოიყენება 60 მკგ/კგ წონაზე დაყოფილი 4 მიღებაზე.

გვერდითი მოვლენები:
კუჭ–ნაწლავის ტრაქტის მხრივ:
ტკივილი მუცლის არეში, გულისრევა, ღებინება, ყაბზობა, ქოლესტაზი, გასტროინტესტინური სისხლდენა.
ალერგიული რეაქციები:
ქავილი, ურტიკარია, ანგიონევროზული შეშუპება, ეოზინოფილია, სახსრების შეშუპებით და მათი მოძრაობის შეზღუდვით გამოწვეული ართრალგია გვხვდება ძალიან იშვიათად.
ცნს–ის მხრივ:
შესაძლებელია ძილიანობა, გონების დაბინდვა, თავბრუსხვევა, თავის ტკივილი, მხედველობის დაქვეითება, კუნთების ტკივილი, კრუნჩხვები, პარკინსონიზმის მოვლენები – ტოქსიკური ფსიქოზი (კონვულსიით), ქალასშიდა წნევის მომატება.
ჰემოპოეზის ორგანოების მხრივ: თრომბოციტოპენია, ლეიკოპენია, ჰემოლიზური ანემია.
ფოტოსენსიბილიზაციის
სიმპტომები: ერითემა და კანის ზედაპირზე არსებული ბუშტუკები.
ფოტოსენსიბილიზაციის დროს: მკურნალობის პერიოდში სინათლის მიმართ მომატებული მგრძნობელობის თავიდან აცილების მიზნით საჭიროა თავი ავარიდოთ მზის სხივებს.
ზემოთჩამოთვლილი გვერდითი მოვლენები ატარებს დროებით ხასიათს და ქრება სპონტანურად. მკურნალობის შეწყვეტის აუცილებლობა გვერდითი მოვლენების არსებობის გამო, თითქმის არასოდეს არ არის საჭირო.

უკუჩვენებები:
* პრეპარატის მიღება წინააღმდეგნაჩვენებია ნევიგრამონის მიმართ მომატებული მგრძნობელობის დროს; აგრეთვე,
* ღვიძლის ან თირკმელების უკმარისობის;
* ეპილეფსიის;
* პარკინსონის დაავადების;
* მძიმე ცერებრული არტერიოსკლეროზის;
* ორსულობის პირველ ტრიმესტრში და ლაქტაციის დროს;
* ბავშვებში (განსაკუთრებით 2 წლამდე);
* გლუკოზა-6-ფოსფატ-დეჰიდროგენაზას დეფიციტის (შეიძლება განვითარდეს ჰემოლიზი) და პორფირიის დროს.

ორსულობა და ლაქტაცია:
* ორსულობის პირველ ტრიმესტრში ნევიგრამონის გამოყენების უსაფრთხოება არ არის დადგენილი. პრეპარატი გამოიყენება ორსულობის ბოლო ორი ტრიმესტრის განმავლობაში ყველა შესაძლო უარყოფითი მოვლენების გათვალისწინებით როგორც დედის, ასევე ნაყოფის მიმართ.
* ვინაიდან პრეპარატი გამოიყოფა დედის რძეში, ამიტომ მისი გამოყენება ლაქტაციის პერიოდში არ არის რეკომენდებული.

განსაკუთრებული მითითებები:
* პრეპარატი სიფრთხილით და ამავე დროს მხოლოდ აუცილებლობის შემთხვევაში გამოიყენება ორსულობის II და III ტრიმესტრში.
* პრეპუბერტული ასაკის პაციენტებში პრეპარატი სიფრთხილით გამოიყენება. იმ შემთხვევაში, თუკი შეინიშნება ართრალგიის სიმპტომები, მას იყენებენ სიფრთხილით.
* სუნთქვის გაძნელების და მძიმე ფორმის არტერიოსკლეროზის დროს პრეპარატი ინიშნება სიფრთხილით.
* იმ დროს, როდესაც აღინიშნება ქალასშიდა წნევის მომატება, ფსიქოზი ან სხვა ტოქსიკური მოვლენები, პრეპარატის მიღებისაგან თავი უნდა შევიკავოთ.
* იმის გამო, რომ ნევიგრამონის მიმართ რეზისტენტობა ადვილად ვითარდება, აუცილებელია შარდის ბაქტერიოლოგიური შემოწმება, როგორც მკურნალობის პერიოდში, ასევე მის შემდეგ.
* იმ შემთხვევაში, როდესაც მკურნალობა გრძელდება 2 კვირაზე მეტი ხნის განმავლობაში, რეკომენდებულია სისხლის ანალიზის ჩატარება, აგრეთვე ღვიძლისა და თირკმელების ფუნქციის შემოწმება.
* პაციენტებმა ნევიგრამონით მკურნალობის დროს რეკომენდებულია თავი შეიკავონ მზის სხივების ზემოქმედებისაგან.

სატრანსპორტო საშუალების მართვის უნარზე ზემოქმედება: არ მოიპოვება მონაცემები.

ჭარბი დოზირება:
პრეპარატის ჭარბი დოზით მიღების შემთხვევაში აღინიშნება ტოქსიკური ფსიქოზი, კონვულსია, ქალასშიდა წნევის მომატება ან მეტაბოლური აციდოზი; აგრეთვე გულისრევა, ღებინება და ლეთარგია.
აღნიშნული მოვლენები ატარებენ დროებით ხასიათს, ვინაიდან პრეპარატი სწრაფად გამოიყოფა ორგანიზმიდან, იმ შემთხვევაში, როდესაც ჭარბი დოზირება შეიმჩნევა ადრეულ პერიოდში, საკმარისია კუჭის ამორეცხვა, თუკი პრეპარატი უკვე აბსორბირებულია, რეკომენდებულია სითხის დიდი რაოდენობით მიღება, აგრეთვე ისეთი ღონისძიებების ჩატარება, როგორიცაა ჟანგბადის მიწოდება და ხელოვნური სუნთქვა. მძიმე შემთხვევების დროს შესაძლებელია ანტიკონვულსიური თერაპის ჩატარება.

სხვა წამლებთან ურთიერთქმედება:
– ნიტროფურანტოინი ურთიერთქმედებს ნევიგრამონთან.
– ნევიგრამონისა და ოქსოლინის მჟავას შორის აღინიშნება ჯვარედინ მდგრადობა.
– ნევიგრამონის მოქმედება ითრგუნება სხვა ანტიბაქტერიული საშუალებებით, განსაკუთრებით ბაქტერიოსტატური მოქმედების პრეპარატებით როგორიცაა: ტეტრაციკლინი და ლევომიცეტინი. ანტაციდები, რომლებიც შეიცავენ მაგნიუმსა და ალუმინს, თრგუნავენ პრეპარატის შეწოვას.
– ნევიგრამონი აძლიერებს პერორალური ანტიკოაგულანტების, ვარფარინის ან ბის-ჰიდროკუმარინების ეფექტს. პრეპარატისა და კუმარინის კომბინაციამ შესაძლოა გამოიწვიოს ამ უკანასკნელის დოზის კორექციის აუცილებლობა.
– ნევიგრამონით მკურნალობისას შესაძლებელია ცრუ დადებითი რეაქციის მიღება გლუკოზაზე, იმ პაციენტებში, რომელთაც ესაჭიროებათ შარდის ანალიზი და იყენებდნენ ბენედიქტს ან ფელინგს, აგრეთვე კლინიტესტ რეაგენტის ტაბლეტებს.

შენახვის პირობები: პრეპარატი ინახება 15-250C ტემპერატურაზე.

ვარგისიანობის ვადა: 5 წელი.

მწარმოებელი: SANOFI AVENTIS

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): თიამინი, პირიდოქსინი, ციანკობალამინი/ thiamine, pyridoxine, cyanocobalamin

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: პერიფერიული ნერვული სისტემის პათოლოგიის დროს გამოსაყენებელი საშუალებები

შემადგენლობა
პრეპარატის 1 ამპულა შეიცავს:
აქტიური ნივთიერება:
თიამინის ჰიდროქლორიდი (ვიტამინი B1) 100 მგ
პირიდოქსინის ჰიდროქლორიდი (ვიტამინი B6) 100 მგ
ციანოკობალამინი (ვიტამინი B12) 1 მგ
დამხმარე ნივთიერებები:
ლიდოკაინის ჰიდროქლორიდი, ბენზილის სპირტი, კალიუმის ჰექსაციანოფერატი (III), ნატრიუმის ჰექსამეტაფოსფატი, ნატრიუმის ჰიდროქსიდი, საინექციო წყალი

ფარმაკოლოგიური თვისებები
ფარმაკოდინამიკა: ნევრალონი – B ჯგუფის ვიტამინების კომბინირებული პრეპარატი. B ჯგუფის ნეიროტროპული ვიტამინები დადებით გავლენას ახდენენ ნერვებისა და მამოძრავებელი აპარატის ანთებითი და დეგენერაციული დაავადებების დროს, მაღალი დოზებით გააჩნიათ ანალგეზიური მოქმედება, ხელს უწყობენ სისხლის ნაკადის გაძლიერებას და ახდენენ ნერვული სისტემის მუშაობისა და სისხლის წარმოქმნის პროცესის ნორმალიზებას.
თიამინის ჰიდროქლორიდი (ვიტამინი B1) – წარმოადგენს მნიშვნელოვან აქტიურ ნივთიერებას. ორგანიზმში ფოსფორილირების პროცესების შედეგად გარდაიქმნება კოკარბოქსილაზად, რომელიც წარმოადგენს მრავალი ფერმენტული რეაქციის კოფერმენტს. მნიშვნელოვან როლს ასრულებს ნახშირწყლოვან, ცილოვან და ცხიმოვან ცვლაში, აგრეთვე სინაპსებში ნერვული აგზნების გატარების პროცესებში. იცავს უჯრედების მემბრანებს პეროქსიდული ჟანგვის პროდუქტების ტოქსიური ზემოქმედებისაგან.
პირიდოქსინის ჰიდროქლორიდი (ვიტამინი B6) ფოსფორილირებული ფორმით შედის ენზიმების შემადგენლობაში, რომლებიც მონაწილეობენ ამინომჟავების დეკარბოქსილირებისა და ტრანსამინირების პროცესებში, ლიპიდურ ცვლაში.
აუცილებელია პერიფერული ნერვული სისტემისა და ცენტრალური ნერვული სისტემის ნორმალური ფუნქციონირებისათვის.
ორივე ვიტამინის ფიზიოლოგიურ ფუნქციას წარმოადგენს ერთმანეთის მოქმედებების პოტენცირება, რაც ვლინება ნერვ-კუნთოვან და გულ-სისხლძარღვთა სისტემებზე დადებით გავლენაში. B1 და B6 ვიტამინის დეფიციტის შემთხვევაში დეფიციტის ფართოდ გავრცელებული მდგომარეობები სწრაფად კუპირდება ამ ვიტამინების შეყვანის შემდეგ.
ციანოკობალამინი (ვიტამინი B12) აუცილებელია უჯრედოვანი მეტაბოლიზმის პროცესებისათვის. გავლენას ახდენს სისხლის წარმოქმნის ფუნქციაზე (გარეგანი ანტიანემიური ფაქტორი), მონაწილეობს ქოლინის, მეთიონინის, კრეატინინის, ნუკლეინის მჟავების წარმოქმნაში. ციანოკობალამინი მონაწილეობს მიელინური გარსის სინთეზში, ამცირებს ტკივილის შეგრძნებებს, რაც დაკავშირებულია პერიფერული ნერვული სისტემის დაზიანებასთან, ასტიმულირებს ნუკლეინურ ცვლას ფოლიუმის მჟავას აქტივაციის გზით.
ლიდოკაინი – ადგილობრივი საანესთეზიო საშუალება, რაც იწვევს ყველა სახის ადგილობრივ ანესთეზიას: ტერმინალური, ინფილტრაციული, გამტარი.

ფარმაკოკინეტიკა
პარენტერალური შეყვანის შემდეგ თიამინის ჰიდროქლორიდი სწრაფად აბსორბირდება ინექციის ადგილიდან და ვრცელდება მთელს ორგანიზმში. სისხლში კონცენტრაცია შედარებით დაბალია, ამასთან პლაზმაში ცირკულირებს უპირატესად თავისუფალი თიამინი, ერითროციტებსა და ლეიკოციტებში – მისი ფოსფორული ეთერები.
ფოსფორილირება მიმდინარეობს ღვიძლში. უფრო მეტად აქტიურ ფოსფორულ ეთერს წარმოადგენს თიამინდიფოსფატი, რომელსაც გააჩნია კოფერმენტული აქტივობა. B1 ვიტამინის დაახლოებით 1 მგ მეტაბოლიზდება ყოველდღიურად. მეტაბოლიტები გამოიდევნება შარდით. ნახევარდაშლის ბიოლოგიური პერიოდი – 0,35 სთ. თიამინის ჰიდროქლორიდის დაგროვება ორგანიზმში არ ხდება ცხიმებში სუსტი ხსნადობის წყალობით. აღწევს ჰემატოენცეფალურ და პლაცენტურ ბარიერებში და გადადის დედის რძეში.
B6 ვიტამინი ფოსფორილირდება და იჟანგება პირიდოქსალ-5-ფოსფატამდე. სისხლის პლაზმაში პირიდოქსალ-5-ფოსფატი და პირიდოქსალი უკავშირდება ალბუმინს. უჯრედის მემბრანაში შესაღწევად ალბუმინთან დაკავშირებული პირიდოქსალ-5-ფოსფატი ჰიდროლიზდება ტუტოვანი ფოსფატაზას საშუალებით პირიდოქსალამდე. ვიტამინის დაახლოებით 80% პლაზმაში ცილებს უკავშირდება. პირიდოქსინის ჰიდროქლორიდი ნაწილდება მთელ ორგანიზმში, აღწევს პლაცენტასა და დედის რძეში. ორგანიზმში B6 ვიტამინის შემცველობა შეადგენს 40-150 მგ-ს, მისი ყოველდღიური ელიმინაციის სიჩქარე კი – დაახლოებით 1.7 – 3.6 მგ, 2.2 – 2.4% შევსების სიჩქარის პირობებში. დეპონირდება ღვიძლში და იჟანგება 4-პირიდოქსინის მჟავამდე, რომელიც გამოიყოფა შარდით აბსორბციიდან მაქსიმუმ 2-5 საათის შემდეგ.
ვიტამინი B12 პარენტერალური შეყვანის შემდეგ წარმოქმნის სატრანსპორტო ცილოვან კომპლექსებს, რომლებიც სწრაფად აბსორბირდება ღვიძლის, ძვლის ტვინისა და სხვა ორგანოების მიერ. B12 ვიტამინი გადადის ნაღველში და მონაწილეობს ნაწლავურ-ღვიძლისმიერ ცირკულაციაში, გადის პლაცენტურ ბარიერს.

ჩვენებები
პათოგენეტიკური და სიმპტომური საშუალების სახით ნერვული სისტემის სხვადასხვა წარმოშობის დაავადებებისა და სინდრომების კომპლექსური თერაპიის შემადგენლობაში:
– პოლინეიროპათია (მათ შორის, დიაბეტური, ალკოჰოლური და სხვ.);
– ნევრიტი და პოლინევრიტი, მათ შორის რეტრობულბარული ნევრიტი;
– პერიფერიული დამბლა, მათ შორის სახის ნერვის;
– ნევრალგია, მათ შორის სამწვერა ნერვისა და ნეკნთაშუა ნერვების;
– ტკივილის სინდრომი (მიალგია, შემომსარტყვლელი ჰერპესი);
– B1 და B6, აგრეთვე B12 ვიტამინების დადასტურებული დეფიციტით განპირობებული სისტემური ნევროლოგიური დაავადებები.
გამოყენება პედიატრიაში: არ არსებობს საკმარისი მონაცემები პრეპარატის ბავშვებსა და მოზარდებში გამოყენების შესახებ. პრეპარატის შემადგენლობაში ბენზილის სპირტის არსებობის გამო მისი დანიშვნა არ შეიძლება ახალშობილებში და განსაკუთრებით დღენაკლულ ბავშვებში.

მიღების წესები და დოზები
პრეპარატი განკუთვნილია კუნთებში ღრმა ინექციისთვის.
მძიმე შემთხვევებში და მწვავე ტკივილის დროს – 2 მლ ერთხელ დღეში; გამწვავების კუპირების შემდეგ, აგრეთვე დაავადების მსუბუქი ფორმების დროს – 2 მლ კვირაში 2-3-ჯერ.
მკურნალობის ხანგრძლივობა დგინდება დაავადების სიმძიმის შესაბამისად.

გვერდითი მოვლენები
ცალკეულ შემთხვევებში – ოფლიანობა, გამონაყარი, კანისმიერი რეაქციები (ჭინჭრის ციება). იშვიათად – ჰიპერმგრძნობელობის რეაქცია (კანზე გამონაყარი, სუნთქვის დარღვევა, ანაფილაქსიური შოკი, კვინკეს შეშუპება).

უკუჩვენება
– მომატებული ინდივიდუალური მგრძნობელობა პრეპარატის შემადგენლობაში შემავალი კომპონენტების მიმართ;
– დეკომპენსირებული გულის უკმარისობა.

ორსულობა და ლაქტაცია
ნევრალონის გამოყენება ორსულობის პერიოდში რეკომენდებული არ არის. ლაქტაციის პერიოდში პრეპარატის დანიშვნის აუცილებლობის შემთხვევაში ძუძუთი კვება უნდა შეწყდეს.

განსაკუთრებული მითითებები
ზემოქმედება ავტოტრანსპორტისა და მექანიზმების მართვის უნარზე: არ არსებობს გაფრთხილებები ავტოტრანსპორტისა და მექანიზმების ან სხვა პოტენციურად საშიში დანადგარების მართვასთან დაკავშირებით.

ჭარბი დოზირება
ვლინდება პრეპარატის გვერდითი მოვლენების გაძლიერებით. მკურნალობა: ტარდება სიმპტომური თერაპია.

სხვა წამლებთან ურთიერთქმედება
თიამინის ჰიდროქლორიდი სრულად იშლება სულფიტების შემცველ ხსნარებში. სხვა ვიტამინები ინაქტივირდება B1 ვიტამინის დაშლის პროდუქტების არსებობისას. B6 ვიტამინი ამცირებს ლევოდოფას თერაპიულ ეფექტურობას. შესაძლებელია აღინიშნოს პრეპარატის ურთიერთქმედება ციკლოსერინთან, D-პენიცილამინთან, ადრენალინთან, ნორადრენალინთან, სულფონამიდებთან. შეუთავსებადია მჟანგავ ნივთიერებებთან, აგრეთვე ფენობარბიტალთან, რიბოფლავინთან, ბენზილპენიცილინთან, გლუკოზასთან, მეტაბისულფიტთან, მძიმე ლითონების მარილებთან. სპილენძი აჩქარებს თიამინის დაშლას, ამასთან, თიამინი კარგავს თავის ეფექტს, როდესაც PH 3-ზე მეტია.

შენახვის პირობები და ვადები
ინახება არა უმეტეს 25oC-ზე. ინახება ბავშვებისათვის მიუწვდომელ ადგილას.
ვარგისიანობის ვადა: 2 წელი წარმოების თარიღიდან. არ გამოიყენება ვარგისიანობის ვადის გასვლის შემდეგ.

გამოშვების ფორმა: 2მლ ი.მ. საინექციო ხსნარი ამპულა №5

გაცემის რეჟიმი: III ჯგუფი (ურეცეპტოდ)

მწარმოებელი: Rompharm Company, რუმინეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): პასიფლორსა, სვიას, კატაბალახას ექსტრაქტები/passiflora, humulus lupulus, valeriana

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანქსიოლიზური და საძილე ფიტოსაშუალებები

შემადგენლობა
პრეპარატის ერთი ტაბლეტი შეიცავს: 40 მგ პასიფლორას (Passiflora incarnata) მშრალ ექსტრაქტს, 100 მგ სვიის (Humulus lupulus) მშრალ ექსტრაქტს, 100 მგ კატაბალახას (Valeriana officinalis) მშრალ ექსტრაქტს.
დამხმარე ნივთიერებები:
სორბიტოლი, მაგნიუმის მარილების ცხიმოვანი მჟავა

ჩვენებები
– მოუსვენრობა, შფოთვა;
– ნევრასთენიის მსუბუქი ფორმები, სტრესის შემდგომი მდგომარეობა, შიში, თანმხლები დაძაბულობით, ტაქიკარდიით და ქოშინით;
– მომატებული აგზნებადობა, გაღიზიანებადობა;
– ემოციური დაძაბულობა ან დათრგუნვა;
– კონცენტრაციის დაქვეითება;
– ძილის მოშლა;
– ნერვული დაძაბულობით გამოწვეული თავის ტკივილი და შაკიკი (კომბინირებული თერაპიის შემადგენლობაში);
– კლიმაქტერული სინდრომი;
– “მენეჯერის სინდრომი” (მუდმივი ფსიქიკური დაძაბულობის მდგომარეობა);
– ანგიონევროზი (გულ-სისხლძარღვთა სისტემის) და ვეგეტონევროზი (ვეგეტო-სისხლძარღვოვანი დისტონია).

მიღების წესები და დოზები
მოზრდილთათვის რეკომენდებულია 1-2 ტაბლეტი ორ-სამჯერ დღეში ხანგრძლივად მისაღებად.
უფროსი ასაკის ბავშვებისათვის 1 ტაბლეტი ერთ-სამჯერ დღეში.
ტაბლეტები მიიღება დაუღეჭავად, მცირე რაოდენობით სითხესთან ერთად.

მოქმედების მექანიზმი:
ნევროზალი მცენარეული წარმოშობის კომბინირებული პრეპარატია, რომელსაც ახასიათებს ზომიერი სედატიური მოქმედება. პრეპარატი ამცირებს დაძაბულობას, შფოთვას, გაღიზიანებადობას, ხელს უწყობს ფსიქიკური წონასწორობის აღდგენას, ძილის გაუმჯობესებას, არეგულირებს გულის მუშაობას, აქვს გამოხატული სპაზმოლიზური თვისებები, აძლიერებს კუჭ-ნაწლავის ტრაქტის ლორწოვანის სეკრეციულ აქტივობას.
ნევროზალის ეფექტს განაპირობებს მცენარეული ექტრაქტების ბიოლოგიურად აქტიურ ნივთიერებათა ერთობლივი მოქმედება:
პასიფლორა (ვნების ყვავილი) ამშვიდებს ცენტრალურ ნერვულ სისტემას, ახასიათებს კრუნჩხვის საწინააღმდეგო და საძილე ეფექტი, გაღვიძებისას უსიამოვნო შეგრძნების გარეშე.
სვია დამამშვიდებლად მოქმედებს ცენტრალურ ნერვულ სისტემაზე, ამცირებს ტკივილს, კრუნჩხვების განვითარების შესაძლებლობას, ახასიათებს მსუბუქი საძილე ეფექტი.
კატაბალახა ხელს უწყობს ბუნებრივი ძილის დადგომას. დამამშვიდებელი ეფექტი ვითარდება თანდათან და სტაბილურია.
ნევორზალს ახასიათებს ხანგრძლივი თერაპიული ეფექტი.

გვერდითი მოვლენები
იშვიათად მომატებული მგრძნობელობის გამოვლინებები.

უკუჩვენება
პრეპარატის კომპონენტებისადმი მომატებული მგრძნობელობა.

ორსულობა და ლაქტაცია
ორსულობის და ლაქტაციის (ძუძუთი კვების) პერიოდში პრეპარატის მიღება ჩვენების მიხედვით.

განსაკუთრებული მითითებები
ნევროზალი აძლიერებს საძილე, სედატიური და სპაზმოლიზური საშუალებების მოქმედებას.

შენახვის პირობები და ვადები
პრეპარატის ვარგისიანობის ვადაა 3 წელი. ინახება 15-25°C ტემპერატურაზე, ბავშვებისთვის ხელმიუწვდომელ ადგილას.

გამოშვების ფორმა: ტაბლეტი # 30

გაცემის რეჟიმი: III ჯგუფი (ურეცეპტოდ)

მწარმოებელი:: PONROY VITARMONYL, საფრანგეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): პასიფლორას, კატაბალახას, სვიას ექტრაქტები/passiflora, valeriana, humulus lupulus

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანქსიოლიზური და საძილე ფიტოსაშუალებები

შემადგენლობა
2 კაფსულის შემადგენლობში შედის:
პასიფლორას მშრალი ექსტრაქტი (Passiflora incarnata) – 80 მგ
კატაბალახას ფესვების მშრალი ექსტრაქტი (Valeriana officinalis) – 120 მგ.
სვიის გირჩების მშრალი ექსტრაქტი (Humulus lupulus) – 80მგ.

ფარმაკოლოგიური თვისებები
ნევრომედი ამცირებს შფოთვას, შიშსა და მომატებულ ნერვულ აგზნებადობს, ხსნის სპაზმსა და ემოციურ დაძაბულობას, არეგულირებს ძილს.
ნევრომედი ამცირებს სიმპტომებს მენოპაუზის და პრემენოპაუზის დროს.
სვია – უძველესი ხალხური სამკურნალო საშუალებაა. სვიის გირჩების ექსტრაქტი შეიცავს: ლუპულინს, ქოლინს, ეთერზეთებს, ფლავონოიდებს, ლეიკოციანიდინს, კუმარინებს, B1, B3, B6, PP ვიტამინებს, მიკრო და მაკროელემენტებს. სვიას ახასიათებს ნეიროტროპული მოქმედება. ყველაზე აქტიურად იგი გამოყენება, როგორც დამამშვიდებელი და საძილე საშუალება. ამცირებს სიმპტომებს მენოპაუზის და პრემენოპაუზის დროს.
კატაბალახას ფესვის მშრალი ექსტრაქტი – ამცირებს დაძაბულობას და გაღიზიანებას. ახასიათებს სპაზმოლიზური მოქმედება, აუმჯობესებს კორონარულ სისხლის მიმოქცევას, ახანგრძლივებს საძილე საშუალებების მოქმედებას.
პასიფლორა (ვნების ყვავილი) – ამშვიდებს ცენტრალურ ნერვულ სისტემას, ამცირებს შფოთვასა და დაძაბულობას. ავლენს სპაზმოლიზურ და მსუბუქ სედატიურ მოქმედებას.

ჩვენებები
• მომატებული ნერვული აგზნებადობა
• სტრესის შემდგომი მდგომარეობა, თანმხლები ემოციური დაძაბულობით და ტაქიკარდიით
• ნევრასთენიის მსუბუქი ფორმები (გაღიზიანებადობა, შფოთვა, შიში, დაღლილობა)
• კლიმაქტერული სინდრომი
• ნეირო-ცირკულატორული დისტონია
• ძილის დარღვევა და უძილობა
• ანგიო- და ვეგეტონევროზი (ვეგეტო-სისხლძარღვოვანი დისტონია)
• “მენეჯერის სინდრომი” (მუდმივი ფსიქიური დაძაბულობის მდგომარეობა);

მიღების წესები და დოზები
მოზრდილთათვის რეკომენდებულია 1 კაფსულა ორ-სამჯერ დღეში, მცირე რაოდენობით სითხესთან ერთად.
უძილობის დროს: 2-3 კაფსულა ძილის წინ, ნახევარი საათით ადრე. ნევრომედით მკურნალობის ხანგრძლივობა არ არის შეზღუდული.

გამოშვების ფორმა: კაფსულა N15

გაცემის რეჟიმი: III ჯგუფი (ურეცეპტოდ)

მწარმოებელი:: VALENTIS, ლიტვა

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

აფთიაქები, ფასები, ფასდაკლებები …

პრეპარატი ნევროსტიმი®  წარმოადგენს მცენარეულ ექსტრაქტს შინაგანი მიღებისათვის, დამზადებულს სამკურნალო მცენარეებზე და სპირტზე სპეციალური რეცეპტის მიხედვით. პრეპარატი არ შეიცავს შაქარს, საღებავებს და კონსერვანტებს. იგი დამზადებულია გამორჩეული თერაპიული ეფექტის მქონე სამკურნალო მცენარეებზე, როგორიცაა: Humulus lupulus L; Leonurus cardiaca L; Mentha piperita L  და სხვა. ნევროსტიმი® ეკოლოგიურად სუფთა, ნატურალური პროდუქტია.

ჩვენებები გამოყენებისათვის:
ნევროზი, მომატებული ვეგეტატიური აღგზნებადობა, კლიმაქტერული ნევროზი, ხშირი გაღიზიანებადობა, მღელვარებისა და ფიზიკური ძალების კლება, უძილობა, უმადობა.
კუჭ–ნაწლავის მომაწესრიგებელი, სპაზმური ტკივილების, შებერვის მოსახსნელი, გაზგამყვანი და დამამშვიდებელი საშუალება.

თვისებები:
პრეპარატი გამაჯანსაღებლად მოქმედებს მნიშვნელოვან სასიცოცხლო ორგანოებზე, აუმჯობესებს მათ ფუნქციებს, აღადგენს ორგანიზმში ნივთიერებათა ცვლას, მის სასიცოცხლო ბალანსს და აძლიერებს იმუნიტეტს; პაციენტს ეხსნება ნევროზი და მასთნ დაკავშირებული სიმპტომები, ურეგულირდება ძილი, კვლავინდებურად უბრუნდება ჩვეული ენერგია და შრომის უნარი;
ნევროსტიმი® ამშვიდებს და განმუხტავს; საღამოსკენ მისი სისტემატიური მიღებით იგი მოქმედებს როგორც ძილის ხელშემწყობი და სედატიური საშუალება.
აწესრიგებს კუჭ–ნაწლავის ტრაქტის მოქმედებას (იმ შემთხვევისათვის როდესაც გამორიცხულია სერიოზული ორგანული დაავადებები), ათავისუფლებს გაზებისაგან, ამშვიდებს მუცლის ბერვით მიღებულ ტკივილებს, ეხმარება საჭმლის მონელების პროცესებს; აწესრიგებს ძილს და მოქმედებს როგორც დამამშვიდებელი, რბილი სედატიური საშუალება.

მიღების წესი და ხანგრძლვობა:
უფროსებისათვის: 25–30 წვეთი 8 ჩაის კოვზ წყალზე (25 მლ). დღეში 3–ჯერ, დილით, შუადღეს და საღამოს ჭამის წინ 30 წუთით ადრე, ცარიელ კუჭზე; უძილობის შემთხვევაში საღამოსკენ შეგიძლიათ გაზარდოთ დოზა 40 წვეთამდე.
სკოლის ასაკის ბავშვებისათვის: 10–15 წვეთი 5 ჩაის კოვზ წყალში გახსნილი, 3–ჯერ დღეში.
უფროსებისათვის რეკომენდირებულია 3 თვიანი უწყვეტი კურსი; ბავშვებისათვის მკურნალობის ხანგრძლიობა (ექიმთან შეთნხმებით) ინდივიდუალურად შეირჩევა იმის გათვალისწინებით, რომ უწყვეტი მკურნალობის კურსი არ უნდა აღემატებოდეს 15–20 დღეს.

უკუჩვენებები: არ აღინიშნება.

გვერდითი მოვლენები: არ აღინიშნება.

ურთიერთქმედება სხვა სამკურნალო საშუალებებითან:
პრეპარატის კომბინირებული გამოყენებისას სხვა საშუალებებთან ერთად, რომლებსაც დამამშვიდებელი, სედატიური ზემოქმედება გააჩნიათ, უნდა გავითვალისწინოთ მათი ურთიერთგამაძლიერებელი ზემოქმედება.

სიფრთხილის ზომები: შეინახეთ ბავშვებისათვის მიუწვდომელ ადგილზე.

სტაბილურობა: ვადის გასვლის შემდეგ პრეპარატში არსებული ბიოლოგიურად აქტიური ნივთიერებები თანდათან კარგავენ ძალას და აღრ აქვთ საკმარისი თერაპიული ეფექტი.

შენახვის პირობები: მჭიდროდ დაახურეთ თავი და შეინახეთ ოთახის ტემპერატურაზე.

მწარმოებელი: შ.პ.ს.”დავათი” შ.პ.ს. “შროშანისათვის”, საქართველო

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანთების საწინააღმდეგო, ანალგეზიური მოქმედების საშუალება
ნევროქსინ ფორტე
დიკლოფენაკ ნატრიუმი 75 მგ + ბეტამეტაზონი 2მგ + ვიტამინი B1 100 მგ + ვიტამინი B6 100 მგ+ B12 10 მგ
ინექცია კუნთში გასაკეთებლად
პრეპარატი გაიცემა რეცეპტით
დამზადებულია არგენტინაში

შემადგენლობა:
თითო ამპულა I შეიცავს: თიამინის ჰიდროქლორიდი 100მგ; პირიდოქსინის ჰიდროქლორიდი +100 მგ; ციანოკობალამინი 10 მგ; შემავსებლები საჭირო რაოდენობით 3 მლ.
თითო ამპულა II შეიცავს: დიკლოფენაკ ნატიურმი 75 მგ; ბეტამეტაზონი (ნატრიუმის ფოსფატი) 2 მგ; შემავსებლები საჭირო რაოდენობით 3 მლ.

დოზირება და მიღების მეთოდი
მედიკამენტი კეთდება მხოლოდ კუნთში ღრმად და უნდა მომზადდეს ორივე ამპულის ერთმანეთში შერევით. კეთდება დღეში ერთჯერ ექიმის შეხედულებისამებრ.

არასასურველი რეაქციები
იშვიათად შესაძლებელია პაციენტს გამოუვლინდეს ტკივილი და/ან გამკვრივება ინექციის ადგილზე განსაკუთრებით კი აბსცესი და ნეკროზი ზრდასრულ დიაბეტიან პირებში.
გასტროინტესტინალური დარღვევები (გულის რევა, ფაღარათი). ცალკეულ შემთხვევებში პრეპარატმა შესაძლებელია გამოიწვიოს ჭინჭრის ციება, ეკზემა და გამონაყარი კანზე.

უკუჩვენებები
ჰიპერმგრძნობელობა ნებისმიერი აქტიური ინგრედიენტის მიმართ. კუჭის ან თორმეტგოჯა ნაწლავის წყლული ჩამოყალიბების სტადიაში. თირკმლის ან ღვიძლის უკმარისობა. ისევე როგორც ანთების საწინააღმდეგო სხვა არასტეროიდული საშუალებების შემთხვევაში დიკლოფენაკ ნატრიუმი უკუნაჩვენებია იმ პაციენტებში, რომელთაც აწუხებთ ასთმური შეტევები, ჭინჭრის ციება ან მწვავე რინიტი ასპირინის ან სხვა პროსტაგლანდინ სინთეტაზას ინჰიბიტორების გამოყენების შემდეგ. აქტიური ტუბერკულოზი, გულის არაკომპენსირებადი უკმარისობა, სისტემური მიკოზი, სისხლის მწვავე მაღალი წნევა, ორსულობა, ლაქტაცია.

გაფრთხილებები და უსაფრთხოების ზომები
ისეთ პაციენტებში, რომელთაც აღენიშნებათ კუჭნაწლავის პრობლემები, კუჭნაწლავის წყლული ანამნეზში, წყლულოვანი კოლიტი, კრონის დაავადება, ღვიძლის შეზღუდული ფუნქცია, პრეპარატი ინიშნება მკაცრი ჩვენებისა და ექიმის მეთვალყურეობის ქვეშ. რადგან პროსტაგლანდინები მნიშვნელოვან როლს ასრულებენ თირკმლის ირიგაციაში, აღნიშნული პროდუქტი დიდი სიფრთხილით უნდა დაინიშნოს ისეთ პაციენტებში, რომელთც აღენიშნებათ გულის ან თირკმლის ფუნქციის დაქვეითება, ასევე იმ პირებში, რომლებიც ღებულობენ დიურეტიკებს ან გადატანილი აქვთ ქირურგიული ოპერაციები.
ცალკეულ შემთხვევებში, როდესაც პაციენტი ღებულობს ნევროქსინ ფორტეს და უვითარდებათ პეპტიკური წყული ან გასტროინესტინალური სისხლდენა პრეპარატის მიღება უნდა შეწყდეს.
ხანდაზმულ პირებში პრეპარატი ზოგადი სამედიცინო პრინციპეპიდან გამომდინარე უნდა დაინიშნოს სიფრთხილით.
პრეპარატით ხანგრძლივი მკურნალობის დროს ისევე როგორც სხვა ძლიერ მოქმედი ანთების საწინააღმდეგო არასტეროიდული საშუალებების შემთხვევაში პრევენციული თვალსაზრისით საჭიროა სისხლის ანალიზის, თირკმლის და ღვიძლის ფუნქციების კონტროლი.
პაციენტებმა, რომელთაც აწუხებთ თავბრუსხვევა ან სხვა სახის ცენტრალური ნერვული სისტემის დარღვევები არ უნდა მართონ მანქანა და სხვა სახის მექანიზმები. ხანგრძლივი მკურნალობის დროს შესაძლებელია აღინიშნოს სტეროიდული მკურნლობის ეფექტი, რაც სპონტანურად ქრება დოზის ეტაპობრივად შემცირებისას.

სხვა მედიკამენტებთან ურთიერთქმედება
ნევროქსინ ფორტეს და ლითიუმის ან დიგოქსინის ფუძის პრეპარატების ერთობლივად გამოყენებისას შესაძლებელია გაიზარდოს მისი პლაზმური დონე. ჯერჯერობით ჭარბი დოზირების კლინიკური ნიშნები არ არის დადგენილი.
ანთების საწინააღმდეგო რამდენიმე არასტეროიდულმა მედიკამენტმა შესაძლებელია შეაფერხოს კალიუმის შემნახველი დიურეტიკების ეფექტი. შესაბამისად შრატის კალიუმის დონე უნდა შემოწმდეს.
სხვადასხვა სისტემური ანტირევმატული მედიკამენტების ერთობლივად გამოყენებამ შესაძლებელია გაზარდოს გვერდითი ეფექტები.
კლინიკური კველევების მიხედვით ნევროქსინ ფორტე არ მოქმედებს სისხლის შედედებაზე, თუმცა თავდაცვის თვალსაზრისით სასურველია შემოწმდეს მიღწეულია თუ არა სისხლის შედედების სასურველი ეფექტი ნევროქსინ ფორტე და სისხლის შემადედებლების ერთობლივად გამოყენებისას. ისევე როგორც სხვა არასტეროიდული ანტინევროტული მედიკამენტების შემთხვევაში დიკლოფენაკ ნატრიუმმა, დიდი დოზით (200 მგ) მიღებისას შესაძლებელია დროებით შეაფერხოს თრომბოციტების აგრეგაცია. კლინიკურმა კვლევებმა აჩვენა, რომ შესაძლებელია ნევროქსინ ფორტეს მიღება პერორალურ ანტიდიაბეტურ საშუალებებთან ერთად ისე, რომ იგი გავლენას არ ახდენს კლინიკურ ეფექტზე.
სიფრთხილეა საჭირო ანთების საწინააღმდეგო არასტეროიდული მედიკამენტების გამოყენებისას მეტოტრექსატის მიღებამდე ან მიღების შემდეგ 24 სთ-ის განმავლობაში, რადგან შესაძლებელია გაიზარდოს მეტოტრექსატის დონე სისხლში და ტოქსიკურობა.

ჭარბი დოზა
ანთების საწინააღმდეგო არასტეროიდული მედიკამენტებით მწვავე ტოქსიკოზის მკურნალობა მოიცავს ძირითადად დამხმარე და სიმპტომატურ ზომებს. ნევროქსინ ფორტე ჭარბი დოზირების ტიპიური კლინიკური სურათი არ არსებობს. ჭარბი დოზირების შემთხვევაში საჭიროა შემდეგი ზომების მიღება: დამხმარე და სიმპტომატურ ზომები გართულებების ასაცილებლად, როგორიც არის ჰიპოტენზია, თირკმლის უკმარისობა, პაროქსიზმი, კუჭნაწლავის გაღიზიანება და სუნთქვის შესუსტება. სპეციფიკურ მკურნალობას, როგორიც არის ფორსირებული დიურეზი ან ჰემოპერფუზია სავარაუდოდ ვერ ახდენს გავლენას არასტეროიდული ანტირევმატული მედიკემენტების ელიმინაციაზე პროტეინის ფიქსაციის და ექსტენსიური მეტაბოლიზმის გამო.

გამოყენება
შეფუთვაში მოთავსებულია I და II ამპულის 3 და 5 წყვილი.
მედიკამენტი გამოიყენება მხოლოდ ექიმის რეცეპტით და მისი მეთვალყურეობის ქვეშ, დაუშვებელია პრეპარატის დამატებით გამოყენება ექიმის რეცეპტის გარეშე.
შეინახეთ ქარხნულ შეფუთვაში 15-25°C ტემპერატურაზე სინათლისაგან დაცულ ადგილზე.
შეინახეთ ეს და ყველა პრეპარატები ბავშვებისათვის მიუწვდომელ ადგილზე.

გამოშვების ფორმა: 3მლ ი.მ. საინექციო ხსნარი I ამპულა №3 და 3მლ ი.მ. საინექციო ხსნარი II ამპულა №3

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი:: TRB Pharma, არგენტინა

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (მოქმედი ნივთიერება): ფილგრასტიმი/FILGRASTIM

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: გრანულოციტული კოლონიამასტიმულირებელი ფაქტორი.

შემადგენლობა და გამოშვების ფორმა:
საინექციო ხსნარი: ფლაკონში 1 მლ, შეფუთვაში 5 ც.
1 მლ
ფილგრასტიმი……………..   30 მლ სე (300 მკგ)
საინექციო ხსნარი: შპრიც-ტუბში 1 მლ, შეფუთვაში 1 ც.
1 მლ
ფილგრასტიმი……………     30 მლნ სე (300 მკგ)
შემავსებლები: ნატრიუმის აცეტატის ბუფერი (pH 4.0), სორბიტოლი, პოლისორბატი 80, საინექციო წყალი.

ფარმაკოლოგიური თვისებები:
ფილგრასტიმი წარმოადგენს კარგად გაწმენდილ არაგლიკოზირებულ ცილას, რომელიც შედგება 175 ამინომჟავასაგან. მისი გამომუშავება ხდება Escherichia coli-ის ლაბორატორიული შტამის მიერ, რომელშიც გენური ინჟინერიის მეთოდით შეყვანილია ადამიანის გრანულოციტული კოლონიამასტიმულირებელი ფაქტორის გენი.

ადამიანის გრანულოციტული კოლონიამასტიმულირებელი ფაქტორი (ა-გკმთ) წარმოადგენს გლიკოპროტეინს, რომელიც არეგულირებს ფუნქციურად აქტიური ნეიტროფილების წარმოქმნას და მათ გამოსვლას სისხლში ძვლის ტვინიდან.

ნეიპოგენი, რომელიც შეიცავს რეკომბინანტურ ა-გკმთ-ს, საგრძნობლად ზრდის ნეიტროფილების რაოდენობას პერიფერიულ სისხლში პირველი 24 საათის განმავლობაში მისი შეყვანის შემდეგ, მონოციტების რაოდენობის მცირე გაზრდით. ზოგიერთ ავადმყოფებში მძიმე ქრონიკული ნეიტროპენიით, პრეპარატმა შეიძლება გამოიწვიოს ცირკულაციაში მყოფი ეოზინოფილების უმნიშვნელო მომატება საწყის დონესთან შედარებით. ავადმყოფთა გარკვეულ ნაწილში ეოზინოფილია და ბაზოფილია აღინიშნება პრეპარატის დანიშვნამდე.
ნეიტროფილების რაოდენობის მომატება რეკომენდებული დოზების ინტერვალში დამოკიდებულია პრეპარატის დოზაზე. ნეიტროფილების ფუნქცია, ადამიანის ორგანიზმში ნეიპოგენის შეყვანისას, ნორმალური ან გაძლიერებულია, რაც დამტკიცებულია ქემოტაქსისის და ფაგოციტოზის კვლევით. პრეპარატის მკურნალობის დამთავრების შემდეგ ნეიტროფილების რიცხვი პერიფერიულ სისხლში მცირდება 50%-ით 1-2 დღის განმავლობაში და აღწევს ნორმალურ დონეს 1-7 დღის განმავლობაში.
ნეიპოგენი საგრძნობლად ამცირებს ნეიტროპენიის და ფებრილური ნეიტროპენიის სიხშირეს, სიმძიმეს და ხანგრძლივობას, რაც ხშირად აღინიშნება ავადმყოფებში, რომლებიც იტარებენ ქიმიოთერაპიის კურსს ციტოსტატური საშუალებებით, ან მიელოაბლატიურ თერაპიას ძვლის ტვინის შემდგომი გადანერგვით.
ავადმყოფები, რომლებიც იტარებენ მკურნალობას ნეიპოგენით და ციტოსტასტური საშუალებებით ან მიელოაბლატიურ თერაპიას ძვლის ტვინის შემდგომ გადანერგვით იშვიათად საჭიროებენ ჰოსპიტალიზაციას და ხანგრძლივ მკურნალობას სტაციონარში. ამასთან ერთად პაციენტები, რომლებიც იტარებენ მხოლოდ ციტოსტატურ თერაპიას საჭიროებენ ანტიბიოტიკების შედარებით მცირე დოზებს. ნეიპოგენით მკურნალობა საგრძნობლად ამცირებს ფებრილურ ნეიტროპენიას, მოთხოვნილებას ანტიბიოტიკოთერაპიისადმი და ჰოსპიტალიზაციის საჭიროებას ინდუქციური ქიმიოთერაპიის შემდეგ მწვავე მიელოლეიკოზის დროს.
ცხელების და დოკუმენტირებული ინფექციების სიხშირე ამ დროს არ მცირდება.
ნეიპოგენის გამოყენება, როგორც დამოუკიდებლად, ასევე ქიმიოთერაპიის შემდეგ იწვევს პერიფერიული სისხლის ჰეპომოეზის წინამორბედი უჯრედების აქტივირებას. ეს აუტოლოგიური უჯრედები – წინამორბედები შეიძლება შეგროვდეს და შემდგომში შეყვანილი იქნას ციტოსტატური საშუალებების დიდი დოზებით მკურნალობის შემდეგ, ძვლის ტვინის გადანერგვის ნაცვლად, ან მასთან ერთად დამატებით. მათი შეყვანა აჩქარებს სისხლწარმოქმნის აღდგენას, ამცირებს ჰემორაგიული გართულებების წარმოქმნის საფრთხეს და თრომბოციტული მასის გადასხმის საჭიროებას როგორც კანქვეშ, ასევე ინტრავენური შეყვანისას. ფილგრასტიმის ელიმინაცია ორგანიზმიდან მიმდინარეობს I რიგის კინეტიკის მიხედვით. მისი ნახევარგამოყოფის პერიოდი შეადგენს 3.5 საათს, ხოლო მისი კლირენსი დაახლოებით 0.6 მლ/წუთში/კგ-ის ტოლია.
ფილგრასტიმი უწყვეტი ინფუზიის დროს 28 დღის განმავლობაში ავადმყოფებში ძვლის ტვინის აუტოლოგიური გადანერგვის შემდეგ არ აღინიშნება კუმულაციის ნიშნები და ნახევარგამოყოფის პერიოდის გახანგრძლივება.

ჩვენებები:
ნეიტროპენის ხანგრძლივობის შემცირების და ფებრილური ნეიტროპენიის სიხშირის დაქვეითების მიზნით ავადმყოფებში, რომლებიც იტარებენ ქიმიოთერაპიას ციტოსტატური საშუალებებით ავთვისებიანი დაავადებების გამო (ქრონიკული მიელოლეიკოზის და მიელოდისპლაზიური სინდრომის გამოკლებით), ასევე
ნეიტროპენიის და მისი კლინიკური შედეგების ხანგრძლივობის შესამცირებლად ავადმყოფებში, რომლებიც იტარებენ მიელობლასტიურ თერაპიას ძვლის ტვინის შემდგომი გადანერგვით.
პერიფერიულ სისხლში ჰემოპოეზის აუტოლოგიური უჯრედების -წინამორბედების მობილიზაცია, მათ შორის მიელოსუპრესიული თერაპიის დროს ჰემოპოეზის აღდგენის დასაჩქარებლად, ამ უჯრედების შეყვანით მიელოსუპრესიის ან მიელობლასტიის შემდეგ.
ხანგრძლივი თერაპია ნეიტროფილების რიცხვის გაზრდისათვის და ინფექციური გართულებების სიხშირის და ხანგრძლივობის შესამცირებლად ბავშვებში და მოზრდილებში მძიმე თანდაყოლილი, პერიოდული ან ავთვისებიანი ნეიტროპენიით (ნეიტროფილების აბსოლუტური რიცხვი 1 კვ.მმ-ში 500-ზე ნაკლებია) და ანამნეზში მძიმე ან რეციდივული ინფექციებით.

მიღების წესი და დოზირება:
ცოტოტოქსიური ქიმიოთერაპიის სტანდარტული სქემა: 0.5 მლნ. სე (5 მკგ/კგ) ერთხელ დღეში.

მიელოაბლატური თერაპია ძვლის ტვინის შემდგომი გადანერგვით: საწყისი დოზა – 1.0 მლნ სე (10 მკგ/კგ დღეში ინტრავენურად წვეთოვნად 20 წუთის ან 24 საათის განმავლობაში ან 1.0 მლ სე (10 კმგ/კგ) დღეში უწყვეტი კანქვეშა ინფუზიის სახით 24 საათის განმავლობაში.
ნეიპოგენის პირველი დოზის შეყვანა ხდება ციტოტოქსიური თერაპიის ჩატარებიდან 24 საათის შემდეგ, ხოლო ძვლის ტვინის გადანერგვის დროს – მისი ჩატარებიდან 24 საათის შემდეგ.

ნეიტროფილების რიცხვის მაქსიმალური შემცირებისას ხდება დღეღამური დოზის კორექტირება ნეიტროფილების რიცხვის დინამიკის მიხედვით:

– თუ ნეიტროფილების რიცხვი არ აღემატება 100/1კუბ.მმ 3 დღის განმავლობაში, ნეიპოგენის დოზა მცირდება 0.5 მლნ.სე /კგ/დღეში;
– თუ ნეიტროფილების აბსოლუტური რიცხვი 3 დღის განმავლობაში აღემატება 1000/1 კუბ.მმ.- შემდგომში ნეიპოგენი იხსნება;
– თუ მკურნალობის პერიოდში ნეიტროფილების რიცხვი მცირდება <1000/1 კუბ.მმ, ნეიპოგენის დოზა იზრდება მოყვანილი სქემის მიხედვით.

პერიფერიულ სისხლში ჰემოპოეზის უჯრედების–წინამორბედების მობილიზაცია:
– ამ მიზნით ქიმიოთერაპიის გარეშე – 1.0 მლნ; საე (10 მკგ/კგ) დღეში 24 საათიანი უწყვეტი ინტრავენური ინფუზიით, ან კანქვეშ შეყვანით ერთხელ დღეში 6 დღის განმავლობაში, ლეიკოფერეზის ჩატარება რეკომენდებულია მე-5, -6, -7 დღეს.
– ამ უჯრედების მობილიზაციის მიზნით მიელოსუპრესული ქიმიოთერაპიის შემდეგ – 0.5 მლნ. სე (5 მკგ,კგ) დღეში ყოველდღიური კანქვეშა ინექციების სახით, რომელიც იწყება ქიმიოთერაპიის დამთავრებიდან პირველ დღეს და გრძელდება მანამდე, სანამ ნეიტროფილების რიცხვი არ გადააჭარბებს მოსალოდნელ მინიმუმს და არ მიაღწევს ნორმალურ მნიშვნელობას.
– ლეიკოფერეზი ტარდება იმ პერიოდში, როდესაც ნეიტროფილების აბსოლუტური რიცხვი იმატებს <500-დან >5000-ზე/კუბ.მმ. ავადმყოფებში, რომლებიც არ იტარებენ ინტენსიურ ქიმიოთერაპიას საკმარისია 1 ლეიკოფერეზის ჩატარება, ხოლო სხვა შემთხვევაში რეკომენდებულია დამატებით ლეიკოფერეზის ჩატარება.

მძიმე ქრონიკული ნეიტროპენია
– თანდაყოლილი ნეიტროპენია: საწყისი დოზა -1.21 მლნ. სე (12 მკგ/კგ) დღეში კანქვეშ ერთჯერადად, ან რამდენიმე შეყვანის სახით.
– იდიოპათური ან პერიოდული ნეიტროპენია: 0.5 მლნ. სე (5 მკგ/კგ) დღეში კანქვეშ ერთჯერადად ან/, რამდენიმე შეყვანის სახით.

განსაკუთრებული მითითებები დოზირების შესახებ
– კლინიკური კვლევა ნეიპოგენის გამოყენების შესახებ ხანდაზმულებში არ არის ჩატარებული, ამიტომ არ არის რეკომენდებული პრეპარატის გამოყენება ამ ასაკობრივ ჯგუფში.
– ნეიპოგენით მკურნალობა ტარდება მხოლოდ ონკოლოგის და ჰემატოლოგის მეთვალყურეობის ქვეშ, რომლებსაც გააჩნიათ მათი გამოყენების გამოცდილება და აუცილებელი დიაგნოსტიკური შესაძლებლობები.
– უჯრედების მობილიზაციის და ლეიკოფერეზის პროცედურები ტარდება ონკოლოგიურ ან ჰემატოლოგიურ ცენტრში, რომლებსაც გააჩნიათ ამ პროცედურის ჩატარების გამოცდილება და ჰემოპოეზის უჯრედების-წინამორბედების ადექვატური მონიტორინგის შესაძლებლობა.

პრეპარატის გამოყენება ბავშვებში მძიმე ქრონიკული ნეიტროპენიით და ონკოლოგიური დაავადებებით:
– კლინიკური კვლევისას ავადმყოფთა 65%-ს ასაკით 18 წლამდე აღენიშნებოდა მძიმე ქრონიკული ნეიტროპენია. ამ ასაკობრივ ჯგუფში, სადაც ავადმყოფთა უმეტესობას აღენიშნებოდა თანდაყოლილი ნეიტროპენია, მკურნალობა იყო ეფექტური. ამავე დროს ნეიპოგენის უსაფრთხოების პროფილი ბავშვებში მძიმე ქრონიკული ნეიტროპენიით არ განხსვავდება ჩვეულებრივისაგან.
– ნეიპოგენის ეფექტურობა და უსაფრთხოება მოზრდილებში და ბავშვებში, რომლებიც იტარებენ ციტოტოქსიკურ ქიმიოთერაპიას, ერთნაირია.
– ბავშვებში რეკომენდაციები დოზირების შესახებ ისეთივეა, როგორც მოზრდილებში, რომლებიც იტარებენ მიელოსუპრესულ ციტოტოქსიკურ ქიმიოთერაპიას.

შეყვანა: ავადმყოფებში, რომლებიც იღებენ სტანდარტულ ციტოტოქსიკურ ქიმიოთერაპიას:

შესაძლებელია ნეიპოგენის შეყვანა ყოველდღიურად კანქვეშა ინექციების, ან ყოველდღიური ხანმოკლე (30 წუთი) ინტრავენური ინფუზიების სახით გლუკოზის 5% ხსნარში.

– უმეტეს შემთხვევაში მიზანშეწონილია პრეპარატის შეყვანა კანქვეშ. პრეპარატის ერთჯერადი შეყვანისას ჩატარებული კვლევის შედეგად დადგინდა, რომ მისი მოქმედების ხანგრძლივობა ინტრავენური შეყვანისას უფრო ხანმოკლეა. ამ მოვლენის კლინიკური მნიშვნელობა პრეპარატის მრავალჯერადი შეყვანის დროს დადგენილი არ არის. პრეპარატის შეყვანის გზის არჩევა დამოკიდებულია კონკრეტულ კლინიკურ სიტუაციაზე.
ნეიპოგენის პირველი დოზა შეჰყავთ ციტოტოქსიკური თერაპიიდან 24 საათის შემდეგ.

– ნეიპოგენი შეჰყავთ ყოველდღიურად, სანამ ნეიტროფილების რიცხვი არ გადააჭარბებს მოსალოდნელ მინიმუმს და არ დაუბრუნდება ნორმალურ მნიშვნელობას. სოლიდური სიმსივნეების ქიმიოთერაპიის შემდეგ, ნეიპოგენით მკურნალობის მოსალოდნელი ხანგრძლივობა შეადგენს 14 დღეს. მწვავე მიელოლეიკოზის ინდუქციური და კონსოლიდაციური თერაპიის შემდეგ ნეიპოგენით მკურნალობის ხანგრძლივობა უფრო მეტია (38 დღე), გამოყენებული ციტოტოქსიკური ქიმიოთერაპიის სქემის, ტიპის, დოზების მიხედვით.

ავადმყოფებში, რომლებიც იტარებენ ციტოტოქსიკურ ქიმიოთერაპიას, ნეიტროფილების რიცხვის გარდამავალი მომატება აღინიშნება ნეიპოგენით მკურნალობის დაწყებიდან 1-2 დღის შემდეგ. სტაბილური თერაპიული ეფექტის მისაღწევად აუცილებელია ნეიპოგენით მკურნალობის გაგრძელება, სანამ ნეიტროფილების რიცხვი არ გადააჭარბებს მოსალოდნელ მინიმუმს და არ მიაღწევს ნორმალურ მნიშვნელობას. არ არის რეკომენდებული ნეიპოგენის მოხსნა ნაადრევად, სანამ ნეიტროფილების რიცხვი არ გადააჭარბებს მოსალოდნელ მინიმუმს.

ავადმყოფებში, რომლებიც იტარებენ ციტოტოქსიკურ ქიმიოთერაპიას და ჩაუტარდათ ძვლის ტვინის
გადანერგვა, ნეიპოგენი ინიშნება კანქვეშ და ინტრავენურად წინასწარი განზავებით 20 მლ 5% გლუკოზის ხსნარში. ნეიპოგენის პირველი დოზა შეჰყავთ ციტოტოქსიკური ქიმიოთერაპიიდან 24 საათის შემდეგ, ხოლო ძვლის ტვინის გადანერგვის შემდეგ – არაუგვიანეს 24 საათისა. ნეიპოგენის გამოყენების ეფექტურობა და უსაფრთხოება ასეთ სიტუაციაში განისაზღვრება არა უმეტეს 28 დღით.

ავადმყოფებში მძიმე ქრონიკული ნეიტროპენიით ნეიპოგენი შეჰყავთ ყოველდღიურად კანქვეშ, სანამ ნეიტროფილების რიცხვი სტაბილურად არ გადააჭარებს 1500/კუბ.მმ-ში. თერაპიული ეფექტის მიღწევისას უნდა განისაზღვროს მინიმალური ეფექტური დოზა ამ დონის შესანარჩუნებლად. ამისათვის აუცილებელია პრეპარატის ყოველდღიური ხანგრძლივი შეყვანა. მკურნალობის 1-2 კვირის შემდეგ საწყისი დოზა შეიძლება გაორმაგდეს ან განახევრდეს ავადმყოფის რეაქციის მიხედვით. შემდგომში 1-2 კვირის განმავლობაში ხდება საწყისი დოზის ინდივიდუალური კორექცია ნეიტროფილების რიცხვის საშუალო დონის შესანარჩუნებლად დიაპაზონში 1500-10000/1 კუბ.მმ-ში.

ავადმყოფებში მძიმე ინფექციებით შესაძლებელია დოზის უფრო სწრაფი გაზრდის სქემის გამოყენება. კლინიკური კვლევის დროს 97% ავადმყოფებში, რომლებიც დადებითად რეაგირებდნენ მკურნალობაზე, სრული თერაპიული ეფექტი აღინიშნებოდა ნეიპოგენის შეყვანისას დოზით 24 მკგ/კგ დღეში.
ნეიპოგენის გამოყენების უსაფრთხოება ხანგრძლივი მკურნალობისას ავადმყოფებში მძიმე ქრონიკული ნეიტროპენიით დოზით 24 მკგ/კგ დღეში დადგენილი არ არის.

მითითებები განზავების შესახებ:

! დაუშვებელია ნეიპოგენის განზავება ნატრიუმის ქლორიდის ფიზიოლოგიურ ხსნარში.

– აუცილებლობისას ნეიპოგენს ანზავებენ გლუკოზის 5% ხსნარში. განზავებული ნეიპოგენი განიცდის აბსორბციას შუშით და პლასტმასით. განსაზავებელი პრეპარატი შეთავსებადია შუშასთან და რიგ პლასტმასებთან კერძოდ, პოლივინილქლორიდთან, პოლიოლეფინთან (პოლიპროპილენის და პოლიეთილენის სოპოლიმერი) და პოლიპროპილენთან.

– თუ ნეიპოგენს განაზავებენ კონცენტრაციამდე 1.5 მლნ სე (15 მკგ) 1 მლ-ში, ხსნარს უმატებენ ადამიანის შრატის ალბუმინს, რათა საბოლოო კონცენტრაციამ შეადგინოს 2 მგ/მლ-ში. მაგალითად, ხსნარის საბოლოო მოცულობისას 20 მლ, ნეიპოგენის ჯამური დოზები 30 მლნ სე-ზე (300 მკგ) ნაკლები უნდა იქნას შეყვანილი 0.2 მლ 20% ადამიანის შრატის ალბუმინის ხსნარის დამატებით. დაუშვებელია პრეპარატის განზავება მის საბოლოო კონცენტრაციამდე 0.2 მლნ სე (2 მკგ) 1 მლ-ში.

გვერდითი მოვლენები:
ავადმყოფები, რომლებიც იტარებენ ციტოტოქსიკურ ქიმიოთერაპიას ნეიპოგენით მკურნალობა რეკომენდებული დოზებით:
– ხშირად
იწვევს ტკივილებს ძვლებში და კუნთებში. როგორც წესი, ტკივილები მსუბუქი ან ზომიერი სიძლიერისაა (10%), ხანდახან ძლიერი (3%) და უმეტეს შემთხვევაში კუპირებას განიცდის ჩვეულებრივი ანალგეზიური საშუალებებით. იშვიათად აღინიშნება შარდვის დარღვევა (ძირითადად, მსუბუქი და ზომიერი დიზურია). აღწერილია ცალკეული შემთხვევები არტერიული წნევის გარდამავალი შემცირების შესახებ, რომელიც მკურნალობას არ საჭიროებს.
– ხშირად
აღინიშნება შექცევადი, დოზადამოკიდებული და ჩვეულებრივ მსუბუქი და ზომიერი ლაქტატდეჰიდროგენაზას, ტუტე ფოსფატაზას, შრატისმიერი შარდოვანას და გამა-გლუტამიტრანსფერაზას აქტივობის მომატება.

ანდომიზირებული, პლაცებო-კონტროლირებადი კლინიკური კვლევის დროს დადგენილ იქნა, რომ ნეიპოგენი არ იწვევს გვერდითი რეაქციების სიხშირის ზრდას ციტოტოქსიკური ქიმიოთერაპიის ჩატარებისას.

– გვერდითი მოვლენები, რომლებიც ერთნაირი სიხშირით აღინიშნება ავადმყოფებში, რომლებსაც უტარდებათ ნეიპოგენი/ქიმიოთერაპია და პლაცებო/ქიმიოთერაპია, მოიცავს გულისრევას, ღებინებს, ალოპეციას, დიარეას,  მოთენთილობას, ანორექსიას, ლორწოვანი გარსების ანთებას, თავის ტკივილს, ხველას, გამონაყარს კანზე, ტკივილს გულმკერდში, საერთო სისუსტეს, ტკივილს ყელში, ყაბზობას და არასპეციფიკურ ტკივილებს.

– ხანდახან
ავადმყოფებში, რომლებსაც უტარდებათ ქიმიოთერაპია მაღალი დოზებით შემდგომში ძვლის ტვინის აუტოლოგიური გადანერგვით, აღინიშნებოდა სისხლძარღვოვანი დარღვევები (მაგალითად, ვენო-ოკლუზიური დაავადება და წყლის ცვლის დარღვევა). მათი მიზეზობრივი კავშირი ნეიპოგენის გამოყენებასთან დადგენილი არ არის.
– აღწერილია
იშვიათი შემთხვევები ისეთი სიმპტომების განვითარების, რომლებიც მიუთითებს ალერგიული ტიპის რეაქციებზე. მათი უმეტესი ნაწილი დაკავშირებულია პირველი დოზის მიღებასთან, რაც განპირობებულია პრეპარატის ინტრავენური გამოყენებით. მკურნალობის აღდგენისას ხანდახან აღინიშნება სიმპტომების რეციდივი.

– ნეიპოგენის დანიშვნა ქიმიოთერაპიის შემდეგ, რომლის სქემაში შედის ბლეომიცინი, იწვევს ინტერსტიციული პნევმონიის განვითარებას, ხანდახან ლეტალური გამოსავალით. მისი მიზეზობრივ კავშირი ნეიპოგენის გამოყენებასთან დადგენილი არ არის.

– ავადმყოფებში მძიმე ქრონიკული ნეიტროპენიით აღინიშნება გვერდითი მოვლენების განვითარება ნეიპოგენზე, მხოლოდ ზოგიერთი პირებში ამ სიმპტომების სიხშირე დროთა განმავლობაში მცირდება.
– ყველაზე ხშირი გვერდითი მოვლენები, რომლებსაც იწვევს ნეიპოგენი არის ტკივილი ძვლებში და გენერალიზებული ტკივილები ჩონჩხის კუნთებში.

– სხვა გვერდითი მოვლენები მოიცავს ელენთის გადიდებას, რომელიც ზოგიერთ ავადმყოფებში პროგრესირებს, ასევე თრომბოციტოპენიას. აღწერილია თავის ტკივილი, დიარეა (10% ნაკლები). პრეპარატის ხანგრძლივი გამოყენებისას აღინიშნება ანემია, სისხლდენა ცხვირიდან.

– ზოგჯერ აღინიშნება გარდამავალი და კლინიკურად უსიმპტომო შარდოვანას შრატისმიერი კონცენტრაციის, ლაქტატდეჰიდროგენაზას, ტუტე ფოსფატაზას აქტივობის მომატება, ასევე ჭამის შემდეგ სისხლში გლუკოზის კონცენტრაციის გარდამავალი შემცირება.

– გვერდითი მოვლენები ასევე მოიცავს ადგილობროვ რეაქციას ინექციის ადგილას, თავის ტკივილს, ღვიძლის გადიდებას, ტკივილს სახსრებში, თმების ცვენას, ოსტეოპოროზს, გამონაყარს კანზე.

– ხანგრძლივი თერაპიის დროს 2% ავადმყოფებში მძიმე ქრონიკული ნეიტროპენიით ადგილი აქვს კანისმიერი ვასკულიტის განვითარებას, იშვიათად აღინიშნება – პროტეინურია და ჰემატურია.

უკუჩვენებები:
* მომატებული მგრძნობელობა პრეპარატის მიმართ;
* მძიმე თანდაყოლილი ნეიტროპენია (კოსტმანის სინდრომი) ციტოგენეტიკური დარღვევებით.
* დაუშვებელია ნეიპოგენის დანიშვნა ციტოსტატური ქიმიოთერაპიული პრეპარატების დოზების გაზრდის მიზნით რეკომენდებულზე უფრო მაღალ  დოზებში.

ორსულობა და ლაქტაცია:
* ნეიპოგენის უსაფრთხოება ორსულ ქალებში დადგენილი არ არის. პრეპარატის გამოყენება ამ პერიოდში დასაშვებია მხოლოდ იმ შემთხვევაში, როდესაც მისი სავარაუდო თერაპიული ეფექტი აღემატება ნაყოფზე მისი მოქმედების რისკს.

განსაკუთრებული მითითებები:
* ავთვისებიანი უჯრედების ზრდა

ადამიანის გრანულაციტური ზრდის ფაქტორს შეუძლია გამოიწვიოს მიელოიდური უჯრედების ზრდა in vitro. ანალოგიური ეფექტი აღინიშნება in vitro ზოგიერთი არამიელოიდური უჯრედების მიმართ.

ნეიპოგენის გამოყენების უსაფრთხოება და ეფექტურობა მიელოდისპლაზიური სინდრომის და ქრონიკული მიელოლეიკოზის დროს დადგენილი არ არის, ამიტომ ამ დაავადებებისას აღნიშნული პრეპარატი ნაჩვენები არ არის. განსაკუთრებული ყურადღება უნდა მიექცეს დიფერენციულ დიაგნოზს ქრონიკული მიელოლეიკოზის ბლასტრანსფორმაციასა და მწვავე ლეიკოზს შორის.

* ავადმყოფები, რომლებიც იტარებენ ციტოტოქსიკურ ქიმიოთერაპიას
ლეიკოციტოზი: 5% ნაკლებ ავადმყოფებში, რომლებიც იღებენ ნეიპოგენს დოზით 0.3 მლნ სე-ზე (3 მკგ/კგ დღეში) მეტს ლეიკოციტების რიცხვი იზრდება 100000-მდე/1 კუბ.მმ და მეტი. გვერდითი მოვლენები, რომლებიც უშუალოდ დაკავშირებულია ასეთ ლეიკოციტოზთან, აღწერილი არ არის. თუმცა გათვალისწინებული უნდა იქნას შესაძლებელი რისკი, დაკავშირებული მძიმე ლეიკოციტოზთან, რის გამოც ნეიპოგენით მკურნალობის დროს აუცილებელია ლეიკოციტების რიცხვის რეგულარული კონტროლი.

– თუ იგი აღემატება 50000/კუბ.მმ-ში, ნეიპოგენი უნდა მოიხსნას. თუ ნეიპოგენს ნიშნავენ უჯრედების-წინამორბედების მობილიზაციის მიზნით, მას ხსნიან იმ შემთხვევაში, თუ ლეიკოციტების რიცხვი აღემატება 100000/1 კუბ.მმ-ში.

* რისკი, რომელიც დაკავშირებულია ქიმიოთერაპიასთან მაღალი დოზებით: აუცილებელია განსაკუთრებული სიფრთხილე იმ ავადმყოფებში, რომლებიც იტარებენ ქიმიოთერაპიას მაღალი დოზებით, რადგანაც ამ დროს ნეოპლაზმის გამოსავალის გაუმჯობესება არ აღინიშნება, თუმცა ამავე დროს ქიმიოპრეპარატების მაღალ დოზებს გააჩნია გამოხატული ტოქსიკურობა, მათ შორის მოვლენები გულის, ფილტვების მხრივ, ასევე ნევროლოგიური და დერმატოლოგიური რეაქციები.

მონოთერაპია
ნეიპოგენით არ თრგუნავს თრომბოციტოპენიას, ანემიას, რომელიც გამოწვეულია მიელოსუპრესული ქიმიოთერაპიით. პრეპარატის მაღალი დოზირების დროს (მაგალითად, სრული დოზები სქემების მიხედვით), მოსალოდნელია თრომბოციტოპენიის და ანემიის განვითარების უფრო მაღალი რისკი. რეკომენდებულია თრომბოციტების და ჰემატოკრიტის რეგულარული კონტროლი. აუცილებელია სიფრთხილის დაცვა ერთ კომპონენტიანი ან კომბინირებული ქიმიოთერაპიული სქემების გამოყენების დროს, რომლებიც იწვევენ მძიმე თრომბოციტოპენიას.
უჯრედების-წინამორბედების გამოყენება, რომლებიც მობილიზებულნი არიან ნეიპოგენის საშუალებით, ამცირებს თრომბოციტოპენიის გამოხატულებას და ხანგრძლივობას მიელოსუპრესული ან მიელობლასტური ქიმიოთერაპიის შემდეგ.

* ავადმყოფები მძიმე ქრონიკული ნეიტროპენიით
ტრანსფორმაცია ლეიკოზში ან პრელეიკოზში:
– აუცილებელია განსაკუთრებული სიფრთხილე მძიმე ქრონიკული ნეიტროპენიის დიაგნოსტიკის დროს, რათა ჩატარდეს მათ იდიფერენცირება სხვა ჰემატოლოგიურ დაავადებებთან, როგორიც არის აპლაზიური ანემია, მიელოდისპლაზია, მიელოლეიკოზი. პრეპარატის მკურნალობის დაწყებამდე აუცილებელია სისხლის სრული ანალიზის ჩატარება ლეიკოციტური ფორმულის და თრომბოციტების რაოდენობის განსაზღვრით; ასევე იკვლევენ ძვლის ტვინის მორფოლოგიურ სურათს და კარიოტიპს.
– 3% ავადმყოფებში მძიმე თანდაყოლილი ნეიტროპენიით (კოსტმანის სინდრომი), რომლებიც იღებენ ნეიპოგენს, აღინიშნება მიელოდისპლაზიური სინდრომი (მდს) და ლეიკოზი; ისინი წარმოადგენენ ამ დაავადების გართულებებს, თუმცა მათი კავშირი ნეიპოგენით მკურნალობასთან დადგენილი არ არის.
– 12% ავადმყოფებში საწყისი ნორმალური ციტოგენეტიკით განმეორებითი გამოკვლევის დროს აღინიშნება ანომალია, მათ შორის მონოსომია 7. თუ ავადმყოფებში კოსტმანის სინდრომით აღინიშნება ციტოგენეტიკური დარღვევები, აუცილებელია განისაზღვროს ნეიპოგენით მკურნალობის სარგებლიანობა და რისკი. მიელოდისპლაზიური სინდრომის და ლეიკოზის განვითარების შემთხვევაში აუცილებელია ნეიპოგენის მოხსნა. ჯერ დადგენილი არ არის იწვევს თუ არა ნეიპოგენით მკურნალობა ციტოგენეტიკური გართულებების განვითარებას.
ავადმყოფებში კოსტმანის სინდრომით რეკომენდებულია 12 თვეში ერთხელ ჩატარდეს ძვლის ტვინის მორფოლოგიური და ციტოგენეტიკური კვლევები.

სისხლის ფორმულა: ნეიპოგენით მკურნალობის პირველი კვირის განმავლობაში აუცილებელია თრომბოციტების რიცხვის კონტროლი. თუ განვითარდა თრომბოციტოპენია (თრომბოციტების რიცხვი სტაბილურად დაბალია 100000-ზე 1 კუბ.მმ-ში), უნდა განხილულ იქნას საკითხი პრეპარატის მოხსნის, ან დოზის შემცირების შესახებ.
– ასევე აღინიშნება სისხლის ფორმულის სხვა ცვლილებები, რაც იწვევს მისი კონტროლის აუცილებლობას, მათ შორის ანემია და მიელოიდური უჯრედების-წინამორბედების გარდამავალი ზრდა.
სხვა: უნდა გამოირიცხოს ინფექციის ისეთი მიზეზი, როგორიც არის ვირუსული ინფექცია. ელენთის გადიდება წარმოადგენს ნეიპოგენით მკურნალობის უშუალო შედეგს. კლინიკური კვლევის დროს 31% ავადმყოფებში მძიმე ქრონიკული ნეიტროპენიით პალპაციით აღინიშნებოდა სპლენომეგალია. რენტგენოგრაფიის დროს მისი მოცულობის გაზრდა აღინიშნება მკურნალობის დაწყების შემდეგ და გააჩნია ტენდენცია სტაბილიზაციისაკენ. დადგენილია, რომ დოზის შემცირება ანელებს, ან აჩერებს ელენთის ზრდას. 3% ავადმყოფებს ესაჭიროებოდათ სპლენექტომია. ელენთის ზომები კონტროლირდება რეგულარულად. ელენთის ზომის დასადგენად აუცილებელია მუცლის პალპაცია.
– მცირერიცხოვან ავადმყოფებში აღინიშნება ჰემატურია და პროტეინურია, მათი კონტროლისათვის აუცილებელია შარდის რეგულარული ანალიზი.
– პრეპარატის გამოყენების უსაფრთხოება და ეფექტურობა ახალშობილებში და ავადმყოფებში აუტოიმუნური ნეიტროპენიით გამოკვლეული არ არის.

* ავადმყოფები, რომლებსაც უტარდებათ ჰემოპოეზის უჯრედების–წინამორბედების მობილიზაცია
მობილიზაცია: რანდომიზირებული კვლევები ორი რეკომენდებული მობილიზაციის მეთოდების შესადარებლად (მხოლოდ ფილგრისტიმი ან კომბინაციაში მიელოსუპრესულ ქიმიოთერაპიასთან) ავადმყოფთა ერთნაირ კონტიგენტზე არ ჩატარებულა. სხვაობის ხარისხი ცალკეულ ავადმყოფთა და CD34+ უჯრედების ლაბორატორიულ განსაზღვრას შორის ადასტურებს, რომ სხვადასხვა კვლევების პირდაპირი შედარება გაძნელებულია. ამიტომ, ოპტიმალური მეთოდის რეკომენდაცია ძნელია. მობილიზაციის მეთოდის შერჩევა ხდება აღნიშნული ავადმყოფის მკურნალობის საერთო მიზნის მიხედვით.
წინამორბედი მკურნალობა ციტოტოქსიკური საშუალებებით:
– ავადმყოფებში, რომლებსაც წარსულში ჩაუტარდათ აქტიური მიელოსუპრესული თერაპია, შეიძლება არ მოხდეს უჯრედების-წინამორბედების საკმარისი აქტივაცია მინიმალურ დონემდე (≥2.0X106 CD34/კგ) ან თრომბოციტების რიცხვის ნორმალიზაციის დაჩქარება.
– ზოგიერთ ციტოსტატურ საშუალებებს გააჩნიათ განსაკუთრებული ტოქსიკურობა ჰემოპოეზის უჯრედების-წინამორბედების მიმართ და უარყოფითად მოქმედებენ მათ მობილიზაციაზე; ისეთმა საშუალებებმა, როგორიც არის მელფალანი, კარმუსტინი და კარბოპლატინი, თუ ისინი ინიშნებოდნენ ხანგრძლივი დროის განმავლობაში უჯრედების-წინამორბედების მობილიზაციამდე, შეიძლება შეამცირონ მისი ეფექტურობა.
– ნეიპოგენის ერთდროული გამოყენება მელფალანთან, კარბოპლატინთან ან კარმუსტინთან ერთად ეფექტურია უჯრედების-წინამორბედების აქტივაციისათვის.
– თუ იგეგმება პერიფერიული უჯრედების-წინამორბედების გადანერგვა, რეკომენდებულია დაიგეგმოს ღეროვანი უჯრედების მობილიზაცია მკურნალობის ადრეულ სტადიაზე. განსაკუთრებული ყურადღება უნდა მიექცეს უჯრედების-წინამორბედების რიცხვს, რომლებიც განიცდიან აქტივირებას ავადყმოფებში მაღალი დოზებით ქიმიოთერაპიის ჩატარებამდე. თუ მობილიზაციის შედეგი, ზევით მოყვანილი კრიტერიუმების შესაბამისად, არასაკმარისია, უნდა განხილულ იქნას მკურნალობის ალტერნატიული სახეობა, რომელიც არ მოითხოვს უჯრედების წინამორბედების გამოყენებას.
უჯრედების-წინამორბედების შეფასება: უჯრედების-წინამორბედების რიცხვის შეფასებისას, რომლებიც განიცდიან მობილიზაციას ავადმყოფებში ნეიპოგენით მკურნალობის დროს, უნდა მიექცეს განსაკუთრებული ყურადღება რაოდენობრივ მეთოდს. CD34+ უჯრედების რიცხვის ციტომეტრული ანალიზის შედეგი განსხვავდება კონკრეტული მეთოდოლოგიის შესაბამისად. დამოკიდებულების სტატისტიკური ანალიზი შეყვანილი CD34+  უჯრედების რიცხვსა და თრომბოციტების რაოდენობის ნორმალიზაციას შორის მიუთითებს რთულ, მაგრამ სტაბილურ დამოკიდებულებაზე.

*სიფრთხილის სხვა ზომები:
– ავადმყოფებში თანხმლები ძვლოვანი პათოლოგიით და ოსტეოპოროზით, რომლებსაც უტარდებათ უწყვეტი მკურნალობა ნეიპოგენით 6 თვის განმავლობაში, ნაჩვენებია ძვლის ნივთიერების სიმკვრივის კონტროლი.
– კვლევა ნეიპოგენის გამოყენების შესახებ ავადმყოფებში თირკმელების და ღვიძლის დაზიანებით არ არის ჩატარებული, ამიტომ მისი დანიშვნა ავადმყოფთა ამ ჯგუფში რეკომენდებული არ არის.
– ნეიპოგენის მოქმედება ავადმყოფებში მიელოდური უჯრედების-წინამორბედების შემცირების დროს შესწავლილი არ არის. ნეიპოგენი ზრდის ნეიტროფილების რიცხვს უჯრედებ-წინამორბედებზე ზემოქმედებით. ამიტომ ავადმყოფებში უჯრედების-წინამორბედების შემცირებით (მაგალითად, ინტენსიური სხივური თერაპიის ან ქიმიოთერაპიის დროს) ნეიტროფილების რიცხვის მომატების ხარისხი შეიძლება იყოს დაბალი.
ნეიპოგენის ზემოქმედება რეაქციაზე “ტრასპლანტატი მასპინძლის წინააღმდეგ” დადგენილი არ არის.

ჭარბი დოზირება:
ნეიპოგენის ჭარბი დოზირების შესახებ მონაცემები არ მოიპოვება. პრეპარატის მიღების შეწყვეტიდან 1-2 დღის შემდეგ ცირკულაციაში მყოფი ნეიტროფილების რიცხვი მცირდება 50%-ით და უბრუნდება ნორმას 1-7 დღის შემდეგ.

სხვა წამლებთან ურთიერთქმედება:
– ნეიპოგენის და მიელოსუპრესული ციტოსტატური ქიმიოპრეპარატების ერთდროული გამოყენების უსაფრთხოება და ეფექტურობა არ არის დადგენილი. იმის გამო, რომ აღინიშნება მგრძნობელობა სწრაფად გამყოფი მიელოიდური უჯრედების მხრივ მიელოსუპრესული ქიმიოთერაპიის მიმართ, ნეიპოგენის დანიშვნა 24 საათით ადრე ამ პრეპარატების შეყვანამდე, ან 24 საათით შემდეგ არ არის რეკომენდებული.
– წინასწარი მონაცემები ავადმყოფების მცირე რიცხვის მიხედვით, რომლებიც ერთდროულად იღებენ ნეიპოგენს და 5-ფტურორურაცილს, ადასტურებს, რომ ნეიტროპენის სიმძიმის ხარისხი შეიძლება გაიზარდოს.
– შესაძლებელი ურთიერთქმედება სხვა ჰემოპოეზურ ზრდის ფაქტორთან და ციტოკინებთან კლინიკური კვლევით დადგენილი არ არის.

შენახვის პირობები: პრეპარატი ინახება 2-80C ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა: 2 წელი.

აფთიაქიდან გაცემის პირობები: პრეპარატი გაიცემა ექიმის რეცეპტით.

მწარმოებელი: F. HOFFMANN-LA ROCHE

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug, pyridoxine, thiamine, lidocaine
აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი:  ნევროლოგიური სიმპტომების დროს გამოსაყენებელი B ჯგუფის ვიტამინები

1. რას წარმოადგენს ნეირაქსინი B და რისთვის გამოიყენება იგი
ნეირაქსინი B-ს აქტიურ სუბსტანციებს წარმოადგენენ პირიდოქსინის ჰიდროქლორიდი (ვიტამინი B6), თიამინის ჰიდროქლორიდი (ვიტამინი B1), ციანოკობალამინი (ვიტამინი B12), ლიდოკაინის ჰიდროქლორიდი.
ნეირაქსინი B  გამოიყენება მოზრდილებში და   12 წელზე უფროსი ასაკის ბავშვებში ვიტამინების B1, B6 და B12   მუდმივი დეფიციტით გამოწვეული  ჰემატოლოგიური და ნევროლოგიური სიმპტომების მკურნალობისათვის.

2. რა უნდა იცოდეთ პრეპარატ ნეირაქსინი B გამოყენებამდე
არ გამოიყენოთ ნეირაქსინი B:
– თუ თქვენ გაქვთ ალერგია პირიდოქსინის ჰიდროქლორიდის (ვიტამინი B6), თიამინის ჰიდროქლორიდის (ვიტამინი B1), ციანოკობალამინის (ვიტამინი B12), ლიდოკაინის ჰიდროქლორიდის ან ამ პრეპარატის სხვა რომელიმე კომპონენტის მიმართ (მოყვანილია პუნქტში 6);
– თუ თქვენ გაქვთ გულის  მძიმე დაავადებები და მწვავე დეკომპენსირებული გულის უკმარისობა;
– ორსულობისა და ძუძუთი კვების პერიოდში.
ბენზილის სპირტის შემცველობის გამო, სამკურნალო პრეპარატი არ გამოიყენება ახალშობილებში, განსაკუთრებით დღენაკლულ ახალშობილებში. გამოყენების ზღვარი შეადგენს ბენზილის სპირტის  90 მგ-ს და მეტს დღეში: 3 წლამდე ასაკის ბავშვებში შეიძლება განვითარდეს ტოქსიური და ანაფილაქტოიდური რეაქციები.

გაფრთხილებები და სიფრთხილის ზომები გამოყენებისას
ეს პრეპარატი გამოიყენება მხოლოდ ინტრამუსკულარულად (i.m.), არ გამოიყენება ვენაში (i.v.). ვენაში პრეპარატის შემთხვევითი შეყვანის შემთხვევაში საჭიროა სამედიცინო კონტროლი ან ჰოსპიტალიზაცია გაჩენილი სიმპტომების სიმძიმიდან გამომდინარე.

სხვა პრეპარატები და ნეირაქსინი B
შეატყობინეთ ექიმს ყველა იმ პრეპარატის შესახებ, რომელსაც იყენებთ, იყენებდით ან შეგეძლოთ გამოგეყენებინათ.
განსაკუთრებით მნიშვნელოვანია შემდეგი პრეპარატები:
– სულფიტის შემცველი ხსნარები (ვიტამინი B1 შლის მჟავის შემცველ სულფიტის ხსნარებს. ხოლო სხვა ვიტამინები ინაქტივირდებიან B1 ვიტამინის დაშლის პროდუქტების შედეგად);
– იზონიაზიდი, ციკლოსერინი-  გამოიყენება ტუბერკულოზის სამკურნალოდ;
– D-პენიცილინამინი – გამოიყენება რევმატოიდული ართრიტის სამკურნალოდ;
– ეპინეფრინი – გამოიყენება მძიმე ალერგიული რეაქციების (ანაფილაქსია) სამკურნალოდ;
– ნორეპინეფრინი- გამოიყენება დეპრესიის და დაბალი არტერიული წნევის  სამკურნალოდ;
– სულფონამიდები- ანტიბიოტიკები,  რომლებიც ასევე გამოიყენება ნაწლავების ანთებითი დაავადებების სამკურნალოდ;
– ლევოდოფა – გამოიყენება პარკინსონის დაავადების  სამკურნალოდ.

ორსულობა და ლაქტაცია
თუ თქვენს ხართ ორსულად ან კვებავთ ბავშვს ძუძუთი, გეგმავთ ორსულობას ან ფიქრობთ, რომ შეიძლება იყოთ ორსულად, პრეპარატის გამოყენებამდე გაიარეთ კონსულტაცია ექიმთან ან ექთანთან.
ორსულობის დროს და ლაქტაციის პერიოდში B6 ვიტამინის უსაფრთხო დღიური დოზა შეადგენს 25 მგ-ს. ვინაიდან ამ სამკურნალო პრეპარატში B6 ვიტამინის შემცველობა ერთ 2 მლ-იან ამპულაში შეადგენს 100 მგ-ს, მისი გამოყენება ორსულობის და ლაქტაციის დროს აკრძალულია.

მანქანის და მექანიზმების მართვა
არ ახდენს უარყოფით ზეგავლენას მანქანის და მექანიზმების მართვის უნარზე.
ნეირაქსინი B შეიცავს ბენზილის სპირტს
ნეირაქსინი B თითოეული ამპულა შეიცავს 40 მგ ბენზილის სპირტს.
არ გამოიყენება ახალშობილებში და დღენაკლულ ახალშობილებში.
შეუძლია ტოქსიური რეაქციების და ალერგიული რეაქციების გამოწვევა 3 წლამდე ასაკის ბავშვებში.
პრეპარატი შეიცავს ერთ დოზაზე 1 მმოლ-ზე (23 მგ) ნაკლებ ნატრიუმს, რაც ნიშნავს, რომ პრეპარატი პრაქტიკულად  „ნატრიუმის გარეშეა“.
პრეპარატი შეიცავს  ერთ დოზაზე  1 მმოლ-ზე (39 მგ) კალიუმს, რაც ნიშნავს, რომ პრეპარატი პრაქტიკულად   „კალიუმის გარეშეა“.

3. როგორ გამოიყენება ნეირაქსინი B
ყოველთვის გამოიყენეთ ეს პრეპარატი ექიმის დანიშნულების მიხედვით. ნებისმიერი კითხვის შემთხვევაში მიმართეთ ექიმს ან ფარმაცევტს.
ეს პრეპარატი გამოიყენება მხოლოდ კუნთში (i.m.), არ გამოიყენება ვენაში (i.v.). ვენაში პრეპარატის შემთხვევით შეყვანის შემთხვევაში საჭიროა სამედიცინო კონტროლი ან ჰოსპიტალიზაცია გაჩენილი სიმპტომების სიმძიმიდან გამომდინარე.
თქვენი ექიმი განსაზღვრავს პრეპარატის საჭირო დოზას და ინექციების სიხშირეს.
მოზრდილები და 12 წლის ზევით ასაკის ბავშვები
მძიმე და მწვავე სიმპტომების შემთხვევაში: ჩვეულებრივ გამოიყენება ერთი ინექცია (2 მლ) დღეში ერთხელ, რათა მიიღოთ აქტიური სუბსტანციების მაღალი დონე სისხლში. მწვავე ფაზის კუპირების შემდეგ და ნაკლებად სერიოზული სიმპტომების შემთხვევაში გამოიყენება 1 ინექცია 2-3 ჯერ კვირაში.
ხანდაზმული პაციენტები
დოზის კორექტირება საჭირო არ არის.
პედიატრიული პოპულაცია
ნეირაქსინი B  საინექციო ხსნარი არ გამოიყენება 12 წლამდე ასაკის ბავშვებში.
მითითებანი ამპულის გახსნის შესახებ:
1. დაიჭირეთ ამპულა ფერადი წერტილით ზევით. თუ ამპულის ზედა ნაწილში არის ხსნარი, ნაზად დააკაკუნეთ თითით, რათა ხსნარი მთლიანად მოგროვდეს ამპულის ქვედა ნაწილში.
2. გამოიყენეთ ორივე ხელი გახსნისთვის; ერთი ხელით დაიჭირეთ  ამპულის ქვედა ნაწილი, ხოლო მეორე ხელით მოტეხეთ   ამპულის ზედა ნაწილი ფერად წერტილზე ზეწოლის მეშვეობით
თუ თქვენ გამოიყენეთ დანიშნულზე მეტი ნეირაქსინი B
ვინაიდან ეს მედიკამენტი გეძლევათ  სამედიცინო ზედამხედველობის ქვეშ,   ნაკლებად სავარაუდოა, რომ თქვენ მიიღოთ ნეირაქსინი B  საჭიროზე  უფრო მეტი ან უფრო ნაკლები დოზით.
თუ თქვენ შეგექმნათ შთაბეჭდილება, რომ ნეიროქსინი B-ს   ეფექტი ძალიან ძლიერია ან ძალიან სუსტია, გაიარეთ კონსულტაცია  თქვენს ექიმთან ან ექთანთან.
4. შესაძლო გვერდითი მოვლენები
ყველა პრეპარატის მსგავსად, ამ პრეპარატსაც შეუძლია გვერდითი მოვლენების გამოწვევა, თუმცა ყველა პაციენტთან ის არ ვლინდება.
არასასურველი გვერდითი ეფექტები მოყვანილია  მათი გამოვლენის  სიხშირის გათვალისწინებით:
იშვიათი (აღინიშნება ნაკლები, ვიდრე 1 000-დან 1 პაციენტში)
– მომატებული მგრძნობელობის რეაქციები (კანზე გამონაყარი, სუნთქვის დათრგუნვა, შოკი, ანგიოედემა).
ბენზილის სპირტი: მომატებული მგრძნობელობის რეაქციები.
ძალიან იშვიათი (აღინიშნება ნაკლები, ვიდრე 10 000-დან 1 პაციენტში)
– პალპიტაცია (ტაქიკარდია).
– ძლიერი ოფლიანობა, აკნე, კანის რეაქციები – ქავილი და ჭინჭრის ციება.
უცნობია (შეფასება შეუძლებალია არსებული მონაცემების საფუძველზე)
– ვერტიგო, ცნობიერების დარღვევა.
– გულის რითმის შენელება (ბრადიკარდია), გულის რითმის დარღვევები.
– ღებინება.
– კრუნჩხვები.
– სისტემური რეაქციები, მათ შორის ცენტრალური ნერვული სისტემის აგზნება ან / და დათრგუნვა (კოორდინაციის დარღვევა, ნერვიულობა, საფრთხის განცდა, ეიფორია, დაბნეულობა, თავბრუსხვევა, ცნობიერების დარღვევა, ყურებში შუილი, ბუნდოვანი მხედველობა და გაორება, ღებინება, სიცივის ან სიცხის შეგრძნება) შეიძლება მოხდეს სწრაფი ინექციის შედეგად (შეცდომით ინტრავენური  ინექცია,  ინექცია ქსოვილებში კარგი სისხლმომარაგებით) ან ჭარბი დოზირების შემთხვევაში.

შეტყობინებები გვერდითი ეფექტების შესახებ
თუ თქვენ შენიშნეთ რაიმე სახის გვერდითი მოვლენა, მიმართეთ თქვენს ექიმს, ფარმაცევტს ან ექთანს. აღნიშნული რეკომენდაცია ვრცელდება ნებისმიერ შესაძლო არასასურველ მოვლენაზე, მათ შორის ისეთ გვერდით მოვლენებზე, რომლებიც არ არის ამ ინსტრუქციაში აღწერილი.

5. როგორ უნდა შეინახოთ ნეირაქსინი B
შეინახეთ მაცივარში (2°C – 8°C). არ გაყინოთ. შეინახეთ ორიგინალურ შეფუთვაში სინათლისაგან დაცვის მიზნით.
შეინახეთ ბავშვებისათვის მიუწვდომელ ადგილას.
ამპულის გაიხსნის შემდეგ, მისი შიგთავსი უნდა იქნას გამოყენებული დაუყოვნებლივ.
არ გამოიყენოთ პრეპარატი ვარგისობის ვადის გასვლის შემდეგ, რომელიც მითითებულია მუყაოს ყუთზე წარწერის „ვარგისია“ შემდეგ. ვარგისობის ვადის გასვლის თარიღად ითვლება მითითებული თვის ბოლო დღე.

6. შეფუთვის შემადგენლობა და სხვა ინფორმაცია
რას შეიცავს ნეირაქსინი B
– აქტიურ სუბსტანციებია: პირიდოქსინის ჰიდროქლორიდი (ვიტამინი B6), თიამინის ჰიდროქლორიდი (ვიტამინი B1), ციანოკობალამინი (ვიტამინი B12), ლიდოკაინის ჰიდროქლორიდი.
საინექციო ხსნარის 1 მლ შეიცავს: პირიდოქსინის ჰიდროქლორიდის 50 მგ-ს, თიამინის ჰიდროქლორიდის 50 მგ-ს, ციანოკობალამინს 0.5 მგ-ს, ლიდოკაინის ჰიდროქლორიდის 10 მგ-ს.
1 ამპულა (2 მლ) შეიცავს: პირიდოქსინის ჰიდროქლორიდის 100 მგ-ს, თიამინის ჰიდროქლორიდის 100 მგ-ს, ციანოკობალამინის 1 მგ-ს, ლიდოკაინის ჰიდროქლორიდის 20 მგ-ს.
– სხვა კომპონენტებია: ბენზილის სპირტი, ნატრიუმის ტრიფოსფატი პენტაბაზალური, ნატრიუმის ჰიდროქსიდი (pH კორექციისთვის), კალიუმის ჰექსაციანოფერატი (III), საინექციო წყალი.

გამოშვების ფორმა: (100მგ/100მგ/1მგ/20მგ)/2მლ 2მლ ი.მ. საინექციო ხსნარი ამპულა №5

გაცემის რეჟიმი: III ჯგუფი (ურეცეპტოდ)

მწარმოებელი: HBM PHARMA, სლოვაკეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კარბამაზეპინი/carbamazepine

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: ანტიეპილეფსიური საშუალებები

შემადგენლობა
ნეიროლეფსინის ერთი ტაბლეტი შეიცავს აქტიური ნივთიერების – კარბამაზეპინის 200 მგ-ს ან 400 მგ-ს.
დამხმარე ნივთიერებები: მიკროკრისტალური ცელულოზა, ნატრიუმის სახამებლის გლიკოლატი, ჰიდროქსიპროპილცელულოზა, ტალკი, სილიციუმის დიოქსიდი, მაგნიუმის სტეარატი.

მოქმედების მექანიზმი
ანტიეპილეფსიური პრეპარატი. მისი მოქმედება დამყარებულია ნეირონის შესაძლებლობის დაქვეითებაზე ხელი შეუწყოს მაღალი სიხშირით განმეორებადი მოქმედების პოტენციალების წარმოქმნას, რაც ნატრიუმის არხების ინაქტივაციის საშუალებით ხდება. გარდა ამისა, პრესინაფსული ნატრიუმის არხების ბლოკირებით აფერხებს ნეირომედიატორების გამოთავისუფლებას, მოქმედების პოტენციალის წარმოქმნას და ამით აქვეითებს სინაფსურ გადაცემას.
ახასიათებს ზომიერად გამოხატული ანტიმანიაკალური, ანტიფსიქოზური მოქმედება, ასევე – ტკივილგამაყუჩებელი მოქმედება ნეიროგენული ტკივილის დროს.

ფარმაკოკინეტიკა
კარბამაზეპინი თითქმის მთლიანად აბსორბირდება კუჭ-ნაწლავის ტრაქტიდან. სისხლის პლაზმის ცილებს უკავშირდება 75%. Cmax აღინიშნება პრეპარატის მიღებიდან 4-8 სთ-ში. ბიოტრანსფორმირდება ღვიძლში. ნახევარგამოყოფის პერიოდი შეადგენს 12-29 სთ-ს. კარბამაზეპინი გამოიყოფა შარდთან და ფეკალურ მასებთან ერთად, უპირატესად (60%) არააქტიური მეტაბოლიტების სახით.
კარბამაზეპინი გადის პლაცენტარულ ბარიერს და კუმულირდება ნაყოფის ქსოვილში.

ჩვენება
– ეპილეფსია: მარტივი და რთული სიმპტომატიკით მიმდინარე პარციალური გულყრა; გენერალიზებული ტონურ-კლონური გულყრა, ძირითადად ფოკალური გენეზის (დიდი გულყრა ძილის დროს, დიფუზური დიდი გულყრა); ეპილეფსიის შერეული ფორმები;
– ნეიროგენული გენეზის ტკივილის სინდრომი: სამწვერა ნერვის ესენციალური ნევრალგია, სამწვერა ნერვის ნევრალგია გაფანტული სკლეროზის დროს, ესენციალური გლოსოფარინგეალური ნევრალგია; დიაბეტური ნევროპათიის თანმხლები ტკივილის სინდრომი;
– ალკოჰოლური აბსტინენციის სინდრომი (გამოიყენება სტაციონარულ პირობებში);
– ფსიქოზები (განსაკუთრებით მანიაკალურ-დეპრესიული ფსიქოზი, აჟიტირებული და იპოქონდრიული დეპრესიები, კატატონური აგზნებადობა).

უკუჩვენება
– ანამნეზში ლეიკოპენია (გრანულოციტოპენია), თრომბოციტოპენია;
– AV ბლოკადა;
– მაო-ს ინჰიბიტორების ან ლითიუმის პრეპარატების კარბამაზეპინთან ერთდროული მიღება;
– ეპილეფსიური სტუპორი;
– მომატებული მგრძნობელობა კარბამაზეპინისა და ტრიციკლური ანტიდეპრესანტებისადმი, ან პრეპარატის სხვა კომპონენტებისადმი.

უსაფრთხოების ზომები
ნეიროლეფსინის გამოყენებისას შესაძლებელია გამოვლინდეს გარდამავალი ან მდგრადი თრომბოციტოპენია და ლეიკოპენია. ხშირ შემთხვევაში, აღნიშნული გვერდითი მოვლენები გარდამავალია და არ წარმოადგენს აგრანულოციტოზისა და აპლასტიური ანემიის განვითარების საწყისს. მიუხედავად ამისა, მკურნალობის დაწყებამდე და მკურნალობის პროცესში აუცილებელია სისხლის პერიოდული კონტროლი. ასევე, მნიშვნელოვანია ღვიძლის ფუნქციების კონტროლი, განსაკუთრებით ანამნეზში ღვიძლის დაავადებების არსებობისას ან ასაკოვან პაციენტებში. მკურნალობის პროცესში ძვლის ტვინის ფუნქციების დაქვეითებისას, ან ღვიძლის ფუნქციების გაუარესებისას აუცილებელია პრეპარატის შეწყვეტა.
მკურნალობის პროცესში, მუდმივი ხასიათის დერმატოლოგიური რეაქციების  სიმპტომების გამოვლინებისას, განსაკუთრებით სტივენს-ჯონსონის ან ლაიელის სინდრომის არსებობისას, აუცილებელია პრეპარატის მიღების შეწყვეტა.
ნეიროლეფსინით მკურნალობამდე და მკურნალობის პროცესში რეკომენდებულია შარდის საერთო ანალიზის და სისხლში შარდოვანას კონტროლი.
პრეპარატი არ ინიშნება მცირე ეპილეფსიური გულყრის დროს.
შერეული ტიპის ეპილეფსიური გულყრის დროს ნეიროლეფსინი სიფრთხილით უნდა დაინიშნოს, რადგან შესაძლებელია შეტევების გაძლიერება გამოიწვიოს. ამ შემთხვევაში ნეიროლეფსინით მკურნალობა უნდა შეწყდეს.
ნეიროლეფსინით მკურნალობისას აკრძალულია ალკოჰოლის გამოყენება.
ნეიროლეფსინით მკურნალობის დაწყებამდე 2 კვირით ადრე მაინც, საჭიროა მაო-ს ინჰიბიტორების მოხსნა.

ორსულობა და ლაქტაციის პერიოდი
კარბამაზეპინის გამოყენება ორსულობის დროს დასაშვებია მხოლოდ სასიცოცხლო ჩვენებით. ორსულ ქალებში ანტიეპილეფსიური თერაპიის აუცილებლობის შემთხვევაში საჭიროა მონოთერაპიული მკურნალობა და არა რამდენიმე პრეპარატის კომბინაცია. ორსულობის პირველი 20-40 დღის განმავლობაში კარბამაზეპინის გამოყენების აუცილებლობისას, საჭიროა პრეპარატის მინიმალური დოზით დანიშვნა. ლაქტაციის პერიოდში პრეპარატის გამოყენებისას, ახალშობილის წონის ცუდი მატების ან მომატებული აგზნებადობის შემთხვევაში, საჭიროა ბუნებრივი კვების შეწყვეტა.

დოზის გადაჭარბება
დოზის გადაჭარბების დროს ძირითადად ვლინდება სიმპტომები ცენტრალური ნერვული სისტემის, კარდიოვასკულარული და სასუნთქი სისტემის მხრივ.
ცნს: ცენტრალური ნერვული სისტემის ფუნქციების დათრგუნვა, დეზორიენტაცია, ძილიანობა, აგზნებადობა, ჰალუცინაციები, კომა, მხედველობის დაბინდვა, დიზართრია, ნისტაგმი, ატაქსია, დისკინეზია, ჰიპერ- და ჰიპორეფლექსია, კრუნჩხვა, მიოკლონუსი, ჰიპოთერმია, მიდრიაზი.
სასუნთქი სისტემა: სუნთქვის დათრგუნვა, ფილტვების შეშუპება.
გულ-სისხლძარღვთა სისტემა: ტაქიკარდია, არტერიული ჰიპოტენზია; ზოგჯერ – ჰიპერტენზია, გამტარობის დარღვევა QRS კომპლექსის გაფართოებით, სინკოპე.
ასევე: ღებინება, საჭმლის კუჭიდან გადასვლის დაქვეითება, მსხვილი ნაწლავის მოტორიკის დაქვეითება; სითხის და შარდის შეკავება; ჰიპონატრიემია, მეტაბოლური აციდოზი, შესაძლებელია ჰიპერგლიკემია.
მკურნალობა: მკურნალობა ეფუძნება პაციენტის კლინიკურ მდგომარეობას, ნაჩვენებია ჰოსპიტალიზაცია.
ტარდება კუჭის შიგთავსის ევაკუაცია, კუჭის ამორეცხვა, აქტივირებული ნახშირის მიღება. ინტენსიური თერაპიის განყოფილებაში ტარდება სიმპტომური შემანარჩუნებელი თერაპია, გულის ფუნქციათა მონიტორინგი, ელექტროლიტური დისბალანსის კორექცია. სპეციფიკური ანტიდოტი არ არსებობს.

ავტომობილისა და სხვა მექანიკური საშუალებების მართვაზე გავლენა
ნეიროლეფსინით მკურნალობის საწყის ეტაპზე ან დოზის შერჩევის პერიოდში მოსალოდნელია ფსიქო-მოტორული რეაქციების შენელება, რაც თავბრუსხვევითა და ძილიანობით არის განპირობებული. ამიტომ, ავტომობილისა და სხვა მექანიკური საშუალებების მართვის დროს საჭიროა სიფრთხილის დაცვა.

სხვა სამკურნალო საშუალებებთან ურთიერთქმედება
ნეიროლეფსინისა და სხვა ანტიეპილეფსიური საშუალებების (მაგ.: დიფენინი, ფენობარბიტალი) ერთდროული გამოყენებისას მოსალოდნელია კრუნჩხვების საწინააღმდეგო ეფექტის შემცირება, იშვიათად – გაძლიერება.
ნეიროლეფსინისა და ვალპროატის მჟავას ერთდროული დანიშვნისას, იშვიათ შემთხვევაში შესაძლებელია გონების დაბინდვა და კომის განვითარება.
ნეიროლეფსინი ამცირებს არაპირდაპირი კოაგულანტებისა და ჰორმონალური კონტრაცეპტივების მოქმედებას. ნეიროლეფსინისა და ლითიუმის პრეპარატების ერთდროული გამოყენებისას შესაძლებელია ცნს-ზე ზემოქმედების გაძლიერება. ტეტრაციკლინი ამცირებს ნეიროლეფსინის ეფექტებს, ხოლო ერითრომიცინი, იზონიაზიდი, ვერაპამილი, დილთიაზემი, დექსტროპროპოქსიფენი, ვილოქსაზინი და ციმეტიდინი ზრდიან სისხლში კარბამაზეპინის კონცენტრაციას.

დოზირება და მიღების წესი
დოზირება ხდება ინდივიდუალურად ჩვენებისა და პაციენტის მდგომარეობის გათვალისწინებით.
მოზრდილებში და 15 წელზე მეტი ასაკის მოზარდებში ინიშნება – 100-400 მგ საწყისი დღიური დოზით, შემანარჩუნებელი დოზაა 600მგ-1,2გ/დღეში, დოზის მატება ხდება ერთკვირიანი ინტერვალით დღიური დოზით არა უმეტეს 200 მგ-ისა, თერაპიული ეფექტის მიღწევამდე. ნეიროლეფსინი ინიშნება 1-4-ჯერ დღეში, ხოლო ხანგრძლივობა განისაზღვრება ჩვენებით, მკურნალობის ეფექტურობითა და თერაპიაზე პაციენტის რეაქციით.
ნეიროლეფსინი შედარებით მცირე დოზით ინიშნება ხანდაზმულობის ასაკსა და გულ-სისხლძარღვთა სისტემის, ღვიძლისა და თირკმლების დაავადებების მქონე პაციენტებში.
1 წლამდე ასაკის ბავშვებში პრეპარატის დღიური დოზა შეადგენს 100-200 მგ-ს, 1-5 წლამდე – 200-400 მგ/დღეში, 5-10 წლამდე – 400-600 მგ/დღეში, 10-15 წლამდე – 600-1000 მგ/დღეში. დოზის გაზრდა ხდება ერთკვირიანი ინტერვალებით დღიური დოზით არა უმეტეს 100 მგ-სა, თერაპიული ეფექტის მიღწევამდე. ბავშვებში შემანარჩუნებელი დღიური დოზა შეადგენს 400-800 მგ-ს (10-20 მგ/კგ/დღეში).
მაქსიმალური დოზა: მოზრდილებსა და 15 წ მეტი ასაკის მოზარდებში – 1.2 გ/დღეში, ბავშვებში – 1 გ/დღეში.
ნევრალგიის დროს მკურნალობის პირველ და მეორე დღეს ნეიროლეფსინი ინიშნება დღიური დოზით 200 მგ, მესამე და მეოთხე დღეს – 400 მგ/დღეში, მეხუთე დღიდან – დღიური დოზით 600 მგ/დღეში. დღიური დოზა ნაწილდება 2-3 მიღებაზე.

გვერდითი მოვლენები
ცნს და პერიფერიული ნერვული სისტემის მხრივ: ხშირად – თავბრუსხვევა, ატაქსია, ძილიანობა; შესაძლებელია თავის ტკივილი, დიპლოპია, აკომოდაციის დარღვევა; იშვიათად – უნებლიე მოძრაობები, ნისტაგმი, დიზართრია, პერიფერიული ნევრიტი, პარესთეზია, კუნთების სისუსტე, პარეზის სიმპტომები, ჰალუცინაციები, დეპრესია, დაღლილობის შეგრძნება, აგრესიული ქცევა, აჟიტირება, გემოს შეგრძნების დარღვევები, კონიუნქტივიტი, ჰიპერაკუზია.
საჭმლის მომნელებელი სისტემის მხრივ: გულისრევა, ღებინება, პირის სიმშრალე, დიარეა ან ყაბზობა, ღვიძლის ტრანსამინაზების მატება;
გულ-სისხლძარღვთა სისტემის მხრივ: იშვიათად – მიოკარდის გამტარობის დარღვევა, ერთეულ შემთხვევაში – ბრადიკარდია, არითმია, AV ბლოკადა, კოლაფსი, გულის უკმარისობა, კორონარული უკმარისობა, თრომბოფლებიტი, თრომბოემბოლია.
სისხლმბადი ორგანოების მხრივ: შესაძლებელია – ლეიკოპენია, ეოზინოფილია, თრომბოციტოპენია, იშვიათად – ლეიკოციტოზი, აგრანულოციტოზი;
ალერგიული რეაქციები: გამონაყარი კანზე, ქავილი, ლიმფადენოპათია, ცხელება.

ვარგისობა და შენახვის პირობები
პრეპარატის ვარგისობის ვადა – 3 წელი.
ინახება 10-25°C ტემპერატურაზე, ბავშვებისათვის ხელმიუწვდომელ ადგილზე!
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა #3 რეცეპტით.
გამოშვების ფორმა და შეფუთვა: 400მგ ტაბლეტი №50. 200 მგ ან 400 მგ, 50 ტაბლეტი ბლისტერებში. მეორადი შეფუთვა – მუყაოს კოლოფში.
მწარმოებელი:: ჯი-ემ-პი, საქართველო

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი: პულმონოლოგიაში  გამოსაყენებელი ბიოლოგიურად აქტიური საკვები დანამატი

შემადგენლობა
ფიჭვი (Pinus sylvestris), ისლანდიური ხავსი (Cetraria islandica), N-აცეტილცისტეინი (N-acetylcysteine),  სენეგა (Polygala senega), შუბანა (Verbascum thapsus), ბალბა (Malva sylvestris),  ვიტამინი C,  ფრუქტოზა

ფარმაკოლოგიური თვისებები:
ნეო პეკეს მოკოსიტოს – საუკეთესოდ არბილებს და ათხევადებს ნახველს, ხელს უწყობს ადვილად ამოხველებას, განაპირობებს ბრონქის კედლის  ადგილობრივი  იმუნიტეტის გაძლიერებას, საუკეთესოდ ასუფთავებს ცხვირის ღრუს, ათხევადებს და ამცირებს წებოვან  გამონადენს ცხვირიდან.
ფიჭვი, ისლანდიური ხავსი – შეიცავს ლორწოს მსგავს გლუკანებს რომლებიც წარმოქმნიან ლორწოვან გარსზე დამცავ ფენას და იცავენ მას ვირუსებისა და ბაქტერიებისაგან, პოლისაქარიდები  აძლიერებენ სეკრეტორული იმუნოგლობულინების წარმოქმნას და განაპირობებენ იმუნოსტიმულაციურ ეფექტს,  ბრონქოლიზური და ანთების საწინააღმდეგო ეფექტი აიხსნება ლეიკოტრიენების აქტივობის გაზრდით.
N-აცეტილცისტეინი – ორმაგი მუკოლიზური ეფექტის, ექსპექტორანტული და მუკოცელების აქტივატორული თვისებით ათხიერებს ნახველს და ხელს უწყობს ადვილად ამოხველებას ბავშთა ასაკში.
ბალბა, სენეგა,  შუბანა – შეიცავენ საპონინებს, მთრიმლავ ნივთიერებას, ასკორბინის მჟავას, ლორწოს, რის გამოც გააჩნიათ დამარბილებელი და ამოსახველებელი ეფექტი.
ვიტამინი C-  აძლიერებს იმუნიტეტს

ჩვენება:
• სასუნთქი ორგანოების დაავადება, რომელსაც ახლავს ბლანტი და  წებოვანი ნახველის წარმოქმნა
• მწვავე ბრონქიტი
• ობსტრუქციული ბრონქიტი
• მწვავე და  ქრონიკული სინუსიტი

მიღების წესი და დოზირების მეთოდი:
• 6 თვე -2  წელი: 5 მლ 1X დღეში;
• 2-5  წელი: 5 მლ 2X დღეში ან 10 მლ  1X დღეში;
• 5 წლის ზემოთ ბავშვები- 10 მლ 2X დღეში.
მიიღება კვებისგან დამოუკიდებლად. მკურნალობის კურსის ხანგრძლივობა 7-10 დღე.

უკუჩვენება:
მომატებული მგრძნობელობა პრეპარატის შემადგენლობაში შემავალი კომპონენტების მიმართ

შენახვის პირობები და ვადები:
პრეპარატი ინახება თავდახურულ მდგომარეობაში 250C ბავშვებისათვის მიუწვდომელ ადგილას.
ფლაკონი გამოიყენება გახსნიდან 1 თვის მანძილზე
პრეპარატის გამოყენება დაუშვებელია ვარგისობის ვადის გასვლის შემდეგ, რომელიც აღნიშნულია  ფლაკონზე და კოლოფზე

გამოშვების ფორმა: 150 მლ სიროფი მზომი ჭიქით, ჟოლოს არომატით №1

გაცემის რეჟიმი: III ჯგუფი (ურეცეპტოდ)

მწარმოებელი: NEOVITAL DISTRIBUCION SL, ესპანეთი

გაფრთხილება

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება (აქტიური ნივთიერება): კომბინირებული/comb. drug

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი:  ლიპიდური ცვლის მაკორეგირებელი საშუალებები, ბიოლოგიურად აქტიური საკვები დანამატი

შემადგენლობა
თევზის ქონი, ვიტამინი A, D3, B6, C, E, მარწყვის წვენის კონცენტრატი, აჰავას სიროფი

ფარმაკოლოგიური თვისებები
ცენტრალური ნერვული სისტემისა და მხედველობის აპარატის განვითარებაში მონაწილეობა, ანტიანთებითი, იმუნომოდულარული და ანტიალერგიული მოქმედების უნარი, რომელიც ომეგა-3 ნახევრადუჯერ ცხიმოვან მჟავებს გააჩნია, მის შემადგელობაში ეიკოზანოიდების სისტემის (DHA –დოკოზაჰექსაენური და  EPA – ეიკოზაპენტაენური ნახევრადუჯერი ცხიმოვანი მჟავის) არსებობითაა განპირობებული.
DHA და EPA მნიშვნელოვან როლს თამაშობენ ტვინისა და მხედველობის აპარატის განვითარებაში, რადგან წარმოადგენენ ტვინის უჯრედული მემბრანისა და თვალის ბადურის საშენ მასალას
• მნიშვნელოვანი კომპონენტებია  ყურადღების კონცენტრაციის ზრდისა და მეხსიერების გაუმჯობესებისთვის,  რაც გამყარებულია მრავალრიცხოვანი სამეცნიერო კვლევებით
• კონკურენტული ანტაგონისტია არაქიდონის მჟავისა ციკლოოქსიგენაზურ–ლიპოოქსიგენაზურ დონეზე, რაც ვლინდება პროსტაგლანდინების და ლეიკოტრიენების სპექტრის მოდიფიკაციით
• პასუხს აგებენ კანის თვითდატენიანებაზე და ძირითად როლს ასრულებენ თმისა და ფრჩხილების სტრუქტურის აღდგენაში. ააქტიურებენ კანის, თმისა და ფრჩხილების გამაჯანსაღებელ პროცესებს
ომეგა-3 – ის გარკვეული რაოდენობა ორგანიზმში აუცილებელია მოზარდის კბილების ნორმალური განვითარებისთვის, ასევე კანისა და თმის ჯანმრთელობისთვის
ვიტამინი A (რეტინოლი) – ხელს უწყობს მხედველობის აპარატის სწორ ფუნქციონირებას, ამცირებს მხედველობითი დატვირთვის შემდგომ დაღლილობას, მონაწილეობს ჟანგვა–აღდგენით და ნივთიერებათა ცვლის პროცესებში
ვიტამინი D3 (ქოლეკალციფეროლი) – არეგულირებს ფოსფორ–კალციუმისა და ძვლების მინერალიზაციის პროცესებს კუჭნაწლავის ტრაქტში კალციუმის ადსორბციის მომატების ხარჯზე, აქვეითებს თირკმელებიდან ფოსფატების გამოყოფას; განსაკუთრებით მნიშვნელოვანია მოზარდი ორგანიზმის ძვალ-სახსროვანი სისტემისა და კბილების ფორმირებისთვის
ვიტამინი B6 (პირიდოქსინის ჰიდროქლორიდი) –მნიშვნელოვან როლს ასრულებს ნეიროქიმიკატების სინთეზში, რომლებიც პასუხისმგებელნი არიან ტვინის ნორმალურ ფუნქციონირებაზე
ვიტამინი E (ტოკოფეროლი) –მოქმედებს თავისუფალი რადიკალების რეაქციათა შემაკავებლად, ანტიოქსიდანტურად, თრგუნავს წყალბადის ზეჟანგის წარმოქმნას, რომელიც აზიანებს ორგანიზმის ნორმალური ფუნქციონირებისთვის უმნიშვნელოვანეს უჯრედოვან და სუბუჯრედოვან მემბრანებს. ხელს უწყობს ნერვული და კუნთოვანი სისტემების ნორმალურ ფუნქციონირებას.
ვიტამინი C (ასკორბინის მჟავა) –იცავს ნახევრადუჯერ ცხიმოვან მჟავებს დაჟანგვისგან

ჩვენება:
• თავის ტვინისა და მხედველობის აპარატის სწორი განვითარება და ფუნქციონირება
• კოგნიტური და წერა–კითხვის უნარების გაუმჯობესება
• მხედველობის, მეხსიერებისა და ყურადღების კონცენტრაციის გაუმჯობესება
• კომპლექსურ თერაპიაში  კანის დაავადების დროს

მიღების წესი და დოზირების მეთოდი:
• 0-2  წელი: 5 მლ 1X დღეში;
• 2-5  წელი: 5 მლ 2X დღეში ან 10 მლ  1X დღეში;
• 5 წლის ზემოთ ბავშვები- 10 მლ 2X დღეში.
მიიღება კვებისგან დამოუკიდებლად. მკურნალობის კურსის ხანგრძლივობა 15-20 დღე.  კურსის განმეორებას განსაზღვრავს მკურნალი ექიმი

უკუჩვენება:
მომატებული მგრძნობელობა პრეპარატის შემადგენლობაში შემავალი კომპონენტების მიმართ

შენახვის პირობები და ვადები:
პრეპარატი ინახება თავდახურულ მდგომარეობაში 250C ბავშვებისათვის მიუწვდომელ ადგილას.
ფლაკონი გამოიყენება გახსნიდან 1 თვის მანძილზე
პრეპარატის გამოყენება დაუშვებელია ვარგისობის ვადის გასვლის შემდეგ, რომელიც აღნიშნულია  ფლაკონზე და კოლოფზე

გამოშვების ფორმა: 150 მლ სიროფი მზომი ჭიქით, მარწყვის არომატით №1

გაცემის რეჟიმი: III ჯგუფი (ურეცეპტოდ)

მწარმოებელი: NEOVITAL DISTRIBUCION SL,  ბარსელონა, ესპანეთი

გაფრთხილება